Mercedes-Benz CLA 2014: yeni dördqapılı kupe

Просмотров: 3495
Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe
  • Mercedes-Benz CLA 2014: yeni dördqapılı kupe

Detroyt-2013 sərgisində nümayiş etdirilmiş yeni Mercedes-Benz CLA sedanı seriya ilə istehsal olunan müasir avtomobillər arasında aerodinamik müqavimət əmsalının rekord dərəcədə aşağı olması ilə çoxlarını təəccübləndirdi. Qeyd edək ki, alman kompaniyası bu avtomobili dördqapılı kupe kimi təqdim edir. Almanlar sedanın satışlarını yubatmamağı qərara aldılar. Belə ki, ilk Mercedes-Benz CLA avtomobilləri artıq aprel ayında avropalı dilerlərin salonlarında peyda olacaq.

Yeni avtomobilin uzunluğu 4630 mm, eni 1777 mm, hündürlüyü isə 1437 mm təşkil edir. Onun xarici görünüşü Mercedes-Benz-in yeni dizayn konsepsiyasına uyğundur. Radiator barmaqlığının səthi səpələnmiş almazlar formasındadır və onun üzərində şirkətin iri emblemi yerləşdirilib. Belə təəssürat yaranır ki, yeni sedanda çox şeylər CLSmodelindən götürülüb: kapotun xarakterik tilləri, avtomobilin profilində onun dinamik görünüşünü gücləndirən qabarıq xətlər, habelə dam örtüyünün CLS-dəki kimi rəvan forması belə düşünməyə əsas verir. 

Amma CLA modelində təkər tağlarının qabarıqlığı daha azdır və forması daha sadədir ki, bu da ona daha çox hamarlıq verir və aerodinamikasını daha da yaxşılaşdırır. Ön tərəfin havaya müqavimət əmsalı 0,23-ə bərabərdir, Mercedes-Benz CLA 180 BlueEFFICIENCY versiyasında isə bu göstərici daha yaxşıdır (0,22). Əla aerodinamika yanacaq sərfiyyatı baxımından qənaətcilliyin əsasını təşkil edir.

CLA-nın interyeri sedanın idmansayağı cizgilərini daha da gücləndirir. Ön paneldə ətrafında metal haşiyələr olan beş dairəvi ventilyasiya dəliyi diqqəti cəlb edir. Dam örtüyündə iri panoramlı lyuk opsiya qismində təklif olunur. COMAND Online multimedia sistemi bir çox interaktiv funksiyalara malikdir: səslə idarəetmə, naviqasiya (trafikə real vaxt rejimində nəzarət funksiyası ilə), İnternet-radioya, Facebook Twitter sosial şəbəkələrinə çıxış.

Çoxsaylı təhlükəsizlik sistemləri hərəkət zamanı sürücüyə kömək edir. Yeni Mercedes-BenzCLA toqquşmalar barədə xəbərdarlıq edən sistemlə təchiz olunub ki, bu sistemdə preventiv (qabaqlayıcı) əyləcləmə imkanı var. Bundan başqa, yeni avtomobil sürücünün yorğunluq dərəcəsinə nəzarət edən Attention Assist sistemi ilə də təchiz olunub. Eləcə də əlavə opsiya qismində alıcılara avtomatik parklamanı təmin edən Active Parking Assist sistemi təklif olunur.

Mercedes-Benz CLA üçün 122 at gücündən 211 at gücünə qədər olan müxtəlif mühərriklər nəzərdə tutulub. Gücü ən aşağı olan benzin motorunun həcmi 1,6 litrdir (CLA 180). Onun ardınca 156 at gücünə malik versiya (CLA 200), daha sonra 200 və 211 at gücünə malik versiyalar (CLA 250) gəlir.

Dizel mühərrikləri 136 və 170 at gücündədir. İstisnasız olaraq bütün mühərriklər start/stop sistemi ilə təchiz olunur. Mercedes-Benz CLA üçün 6 pilləli mexaniki transmissiya və 7G-DCTavtomat transmissiyası təklif olunur. Tam ötürücülü versiyaya üstünlük verənlər üçün sonuncu nəsil 4MATIC transmissiyası nəzərdə tutulub.

Almaniyada yeni Mercedes-Benz sedanının qiyməti CLA 180 modifikasiyası üçün 28.977 avrodan başlayır.


© 2013 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.