LykanHypersport - 3,4 milyon dollara ərəb superkarı

Просмотров: 1891
LykanHypersport - 3,4 milyon dollara ərəb superkarı
  • LykanHypersport - 3,4 milyon dollara ərəb superkarı
  • LykanHypersport - 3,4 milyon dollara ərəb superkarı
  • LykanHypersport - 3,4 milyon dollara ərəb superkarı
  • LykanHypersport - 3,4 milyon dollara ərəb superkarı
  • LykanHypersport - 3,4 milyon dollara ərəb superkarı

Livanın W Motors şirkəti özünün ilk superkarını – məşhur Bugatti Veyron-la rəqabət iddiasında olan LykanHypersport modelini təqdim edir.

Artıq bu ay avtomobil sənayesi tarixində ilk ərəb superkarı nümayiş etdiriləcək. Livanın W Motors şirkəti Qətərdə təşkil edilən avtosalonda LykanHypersport superkarını təqdim edəcək. İstehsalçı artıq indidən superkarın ilk fotoşəkillərini nümayiş etdirib və onun barəsində yeni məlumatları açıqlayıb. 

YeniLykanHypersport-un ərsəyə gəlməsində xeyli sayda mütəxəssisin əməyi var. Onun hazırlanmasına bu firmalar dəstək veriblər: Almaniyanın tüninq atelyesi RUF (o, texniki məsləhətçi və aqreqatların təchizatçısı qismində çıxış edib), avtomobil komplektləşdiricilərinin istehsalçısı Magna Steyr (injinirinq və istehsalat üzrə məsləhətçi), habelə Viotti ID4Motion firmaları (bu firmalar modelləşdirmə işləri, prototiplərin yaradılması və elektron sistemlərin hazırlanması ilə məşğul olur). Superkarın hazırlanmasına təxminən altı il vaxt sərf etmiş W Motors bu eksklüziv modelin cəmi yeddi nüsxəsini buraxmağı qərara alıb. Bu avtomobillərin hər birinin qiyməti 3,4 milyon dollar təşkil edəcək.

Avtomobil üçün bu qədər pul ödəməyə hazır olan hər kəs, yəqin ki, ondan yüksək sürət göstəriciləri gözləyir. LykanHypersport həqiqətən sürətli avtomobildir, amma bu cəhətdən Bugatti Veyron Super Sport-a çatmaz. Üstəlik, fransız superkarının qiyməti ərəb avtomobilinin qiymətindən xeyli aşağıdır. Onun qiyməti 1,5 milyon dollardan başlayır. 

LykanHypersport-a iki turbinli altı silindrli mühərrik quraşdırılıb. Mühərrikin potensialı 750 at gücünə bərabərdir. Avtomobilin maksimal sürəti 390 km/saatdır. Superkarın 100 km/saat sürət yığmasına cəmi 2,8 saniyə tələb olunur. 

W Motorsözünün ilk avtomobilini dəbdəbəli komponentlərlə təchiz edib. Məsələn, superkarın işıq-diod texnikası brilyantlarla bəzədilib, avtomobilə üçölçülü holoqrafik displey və interaktiv cihazlar paneli quraşdırılıb, oturacaqlar isə qızıl saplı tikişlərlə işlənib. Bundan əlavə, hər bir LykanHypersport sahibinə Cyrus Klepcys Watch firmasının buraxdığı xüsusi seriyalı qol saatı bağışlanacaq. Belə saatların hər bir nüsxəsinin qiyməti 200 min dollardan baha qiymətləndirilir. İlk alıcılar öz supekarlarını artıq bu ilin sentyabrında ala biləcəklər.


© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

 

Şərhlərin sayı: 0

AVATAR
Hələ heç kim şərh verməyib. Birinci siz olun.