Lexus RX 350 F Sport: premium-krossoverin xüsusi versiyası

Просмотров: 1667
Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası
  • Lexus RX 350 F Sport: premium-krossoverin xüsusi versiyası

Lexus-un hazırladığı RX 350 F Sport adlı yeni idman krossoveri “Nyu-York 2012” avtosalonunda debüt etdi. Tam ötürücülü Lexus RX 350 F Sport krossoveri 8 pilləli avtomat transmissiya, orijinal asqı, aqressiv dizaynlı qabaq bamper, torşəkilli radiator barmaqlığı və bəzi əlavə aksessuarlarla təchiz olunub.

Lexus RX 350 F Sport-un asqısı yoldakı nahamarlıqları, kələ-kötür yerləri rahatca dəf edir. Bundan əlavə, vibrasiyaların udulması sistemi hərəkət zamanı komfortu və sükan idarəetməsi ilə daha dəqiq əks-əlaqəni təmin edir. Krossover 235/55 R-19 ölçülü təkərlər və beşmilli təkər diskləri ilə təchiz olunub. Dayanıqlığa və dartı qüvvəsinə nəzarət edən sistemlər, o cümlədən ABS və Brake Assist sistemləri avtomobilin problemsiz hərəkətini təmin edir.

Lexus RX 350 F Sport krossoverinin dizaynı kuzovundakı firma nişanları, idmansayağı bamperi və duman əleyhinə faraları ilə seçilir. Avtomobil yeni faralarla, işıq-diod lampaları ilə təchiz olunub.

Lexus RX 350 F Sport avtomobilinə 3,5 litr həcmli mühərrik quraşdırılır. Qazbölüşdürmə fazalarını dəyişən ikiqat sistemlə təchiz olunmuş mühərrik altı silindrlidir, silindrlər “V” formasında yerləşib. Mühərrikin qüvvəsi 270 at gücü təşkil edir (1 dəqiqədə 6200 fırlanma dövrəsi ilə). Səkkiz pilləli avtomat sürət qutusu sürət pillələrinin birindən digərinə tez keçməni təmin edir və yanacağa qənaət etməyə kömək edir.

Yeni RX 350 F Sport krossoverinin Lexus Active Torque Control tam ötürücülü sistemi arxa oxun dərhal işə düşməsini təmin edir və yol şəraitindən asılı olaraq fırlanma momentini 100:0 və ya 50:50 nisbətində paylaya bilir. Avtomobil start götürərkən tam ötürücü işə düşür, sonra arxa differensial söndürülür və krossover yalnız ön ötürücü ilə hərəkət edir, bununla da yanacaq sərfiyyatı xeyli azalır. Şəhər yollarında Lexus RX 350 F Sport 100 kilometr məsafəyə 12,4 litr, trasda 9,4 litr, qarışıq tsikldə isə 11,2 litr benzin sərf edir.

Lexus RX idman krossoverinin oturacaqlarına kontrastlı ağ tikişləri olan qara rəngli dəri üzlük çəkilib. Bu materiala həmçinin ön paneldə və qapıların üzlüyündə rast gəlmək olar. Alüminium pedallar RX 350 F Sport-un idmansayağı xarakterini əlavə olaraq vurğulayır. Səs vasitəsilə idarəetmə ilə təchiz olunmuş multimedia sistemi o dərəcədə yüksək intellektual sistemdir ki, birbaşa sükan arxasından kinoya bilet almağa və ya restoranda masa sifariş etməyə imkan verir.

Yeni RX 350 F Sport-da diskləri oxutmaqla yanaşı, daşıyıcını USB-port vasitəsilə qoşmaqla musiqiyə qulaq asmaq olar, həmçinin simsiz Bluetooth-un köməyi ilə mobil telefonla bağlantı yaratmaq olar. Yaddaş qurğusu qismində sərt diskdən istifadə edilən naviqasiya sistemində ən detallı xəritələr var.

Lexus RX 350 F Sport-un xüsusi əlavəsi İnternet radiosuna qulaq asmağa imkan verir. Bundan başqa, il ərzində Sirius XM peyk radiosundan tamamilə pulsuz istifadə etmək olar (burada yolların yüklənmə dərəcəsi, hava şəraiti və yanacağın qiymətləri barədə informasiya xidmətləri təqdim olunur).

Lexus RX 350 F Sport haqqında daha ətraflı məlumatı markanın ölkəmizdəki rəsmi dileri Lexus Bakı Mərkəzindən əldə edə bilərsiz.


© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.