Mercedes-Benz S63 AMG Coupe 2015

Просмотров: 6959
Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015
  • Mercedes-Benz S63 AMG Coupe 2015

Öncə almanlar yeni Mercedes S-klass avtomobilini, sonra onun kupe versiyası olan Mercedes S-klass Coupe C217-ni təqdim etdilər. Daha sonra gücləndirilmiş S63 AMG W222 sedanını təqdim etdilər. İndi isə onun ikiqapılı modifikasiyası olan Mercedes-Benz S63 AMG Coupe 2015 kupesini (C207 kuzovu ilə) nümayiş etdirdilər. Mercedes-in idman bölməsinin (Mercedes-AMG GmbH) hazırladığı yeni ikiqapılı kupe nəinki lüks seqmentində ekstremal kupedir, həm də ən qənaətcil kupedir.

Əvvəlki modellə müqayisədə yeni Mercedes-Benz S63 AMG Coupe 2015-in gücü artıb, çəkisi isə 65 kq yüngülləşib. Bunun üçün AMG-nin tüninq ustaları kupeyə yüngülləşdirilmiş litium-ion akkumulyatoru qoyublar, habelə yüngül xəlitəli 19 düymlük disklər (yüksək texnologiyalı yüngül əyləclərlə) quraşdırıblar. Bundan başqa, avtomobilin hazırlanmasında alüminium korpusdan istifadə edilib ki, bununla da Mercedes S63 AMG kupesində güc ilə çəkinin ən yaxşı nisbətinə nail olunub (hər 3,41 kiloqrama bir at gücü). 

Mercedes-Benz S63 AMG Coupe 2015-ə quraşdırılan, 5,5 litr həcmə və 585 at gücünə (fırlanma momenti 900 Nm) malik olan turbomotor Mercedes-Benz S63 AMG Coupe 2014 versiyasından götürülüb. Bu motor sələfini 41 at gücü (100 Nm) üstələyir. Bu mühərriklə C207 kuzovlu S63 AMG kupesi ötürücünün tipindən (tam (AMG 4MATIC) və ya arxa ötürücü) asılı olaraq 100 km/saat sürəti 3,9 və ya 4,3 saniyəyə yığır. Hər iki modifikasiyanın maksimal sürəti elektronika vasitəsilə məhdudlaşdırılıb və 250 km/saat təşkil edir, hərçənd ki, elektron spidometrin göstəricilərində 330 rəqəmini görmək olar.

Mercedes S63 AMG Coupe 2015 modeli V8 motorlu bütün seriyalı avtomobillər arasında ən qənaətcil avtomobildir, belə ki, 100 km məsafəyə 10,1 litr, yəni təxminən yarım litr (0,4 l) az yanacaq işlədir. Əllə yığılan gücləndirilmiş mühərrik (BlueDIRECT) tullantı qazları baxımından EU6 tələblərinə uyğundur və 7 pilləli idmansayağı sürət qurusu ilə (AMG SPEEDSHIFT) və Stop-Start sistemi ilə təchiz olunur.

İşlənmiş qazların xaric edilməsi indi transmissiyanın üç rejimindən biri vasitəsilə tənzimlənir (C – ekonom, S-sport və M-mexaniki). AMG-nin tüninq ustalarının yenidən tənzimlədikləri tam ötürücülü sistem indi dartı qüvvəsini əsasən arxa oxa ötürür (33 / 67% nisbətində). Beləliklə, mütəxəssislər paralel surətdə mövcud olan iki üstün keyfiyyətə ilk dəfə aşağıdakıları da əlavə ediblər:

- təhlükəsizlik;

- yol örtüyündən bərk "yapışmaq" (yerdən üzülməmək) imkanı;

- sürətli start imkanı;

- ikiqapılı Mercedes-Benz S63 AMG kupesində ötürücünün 2 ox üzrə keyfiyyətli imitasiyası.

Alman avtomobilinin ön və tam ötürücülü versiyalarının asqısı fərqlidir. Birinci modifikasiyada adaptiv MAGIC BODY CONTROL asqısı nəzərdə tutulub (dönmə zamanı 2,5° meyllənmə funksiyası ilə). İkinci modifikasiyada isə avtomobil pnevmatik asqı (AIRMATIC) ilə, (o cümlədən dempferləmə ilə), habelə daha sərt rama altlığı ilə və köndələn dayanıqlığın gücləndirilmiş stabilizatoru ilə təchiz olunur.

İnteryer

Mercedes Benz S63 AMG 4matic Coupe-nin salonunda yeni idmansayağı kreslolar quraşdırılıb. Onların üzərinə Nappa dərisindən üzlük çəkilib və basma AMG yazısı həkk olunub. Sürücünün qarşısında əvvəlki versiyadan fərqli idmansayağı kreslo quraşdırılıb. Burada sükanaltı rıçaqlar və maye kristallı (yumru siferblatlı) displey diqqəti cəlb edir. Buraya həmçinin naviqasiyanın, telefonun və radionun idarə olunmasını asanlaşdıran yeni taçpəd əlavə olunub.

Bu avtomobil aprel premyerasından dərhal sonra avtomobil bazarında peyda olacaq. Seriyalı istehsaldan bir il sonra almanlar eksklüziv S63 AMG Coupe Edition 1 versiyasını nümayiş etdirəcəklər. Bu versiya altdan işıqlandırılan kandarları ilə, qara qovaq ağacından hazırlanmış dekorativ elementləri ilə, gecəgörmə sistemi ilə və üzərində Svarovski kristalları olan faraları ilə seçiləcək.

Şərhlərin sayı: 0

AVATAR
Hələ heç kim şərh verməyib. Birinci siz olun.