Mercedes-Benz E63 AMG 2014

Просмотров: 2846
Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014
  • Mercedes-Benz E63 AMG 2014

Mercedes-Benz 2014-cü model ilinin E63 AMG sedanı və universalı barədə məlumat verdi. Bunlar, sözün əsl mənasında, superkarlardır. Bu avtomobillərin dinamik xarici görünüşü onların yüksək məhsuldarlıq potensialından xəbər verir. 4MATIC tam ötürücüsü ilə təchiz olunmuş Mercedes-Benz E63 AMG S-Model versiyasının texniki xarakteristikaları isə daha böyük təəssürat yaradır. 

Avtomobilin güclü mühərriki və xarakteristikaları

Mercedes-Benz E63 AMG sedanı ilə universalının hərəkətverici qüvvəsinin mənbəyi 5,5 litr həcmli iki turbinli V8 motorudur. Almaniyalı istehsalçı onu məhsuldarlıq və yanacaq sərfiyyatı baxımından ən effektiv güc aqreqatı kimi təqdim edir. Onun güc potensialı 557 at gücü, fırlanma momenti isə 720 Nm-dir. Qeyd edək ki, bu göstəricilər son hədd deyil. Belə ki, Mercedes-Benz E63 AMG S-Model modifikasiyasında analoji göstəricilər daha yüksəkdir: 580 at gücü və 800 Nm. Mühərrikdə kompressorun təzyiqi bir qədər artırılıb ki, nəticədə avtomobil cəmi 3,6 saniyəyə 100 km/saat sürət yığa bilir.

Yuxarıda qeyd edildiyi kimi, E63 S-Model versiyası 4MATIC tam ötürücüsü ilə təchiz olunub: fırlanma momentinin 77 faizi arxa oxun, 33 faizi isə ön oxun payına düşür. Superkarın yeni konstruksiyası sayəsində onun çəkisi 70 kiloqram artsa da, yollarda onun üstünlükləri nəinki azalmayıb, əksinə, artıb. Tam ötürücülü transmissiyanın imkanlarını 3 pilləli stabilləşdirmə sistemi ESP daha da artırır. Avtomobilin əsl maksimal sürəti məlum deyil, onun elektronika ilə məhdudlaşdırılmış maksimal sürət həddi isə 250 km/saatdır.

E63 AMG-nin effektiv transmissiyası

7 pilləli AMG SPEEDSHIFT MCT avtomat transmissiyası yüksək effektivliyə malik güclü motorla ideal cütlük təşkil edir. Avtomat sürət qutusunun sayəsində sürücü istədiyi rejimi seçərək hərəkətin xarakterinə təsir göstərə bilir. Əl rejimindən ("M") savayı, həmçinin iki idman rejimi ("S" və "S+") və qənaətcil rejim ("C" – Controlled Efficiency) nəzərdə tutulub. Qənaətcil rejimdə mühərrikin start/stop idarəetmə funksiyası aktiv olur. Alman mühəndislər yanacaq sərfiyyatının göstəricisi ilə, sözün əsl mənasında, öyünə bilərlər. Arxa ötürücülü Mercedes-Benz E63 AMG qarışıq hərəkət rejimində 100 km məsafəyə 9,8 litr yanacaq sərf edir. E63 S-Model versiyasında bu göstərici bir qədər çoxdur: 10,5 litr. Ekoloji normalara gəlincə, bu avtomobillər 2015-ci ildə qüvvəyə minəcək sərt Euro-6 standartına cavab verir.

E63 AMG-nin asqısı, təkərləri və əyləcləri

Gücləndirilmiş Mercedes-Benz E63 AMG Estate universalına və sedanına AMG RIDE CONTROL idman asqısı quraşdırılıb. Asqı "Comfort", "Sport" və "Sport plus" rejimlərində dempferləməni elektron qaydada idarə edən sistemlə təchiz olunub.

İstehsalçı avtomobilə boz rəngli onmilli yüngül lehimli disklər quraşdırıb. Disklərin üzərinə ön tərəfdə 255/40 R18, arxada isə 285/35 R18 ölçülü şinlər taxılıb. E63 AMG S-Model versiyasının təkər disklərinin ölçüləri bir vahid böyükdür, şinlərinin ölçüləri isə belədir: ön tərəfdə 255/35 R19, arxada 285/30 R19.

Əyləc sistemi 360 millimetr diametrli keramik disklərlə, habelə ön tərəfdə 6 porşenli, arxada isə 4 porşenli supportlarla təchiz olunub. S-Model modifikasiyası üçün opsional qaydada 402 millimetr diametrli əyləc diskləri təklif olunur. Onların çəkisi standart disklərdən 40 faiz yüngüldür, supportların üzərində isə "AMG Carbon Ceramic" loqotipi həkk olunub.

İnteryer və premium audiosistemi

Mercedes-Benz E63 AMG 2014 interyeri Nappa dərisi ilə işlənib. İnteryerin ümumi qara rənginin fonunda metal elementlər, boz xətlər və gümüşü çalarlı təhlükəsizlik kəmərləri diqqəti cəlb edir. Qabaq oturacaqlardakı baş altlıqlarında basma AMG loqotipləri var, mərkəzi konsolda ventilyasiya dəlikləri arasında isə yaraşıqlı IWC analoq saatları nəzərə çarpır. Mercedes-Benz E63 AMG sedanı ilə universalının əlavə avadanlıqları arasında 1200 vatt gücünə malik Bang and Olufsen BeoSound akustika sistemini xüsusi qeyd etmək lazımdır.

© 2013 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.