Mercedes-Benz SLS AMG Coupe Electric Drive 2014

Просмотров: 1877
Mercedes-Benz SLS AMG Coupe Electric Drive 2014
  • Mercedes-Benz SLS AMG Coupe Electric Drive 2014
  • Mercedes-Benz SLS AMG Coupe Electric Drive 2014
  • Mercedes-Benz SLS AMG Coupe Electric Drive 2014
  • Mercedes-Benz SLS AMG Coupe Electric Drive 2014
  • Mercedes-Benz SLS AMG Coupe Electric Drive 2014
  • Mercedes-Benz SLS AMG Coupe Electric Drive 2014

Mercedes-Benz təmsilçiləri SLS AMG Electric Drive 2014 superkarının timsalında yeni dövrün elektromobilini nümayiş etdirərək bildirirlər ki, betmobillər keçmişə qovuşur. Yeni model eksklüziv elektrik avtomobilidir, onun hazırlanmasında "Formula-1" texnologiyalarından istifadə olunub. O, Ferrari F12 berlinetta (740 at gücündə) və Lamborghini Aventador (750 at gücündə) kimi güclü modellərlə bir sırada dayanır. Yeni elektrik kupesi Paris-2012 avtosalonunda ən güclü Mercedes-Benz avtomobili kimi təqdim olunub.

Kupe kuzovlu ən güclü Mercedes avtomobili olaraq yeni model idman avtomobilləri seqmentində pərəstiş obyektinə çevrilir. Benzinlə işləyən SLS AMG versiyasından fərqli olaraq, elektromobil tündləşdirilmiş ön və arxa fənərlərlə, dəyişikliyə məruz qalmış ön bamper və şanvarı formada radiator barmaqlığı ilə təchiz olunub.

Superkarın profilinə baxdıqda "Electric Drive" yazısı diqqəti cəlb edir. Ona beş ədəd qoşalaşdırılmış mili olan yüngül lehimli disklər quraşdırılıb. Avtomobilin baza komplektasiyasına ön tərəfdə 19 düymlük təkərlər, arxada isə 20 düymlük təkərlər daxildir. SLS AMG Electric Drive idman kupesinin dizaynında diqqətçəkən əsas məqam "magno" (elektrik parıltısı) rəngidir.

İnteryer
Elektromobilin interyeri sportkarın adına uyğun olaraq idmansayağı oturacaqlarla və çoxsaylı karbon elementlərlə təchiz olunub. Sürücü üçün yeni sükan nəzərdə tutulub və sükanın arxa tərəfində spidometrlə taxometr öz yerini bütün zəruri informasiyaları təqdim edən elektron displeyə verib. Avtomobilin salonuna kontrastlı ağ tikişlə işlənmiş tünd çalarlı yüksək keyfiyyətli Designo dərisindən üzlük çəkilib.

Benzin mühərrikinin işləməsindən yaranan səsin imitasiyası interyerə xüsusi şövq verir. 11 dinamikdən gələn və xüsusi olaraq tənzimlənən səsin tonallığı təkcə hərəkət sürətindən deyil, həm də mühərrikin fırlanma tezliyindən və yol şəraitindən asılı olaraq dəyişir.

Avtomobilin baza komplektasiyasına multimedia sistemi, İnternetə çıxış, şinlərin hər birindəki təzyiqə nəzarət edən sensor, arxa görüntü kamerası və dövrə vurmanın müddətini göstərən saniyəölçən daxil edilib.

Mühərrik
SLS AMG Electric Drive idman kupesi dörd elektrik mühərrikinin (hər təkərə bir mühərrik) və akkumulyatorun köməyi ilə hərəkətə gətirilir. İdman elektromobilinin ümumi potensialı 750 at gücünə, fırlanma momenti isə 1000 Nm-ə bərabərdir ki, bunlar da olduqca yüksək göstəricilərdir. Belə potensialla SLS AMG Electric Drive 100 km/saat sürət yığmağa cəmi 3,9 saniyə sərf edir. Elektromobilin maksimal sürəti elektronika vasitəsilə məhdudlaşdırılıb və 250 km/saata bərabərdir.

Daxiliyanma mühərrikindən fərqli olaraq, fırlanma momentinin artımı dərhal (sürücü qaz pedalına basan kimi) baş verir və faktiki olaraq avtomobilin start götürdüyü andan dərhal sonra 1000 Nm göstəricisinə çatır.

Hər birinin çəkisi 45 kq təşkil edən dörd elektrik mühərrikinin hamısı hər birində 72 akkumulyator olan 12 moduldan ibarət litium-ion batareyasından qidalanır. Su vasitəsilə soyudulma və isidilmə sisteminə malik olan batareyanın çəkisi 548 kiloqramdır. Onu optimal yerdə quraşdırmaqla mühəndislər avtomobilin ağırlıq mərkəzinin alçaqda olmasını təmin ediblər.

Opsiya qismində şirkətin təklif etdiyi xüsusi enerji yükləmə qurğusu qarajın divarına quraşdırıla bilər. Mercedes-Benz SLS AMG Electric Drive superkarının tükənmiş enerji ehtiyatı bu qurğunun vasitəsilə 3 saat ərzində tam doldurulur. Xüsusi qurğu olmadan enerji yükləmə prosesi 20 saatadək çəkir.

Sürücü döndərici açardan istifadə edərək 3 rejimdən birinin köməyi ilə Mercedes-Benz SLS AMG Electric Drive elektromobilini cari hərəkət rejiminə uyğunlaşdıra bilər:
1. "C" – gündəlik şəhərdaxili hərəkət rejimi;
2. "Sport" – sürət parametrlərini artıran rejim;
3. "S+" – maksimal sürət rejimi.

Yüksək sürətlə hərəkət edən avtomobili dayandıra bilmək üçün superkara keramik əyləc diskləri ilə təchiz olunmuş yüksək məhsuldarlığa malik əyləc sistemi quraşdırılıb. Mühəndislərin sözlərinə görə, ön tərəfdə 402х39 mm ölçülü, arxada isə 402х39 mm ölçülü iki disk avtomobili problemsiz dayandırmağa qadirdir.

Perspektivli kupe Almaniyanın avtomobil bazarında 2013-cü ilin iyulunda peyda olacaq. Orada Mercedes-Benz SLS AMG Electric Drive 2014-ün qiyməti 416.500 avro təşkil edəcək ki, bu da SLS AMG Coupe GT benzin avtomobilinin dəyərindən (204.680 avro) iki dəfədən də artıq çoxdur.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.