“Mən də iştirak edirəm”- birlikdəliyin devizi

Просмотров: 469
“Mən də iştirak edirəm”- birlikdəliyin devizi
  • “Mən də iştirak edirəm”- birlikdəliyin devizi
  • “Mən də iştirak edirəm”- birlikdəliyin devizi
  • “Mən də iştirak edirəm”- birlikdəliyin devizi

Hyundai və uşaqları nə birləşdirir?

Sentyabr ayının 12-si “Ambassador” oteldə “Hyundai” şirkətinin həyata keçirdiyi “Gələcəyimiz üçün əl-ələ” layihəsi çərçivəsində müraciətlərin qəbuluna start verildi. Artıq 3-cü ildir ki, reallaşdırılan kampaniyanın əsas məqsədi valideynləri avtomobil qəzalarında həlak olmuş və bu hadisələrdən zərər çəkmiş uşaqlara yardım etməkdir.

Mətbuat konfransında bu kampaniyadan faydalanmaq istəyənlər üçün sentyabr ayının 12-dən oktyabr ayının 20-dək sənədlərin qəbulu açıq elan edildiyi bildirildi. Xüsusi olaraq qeyd edilməlidir ki, bu kampaniya çərçivəsində heç bir ayrı-seçkiliyə yer verilmir. Belə ki, qəzanın baş verdiyi maşının markasından, günahkarın kimliyindən asılı olmayaraq, avtomobil qəzalarından əziyyət çəkən hər bir ailə, yaxud uşaq yardım üçün müraciət edə bilər. Müraciətlər Hyundai brendinin Azərbaycandakı eksklüziv distribüteri Auto Azərbaycan şirkətinin ofisində qəbul olunur. Müraciət edəcək hər bir uşağa 1000 dollar dəyərində yardım edilməsi nəzərdə tutulur. Onu da qeyd edək ki, “Gələcəyimiz üçün əl-ələ” kampaniyası artıq 3-cü dəfədir ki, bu tipli tədbir həyata keçirir. Bu barədə Auto Azərbaycan şirkətinin PR meneceri Firdovsi Xəlilov geniş məlumat verdi. Onun sözlərinə görə, kampaniyanın ilk illərində insanlar arasında bu yardıma inamsızlıq mövcud olsa da, artıq bu gün layihə öz təsdiqini tapıb. “2010-cu ildə start verilən kampaniya çərçivəsində xeyli iş görülüb. Kampaniyanın birinci ilində (2010) 9 ailədən olan 15 uşağa yardım edildi. 2011-ci ildə kampaniyanın həcmi nisbətən genişləndi. Həmin il 9 bölgəni əhatə edən layihədə 45 ailədən 86 uşağa yardım olundu. Bu il həyata keçirilən proyektin yekununda isə nəzərdə tutulub ki, uşaqlar üçün düşərgə təşkil edilsin. Layihənin üstünlüklərindən biri də ondan ibarətdir ki, hər bir “Hyundai” sahibi əslində bu kampaniyanın bilavasitə iştirakçısıdır. Onlar da öz növbələrində fəxrlə deyə bilərlər ki, kampaniyanın həyata keçirilməsində iştirak payları var. Onu da qeyd edim ki, bu kampaniyada “Mən də iştirak edirəm”, - deyərək sosial media səhifələrində və avtomobillərində bu aksiyada iştiraklarını bildirən nişanları paylaşan və ya gəzdirən hər bir Hyundai sahibinə təşəkkür edirik”.

Tədbirin yekununda müraciət etmək üçün tələb olunan sənədlərin siyahısı səsləndirildi. Müraciət üçün uşağın doğum haqqında şəhadətnaməsinin surəti, qəzada dünyasını dəyişənin ölüm kağızının surəti, uşaqların himayəsində olduğu kəsin şəxsiyyət vəsiqəsi və hər hansı bir ədliyyə orqanı tərəfindən mərhumun məhz avtomobil qəzasında həlak olduğunu təsdiqləyən sənəd olmalıdır.

Odur ki, əziz oxucularımız əgər yaxınınızda belə uşaqlar varsa, vaxt itirmədən onları bu kampaniyaya qoşulmağa dəvət edin.

Hazırladı: Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.