Mercedes-Benz dünyada ən güclü hetçbeki təqdim etdi

Просмотров: 6972
Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi
  • Mercedes-Benz dünyada ən güclü hetçbeki təqdim etdi

Mercedes-Benzyeni nəsil A-Class hetçbekinin gücləndirilmiş modifikasiyası barədə rəsmi məlumatları və onun fotoşəkillərini yaydı. A45 AMG adlandırılan bu modelə dünyada ən güclü dörd silindrli mühərrik quraşdırılıb. Maksimal potensialı 360 at gücünə bərabər olan bu mühərrikə həmçinin SLS AMG superkarının bəzi komponentləri də quraşdırılıb. Müqayisə üçün qeyd edək ki, beşqapılı Audi RS3-ün əvvəlki nəslinin 2,5 litr həcmli beş silindrli turbomotorunun gücü 240 at gücü təşkil edir. Bu iki avtomobilin rəqiblərinin əksəriyyətinin mühərriklərinin gücü isə 300 at gücündən artıq deyil.

Tam ötürücülü hetçbekə alüminiumdan hazırlanmış iki litr həcmli dörd silindrli benzin turbomotoru quraşdırılıb. AMG atelyesinin bütün digər güc aqreqatları kimi bu mühərrik də Almaniyanın Kölleda şəhərindəki zavodda xüsusi olaraq əllə yığılır. Mühərrikin maksimal fırlanma momenti 450 Nm-ə bərabərdir. O, yeddi pilləli robotlaşdırılmış transmissiya ilə tandem təşkil edir. Sonuncunun idarəetmə proqramının əsas elementləri SLS AMG-dən götürülüb.

Yeni hetçbekin 100 km/saat sürət yığmasına 4,6 saniyə tələb olunur. Onun maksimal sürəti elektronika ilə məhdudlaşdırılıb və 250 km/saat təşkil edir. Kompaniya təmsilçilərinin sözlərinə görə, qarışıq hərəkət şəraitində avtomobilin yanacaq sərfiyyatı 100 kilometr məsafəyə təxminən 7 litr təşkil edir. Bundan başqa, güc aqreqatı 2015-ci ildə qüvvəyə minəcək Avro-6 ekoloji standartının normalarına cavab verir.

Hetçbek yüksək məhsuldarlığa malik soyutma sistemi (bu sistemin elementləri SLS AMG-dən götürülüb), habelə elektronika vasitəsilə nəzarət edilən xüsusi qapaqları olan çıxış klapanları ilə təchiz olunub. Onların vəziyyəti və buna müvafiq olaraq mühərrikin səsi sürücünün qaz pedalını nə dərəcədə bərk basmasından və mühərrikin fırlanma dövrələrindən asılı olaraq dəyişir. Analoji sistemdən SLK 55 AMG modelində istifadə olunur.

Ən güclüA-Class hetçbeki yenidən tənzimlənmiş sükan idarəetməsi, bir qədər aşağı endirilmiş və sərtləşdirilmiş asqı, üç iş rejiminə malik (Sport Handling rejimində arxa təkərlərə ötürülən fırlanma momentinin kəmiyyəti artır və elektronikanın nəzarəti bir qədər zəifləyir) olan və tamamilə söndürülə bilən stabilləşdirmə sistemi, güclü əyləc mexanizmləri (əyləc sistemi ön tərəfdə 350, arxada isə 330 millimetrlik disklərlə təchiz olunub), habelə üzərinə 235/40 ölçülü şinlər taxılmış 18 düymlük təkər diskləri ilə təchiz olunub (opsiya qismində 19 düymlük disklər təklif olunur).

Alıcı əlavə ödəniş etməklə kuzovun üst konstruksiyası üçün karbon elementlər, o cümlədən  ön splitter, habelə kandarlar və arxa bamper üçün elementlər sifariş edə bilər. Həmçinin əlavə ödəniş müqabilində arxa görüntü güzgülərinin karboplastik korpusunu, arxa spoyleri, idmansayağı oturacaqları və qırmızı rəngli əyləc supportlarını sifariş etmək olar. 

© 2013 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.