Lumma Design Porsche Cayenne CLR 558 GT-S

Просмотров: 2114
Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S
  • Lumma Design Porsche Cayenne CLR 558 GT-S

Lumma Design tüninq atelyesi Porsche Cayenne ofrouderi üçün yeni tüninq paketi hazırlayıb. Paketə bunlar daxildir: kuzov komponentləri, təkər diskləri, səsboğucu sistemi və interyerin yaxşılaşdırılması üçün müəyyən elementlər. Kompaniya bütün tüninq detalları üçün qiymətləndirməni dərhal həyata keçirib.

Hesablamalara əsasən, ən bahalı detal CLR 558 GT-S aerodinamik asqısıdır, amma müştəri onun komponentlərini ayrı-ayrılıqda sifariş verə bilər. Porsche Cayenne Lumma-nın yeni ön bamperi 3510 avroya təklif olunur. Onun üzərindəki iri havaçəkənlər, eləcə də splitter, tündləşdirilmiş gündüz işıqları və dönmə siqnalları ofrouderə aqressiv görünüş verir. Şirkət təmsilçiləri qeyd edirlər ki, bamper orijinal montaj nöqtələrinə quraşdırılır.

Lumma Design tüninq atelyesinin ofrouder üçün təklif etdiyi kuzov rəngində "yan ətəklər" dəstinin dəyəri 1725 avrodur. Tüninq kompaniyasından bildirirlər ki, CLR 558 GT-S-in yeni kandarları onun klirensinin hündürlüyünə əhəmiyyətli təsir göstərmir. Avtomobilin arxa hissəsinə atelyenin ustaları diffuzorla birlikdə yeni bamper quraşdırıblar ki, bu da ona daha çox idmansayağı görünüş verir. Bu komponentlərin qiyməti isə 2670 avrodur.

CLR 558 GT-S-ə hansı mühərrikin quraşdırılmasından asılı olmayaraq, Lumma Designonu yeni tullantı sistemi ilə təchiz edir. Dörd ədəd 90 mm diametrli qoşa boruları özündə birləşdirən bu sistemin dəyəri 950 avro təşkil edir. Bu sistemin sayəsində mühərrikin gücü bir neçə vahid artmış olur.

Tüninq atelyesi CLR 558 GT-S ofrouderi üçün təkərlər də hazırlayıb. Atelyenin təklif etdiyi təkər şinlərinin və disklərinin diametri bu model üçün mümkün olan ən böyük ölçüyə malikdir. Ön tərəfdə avtomobilə çevrəsinin eni 10 düym təşkil edən təkər diskləri quraşdırılıb, onlara 295/30 R22 ölçülü şinlər taxılıb. Arxa tərəfdə isə bu göstəricilər belədir: 12 düym və 335/25 R22.

Fotoşəkildə təqdim olunan ofrouderə Lumma CLR 22 diskləri quraşdırılıb. Müştərinin seçimi əsasında onlar tutqun qara, parlaq qara və gümüşü rəngdə ola bilər. Şinlərlə, balanslayıcı və quraşdırma ilə birlikdə bu dəstin qiyməti 5400 avrodur. CLR 22 diskləri ilə yanaşı, tüninq kompaniyası müştərilərə ölçüləri 19 düymdən 23 düymə qədər olan yeddi digər disk modeli də (başqa şinlərlə) təklif edir.

Yuxarıda sadalananlardan əlavə, tüninq atelyesi həmçinin karbon kapot, arxa spoyler və arxa fənərlər üçün üstlüklər təklif edir. Bundan başqa, Porsche Cayenne CLR 558 GT-S-in interyeri üçün Lumma atelyesi dəri üzlük, firma palazlar, habelə karbon və ağac materialından elementlər təklif edir.


© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.