Lexus LS sedanının yeni nəsli: LS 460

Просмотров: 1490
Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460
  • Lexus LS sedanının yeni nəsli: LS 460

Lexus şirkəti LS sedanının yeni nəslini təqdim etdi. Yeni LS 460 dəbdəbəli görünüşü, cəsarətli dizaynı və müasir texnologiyaları ilə seçilir. LS sedanının sonuncu nəsli 2006-cı ildə işıq üzü görmüşdü, 2009-cu ildə Lexus bu sedanlara kiçik kosmetik dəyişikliklər etdi. İndi isə yapon şirkəti nəinki avtomobilin dizaynını yenidən işləyib, həm də onun texniki hissəsini də təkmilləşdirib. Həmçinin dəbdəbəli sedanın Lexus LS 460 F Sport adlı idman versiyasının və Lexus LS 600h adlı hibrid modelinin buraxılmasını da qeyd etmək lazımdır.

2013-cü model ilinin LS 460 avtomobili sələfindən xeyli dərəcədə yenilənmiş ön tərəfi ilə fərqlənir. Altıguşəli miləoxşar radiator barmaqlığı ilə diqqəti cəlb edən ön tərəfinin sayəsində LS 460 digər modellərin arasında seçilir. Optikanın formasında, cinahların konstruksiyasında və orta hissəsinin qabarıqlığı ilə seçilən kapotun formasında dəyişiklik edilib. Arxa tərəfdə səsboğucu sistemin iki borusu ilə birlikdə güclü bamper və bir qədər tündləşdirilmiş arxa fənərlər diqqəti cəlb edir. Dəbdəbəli sedanın baqaj bölməsinin dam hissəsini xromlanmış yaraşıqlı zolaq bəzəyir. 

Lexus LS 460 F Sport modeli daha aqressiv və emosional görünüşə malikdir. Bu avtomobilin qabaq bamperi dəyişdirilib, radiator barmaqlığının toru isə “üçölçülü” adlandırılan formadadır. Profildən baxdıqda sedan daha alçaq görünür, buna səbəb idman asqısının 1 santimetr aşağı endirilməsidir. LS 460 F Sport modeli adi LS 460 versiyasından 19 düymlük yüngül lehimli təkər diskləri, Brembo əyləc mexanizmləri, arxa tərəfdə Torsen yüksək sürtünmə differensialı ilə fərqlənir. LS 460 F Sport-un salonunda yan tərəfinin dayaqları yaxşılaşdırılmış idman oturacaqları quraşdırılıb. Həmçinin salon alüminiumdan və metallik aksentlərdən istifadə edilmiş idmansayağı tərtibatı ilə seçilir.
Lexus LS 460-ın dinamikası yaxşılaşdırılıb, aerodinamik müqavimət əmsalı isə 0,26-dək azaldılıb. Bundan əlavə, istehsalçı kuzovun sərtliyini artırıb (indi onun detalları lazer qaynağı vasitəsilə birləşdirilir) və asqını təkmilləşdirib. Tam ötürücünün həvəskarları da bu avtomobildən narazı qalmayacaqlar. Bütün AWD modelləri yolda hərəkət imkanlarının yaxşılaşdırılmasından əlavə, həm də bəzi maraqlı imkanları ilə seçilir. Lexus-dan verilən məlumata görə, tam ötürücülü Lexus LS 460 avtomobillərinin baza komplektasiyasında sükan çarxı isidilmə ilə təchiz olunub, qabaq şüşə buzlanmaya məruz qalmır, faralar isə təmizləyici qurğu ilə təchiz olunub. Yeri gəlmişkən, Lexus LS 460-ın bütün optikası işıq-diodlu ola bilər, bunun üçün alıcı əlavə ödəniş etməlidir.

Yeni nəsil LS 460 sedanının interyerində dəyişikliyə uğramış mərkəzi konsol diqqəti cəlb edir. O, iki hissəyə bölünüb. Yuxarı hissədə avtomobil ölçüləri baxımından çox böyük olan 12,3 düymlük displey yerləşir. Aşağı hissədə Remote Touch interfeysi yerləşir, onun köməyi ilə avtomobilin sahibi iqlim qurğusunu, Lexus Enform multimedia sistemini və digər funksiyaları idarə edə bilər. Alüminiumla haşiyələnmiş yaraşıqlı analoq saatları dəbdəbəli avtomobilin interyeri ilə əla uzlaşır. Salonun tərtibatı açıq rəngdən tutmuş tünd rəngə qədər beş rəng variantında təklif olunur.

Hibrid versiyası Lexus LS 600h bambukdan hazırlanmış elementləri ilə seçilir. Onun standart komplektasiyasına on dinamikli audiosistem, CD/DVD və Sirius XM peyk radiosu daxildir. Yüksək səviyyəli Mark Levinson akustikasının yaratdığı səslər melomanların zövqünü oxşayacaq. Lexus Climate Concierge iqlim qurğusu salonda əla hava mühiti yaradır, burada sərnişinlər asanlıqla fərdi temperatur rejimini nizamlaya bilərlər. Ottoman oturacaqları masaj funksiyasına malikdir və hər cür elektrik tənzimləmələri ilə təchiz olunub.

Yeni sedanın çoxsaylı təhlükəsizlik sistemlərinə gəlincə, toqquşmaların qarşısını alan sistemi xüsusi qeyd etmək lazımdır. Lexus LS yolda maneə ilə qarşılaşdıqda bu sistem adaptiv kruiz-kontrolun köməyi ilə avtomobili müstəqil surətdə dayandıra bilər, amma bu funksiyanın işləməsi üçün avtomobilin sürəti saatda 40 kilometrdən çox olmamalıdır.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.