Məğrur və aqressiv Cadillac CTS 2012

Просмотров: 1830
Məğrur və aqressiv Cadillac CTS 2012
  • Məğrur və aqressiv Cadillac CTS 2012
  • Məğrur və aqressiv Cadillac CTS 2012
  • Məğrur və aqressiv Cadillac CTS 2012
  • Məğrur və aqressiv Cadillac CTS 2012
  • Məğrur və aqressiv Cadillac CTS 2012
  • Məğrur və aqressiv Cadillac CTS 2012
  • Məğrur və aqressiv Cadillac CTS 2012

2012-ci model ilinin yenilənmiş təmtəraqlı lüks amerikan sedanı Cadillac CTS bəzi müsbət dəyişikliklərə məruz qalıb. Belə ki, avtomobil yeni idman mühərriki və yeni radiator barmaqlığı əldə edib, habelə yeni Touring Package edition paketi ilə təchiz olunub. Avtomobil məğrur, aqressiv və idmansayağı görkəmə malikdir, lakin, eyni zamanda, dizaynerlər bu cizgiləri eleqantlılıq və təmtəraqlılıq kimi cizgilərlə birləşdirməyə nail olublar. CTS-in hazırkı görünüşündə aparılmış kiçik dəyişikliklərdən ibarət modernləşdirmə işlərinə modelin növbəti restaylinqi kimi baxmaq olar. Amma, eyni zamanda, bu əməliyyat bütün CTS-in modellər cərgəsinə (sedan, kupe və universal versiyalarına) şamil olunacaq. Yenilənmiş Cadillac CTS avtomobilinin 2011-ci ildə yayın sonunda satışda peyda olacağı gözlənilir.

Yeni radiator barmaqlığının “toru” və çərçivəsi yenidən işlənib. İndi radiator barmaqlığının səthində cilalanmış hissələr daha çoxdur və o daha enli görünür. Bundan başqa, radiator barmaqlığı üzərində yeni Cadillac loqotipi yerləşdirilib. Loqotipdəki rənglər daha parlaqdır və onların arasında çıxıntılar peyda olub ki, bunun da sayəsində 3D görüntüsünün effekti yaranır.

Ən maraqlı yenilik Cadillac-ın öz aqreqatları cərgəsinə əlavə etdiyi “V” formalı altı silindrli yeni mühərrikdir. 3,6 litr həcmli yeni mühərrik 318 at gücünə malikdir ki, bu da onun sələfinin gücündən 14 vahid çoxdur. Baza komplektasiyasında yeni avtomobilə 6 pilləli avtomat transmissiya quraşdırılacaq, həmçinin opsional qaydada digər variantlar da təklif olunacaq. Avtomobilin 100 km/saat sürət yığmasına 7 saniyədən az vaxt tələb olunur, onun maksimal sürəti isə 250 km/saat təşkil edir. Yeni mühərrik həm də qənaətcilliyi ilə seçilir: o, şəhər tsiklində 100 km məsafəyə 13 litr, şosedə isə 8,4 litr yanacaq işlədir. Buna yeni mühərrikin daha yüngül və effektiv konstruksiyası sayəsində nail olunub.

2012-ci model ilinin avtomobili Cadillac CTS-in interyeri yeni tərtibatda işlənəcək (Touring Package edition paketi). Bu paketlə istər 3,0 litr həcmli, istərsə də 3,6 litr həcmli mühərrik quraşdırılmış versiyalar təchiz olunacaq. Touring Package edition paketinə bunlar daxildir: salonun tünd rəngdə tərtibatı, idmansayağı metal pedallar, daxili tərtibatda istifadə olunmuş tünd ağac materialı (Sapele), yeni tərtibatda oturacaqlar, sükan çarxı və transmissiya rıçaqı. Sedan və universal versiyalarının bəzi detalları fərqlənəcək. Məsələn, universal versiyası xromlanmış qapı dəstəkləri ilə təchiz olunacaq, amma sedan versiyasında bu detal olmayacaq. 3,6 litr həcmli mühərrik quraşdırılmış versiyalar 14 cür tənzimlənmə imkanına malik Recaro oturacaqları və 19 düymlük təkər diskləri ilə təchiz olunacaq. 3,0 litr həcmli mühərrik quraşdırılmış versiyalara 18 düymlük təkər diskləri (sədəf-nikelli tərtibatda) quraşdırılacaq. 

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.