Lincoln MKZ 2013 sedanı

Просмотров: 1789
Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı
  • Lincoln MKZ 2013 sedanı

Amerikanın Ford konserni özünün Lincoln premium brendinə ikinci nəfəs verməyə çalışır. Seriya ilə buraxılacaq Lincoln MKZ 2013 sedanının Nyu-Yorkda baş tutmuş təqdimatı bu istiqamətdə atılan addımlardan biridir. MKZ 2013 sedanının tezliklə satışda peyda olacağı gözlənilir.

Qeyd edək ki, MKZ modeli Cadillac-dan Lincoln-a keçmiş Maks Vulfun rəhbərliyi altında Lincoln Design Studio-da hazırlanmış ilk Lincoln modelidir. Seriya ilə buraxılacaq avtomobilin daxilini və xaricini Detroytda nümayiş etdirilmiş konseptual modellə müqayisə etsək, hər hansı nəzərə çarpan dəyişikliyin olmadığını görərik. Yalnız yenilənmiş qapı dəstəkləri və güzgülər, habelə baqaj bölməsinin dam örtüyü istisna təşkil edir. Avtomobilin dizaynı barəsində Vulf özü bunları deyib: "Biz eksteryerlə interyerin dizaynı arasında harmonik əlaqə qurmağa çalışmışıq. Yeri gəlmişkən, sonuncu kifayət qədər rahat və funksional alınıb ki, bu da daha çox müxtəlifliyə can atan gənc alıcını özünə cəlb etməlidir".

Lincoln rəhbərliyi əmin edir ki, MKZ eyni platformada hazırlandığı, eyni güc aqreqatlarını və bəzi eyni sistemləri paylaşdığı Ford Fusion modelindən daha maraqlı alınacaq. Yeni Lincoln modelinin əsas rəqibləri (BMW 3-Series, Audi A4 və s. ) ilə inamla rəqabət apara bilməsi üçün istehsalçı müştərilərinə yeni V6 mühərrikinin quraşdırılması imkanını və bəzi eksklüziv texnologiyaları təklif edəcək. Sonuncuların sırasında tənzimlənən asqını idarəetmə sistemini (Continuously Controlled Damping (CCD) adlı bu sistem üç rejimlə təchiz olunub: Sport, Normal və Comfort), panoramlı unikal dam örtüyünü və Push Button avtomat transmissiyasını qeyd etmək olar.

Lincoln MKZ alıcılara üç güc aqreqatı ilə təklif olunacaq. Dörd silindrli turbinli EcoBoost mühərriki 2,0 litr həcmə və 240 at gücünə malikdir, onun fırlanma momenti isə 366 Nm-ə bərbərdir. Şəhər yollarında hərəkət zamanı bu mühərriklə MKZ-nin yanacaq sərfiyyatı 100 km məsafəyə təxminən 10,7 litr, trasda isə təxminən 7 litr təşkil edir. 3,7 litr həcmə və 300 at gücünə malik (fırlanma momenti 375 Nm) V6 mühərriki şəhər yollarında 100 kilometrə 13 litr yanacaq işlədir, trasda isə bu məsafəyə 9 litr yanacaq sərf olunur.

Alıcılar avtomobilin hibrid versiyasını da əldə etmək imkanına malik olacaqlar. Ona 2,0 litr həcmli Atkinson mühərriki və elektromotor quraşdırılacaq. Bu güc qurğusunun gücü 188 at gücünə bərabər olacaq (yanacaq sərfiyyatının göstəriciləri barədə hələlik məlumat verilmir).

2,0 litr həcmli EcoBoost mühərriki və ya V6 mühərriki quraşdırılan avtomobillər altı pilləli avtomat transmissiya ilə (ön və tam ötürücülü variantlarda) təchiz olunacaq. Hibrid versiya yalnız ön ötürücü və CVT ilə təchiz olunacaq.

Qeyd edək ki, MKZ 2013-ün baza komplektasiyasına SYNC və MyLincoln Touch sistemləri, salonun hava filtrasiyası sistemi, ön oturacaqların isidicisi, məsafədən işə salma imkanı və səs-küyü "boğan" Active Noise Control sistemi daxildir.

© 2013 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.