“Meqa Sığorta” avtomobil sığortaçılığında fərq yaradır

Просмотров: 2218
“Meqa Sığorta” avtomobil sığortaçılığında fərq yaradır
  • “Meqa Sığorta” avtomobil sığortaçılığında fərq yaradır
  • “Meqa Sığorta” avtomobil sığortaçılığında fərq yaradır
  • “Meqa Sığorta” avtomobil sığortaçılığında fərq yaradır
  • “Meqa Sığorta” avtomobil sığortaçılığında fərq yaradır
  • “Meqa Sığorta” avtomobil sığortaçılığında fərq yaradır
  • “Meqa Sığorta” avtomobil sığortaçılığında fərq yaradır

2010-cu ilin oktyabr ayında yaradılmış “Meqa Sığorta” ASC 2011-ci il ərzində təşkilati işləri tamamlayaraq real fəaliyyətə başlayıb. Şirkət işləyib hazırlayacağı yeni məhsulları ilə müştərilərin fərqli ehtiyaclarını ödəməyi qarşısına məqsəd qoyub. 

Bu günlərdə “Meqa Sığorta” ASC “AVTOECONOM” adlı yeni avtomobil sığortası proqramına start verib. Şirkətin  İdarə Heyətinin sədri Əfqan Murtuzayev yeni məhsul haqqında jurnalımıza məlumat verib. 

İldə 20.000 km yol qət edirsənsə, “AVTOECONOM” sənə görədir
- “AVTOECONOM” məhsulu avtomobil sahiblərinin fərqli ehtiyaclarını ödəmək üçün hazırlanıb. Hazırda işlədiyi yer ilə evi arasında az məsafə qət edənlər, iki avtomobili olanlar, öz şəxsi avtomobili olsa da xidməti avtomobilindən daha çox istifadə edənlər xeyli saydadır. Belə insanlar adətən avtomobillərini il ərzində 20.000 kilometrə qədər sürürlər. Həmin avtomobil sahiblərini sığortaya cəlb etmək və onlara ən münasib qiyməti təqdim etmək üçün “AVTOECONOM” məhsulunu hazırladıq. Məhsulun şərtlərinə əsasən avtomobilini sığortalayan şəxs nəzərdə tutulmuş 20.000 km yol limitini keçmədiyi halda, ikinci və növbəti illərdə sığortalanma zamanı tətbiq edilən güzəştlərdən yararlana bilir. Yəni tamamlanmamış yol limiti üzrə ikinci il qalıq məsafəyə mütənasib olaraq sığorta haqqından azad edilir. Misal üçün, proqram çərçivəsində sığortalanan avtomobil il ərzində 12.000 km yol qət etdikdə 8.000 km qənaət edilmiş olunur, uyğun olaraq ikinci il 20.000 km nisbətinə güzəşt əldə edilir (Qeyd:(20.000 - 12.000) × 100% / 20.000 = 40%). Beləliklə, növbəti il sığortalanan avtomobilin sahibi 12.000 km üçün sığorta haqqı ödəyir, başqa sözlə, 40% güzəşt əldə edir.

Bundan əlavə, hər sığortalanmış avtomobilə əlavə güzəşt də nəzərdə tutulub. Belə ki, sığortalıya tətbiq edilmiş yol limitini keçib-keçməməsindən asılı olmayaraq, sığorta müddəti ərzində sığorta hadisəsi  törətmədiyinə görə də əlavə 10% güzəşt də olunacaq.

“AVTOECONOM” proqramı hansı risklərə qarşı təminat verir?
- Bu sığorta proqramı üzrə müştərilər istəklərindən asılı olaraq “Avtomobillərin kasko sığortası”, “Üçüncü şəxslər qarşısında mülki məsuliyyət sığortası”, “Sürücü və sərnişinlərin fərdi qəza sığortası”  proqramlarından yararlana bilərlər.

“AVTOECONOM” proqramı üzrə təminata avtonəqliyyat hadisəsi, oğurluq, quldurluq, qaçırma və soyğunçuluq, yanğın və partlayış, heyvanların hərəkəti, atılmış və ya düşmüş əşya, üçüncü şəxslərin qanunazidd hərəkətləri və təbii fəlakətlər daxildir.

“Meqa Sığorta” ASC fərdi müştərilərə aşağı franşiza təklif edir. Yeni “AVTOECONOM” sığorta məhsulunda da müştərilərə 50-100 manat civarında franşiza təklif edirik.
Sığorta haqqını isə andrayter qrupu hesablayır, bu zaman avtomobilin ili, markası, saxlanıldığı şərait, sürücünün təcrübəsi, onun son iki ildə qəza törədib-törətmədiyi  və s. nəzərə alınır. Nəticədə andrayter xidməti bunlara uyğun olaraq  faiz çıxardır.

Sonda qeyd edək ki, ‎“Hər kəs üçün hərtərəfli əminlik!” şüarı ilə yola çıxan gənc və dinamik \"Meqa Sığorta\" \"Eurovision- 2012\" mahnı müsabiqəsinin baş sponsorlarından biridir.

Seymur Yunusov

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.