Lada Largus: AvtoVAZ-ın yeni modeli

Просмотров: 20600
Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli
  • Lada Largus: AvtoVAZ-ın yeni modeli

AvtoVAZ-ın yeni avtomobili – Lada Largus universalı üç versiyada buraxılacaq: beş və yeddi yerlik salonla, habelə iki yerlik furqon formasında. Geniş tutumlu universalın qiyməti maksimal komplektasiyada 18.000 dollaradək təşkil edəcək.

Largus adı avtomobilə bu yaxınlarda verilib, latın dilindən tərcümədə bu söz “səxavətli” deməkdir. Bundan öncə ona R90 kod adı vermişdilər. Bu avtomobil Rusiya üçün yenidir, Avropada və digər ölkələrdə isə bu platforma Dacia MCV və ya Logan RF90 adlı büdcə avtomobilləri üçün 10 ildir ki, istismar olunur. AvtoVAZ R90 platformasını alaraq, donor modelin xarici görünüşünə bir qədər əl gəzdirib və onu standartlarına uyğunlaşdırıb. Vəssalam, bununla da model istehsala hazırdır.10 illik fasilədən  sonra universal yenə də büdcə avtomobilləri arasında satışların hitinə çevriləcək.

Yeni universal ABS sistemi, kondisioner, CD və MP3 fayllarını oxuya bilən maqnitola və sürücü oturacağının hündürlüyünün tənzimlənməsi funksiyası ilə təchiz olunacaq. Arxa oturacaqları qatlama və ya tamamilə çıxarmaq mümkündür. Bu halda avtomobil iri qabaritli yüklərin daşıyıcısı kimi istifadə oluna bilər. Avtomobil zəruri təhlükəsizlik tələblərinə cavab verəcək: baza versiyasına ön tərəf üçün iki təhlükəsizlik yastığı, üçnöqtəli kəmərlər və uşaq kreslosunun bərkidilməsi üçün Isofix sistemi daxildir, top-versiyaya isə bunlardan əlavə, yan tərəflər üçün iki təhlükəsizlik yastığı da daxildir.

Largus-un başlanğıc qiyməti 12.300 dollardır, yeddi yerlik modifikasiya isə alıcıya 15200 dollara başa gələcək. Yük furqonunun dəyəri hələlik məlum deyil.

Largus avtomobillərinin pilot (eksperimental) partiyası artıq iyun ayında Tolyattidə buraxılıb, hazırda avtomobillər test sınaqlarından keçirilir. Largus-un seriya ilə buraxılışı 2012-ci ilin ikinci rübündə başlayacaq. Bunun üçün Voljsk avtomobil zavodunda üç yeni konveyer qurulacaq. Onlar qaynaq, rəngləmə və yığma işləri ilə məşğul olacaq.

Eyni platformanı paylaşdığı Renault Logan modeli ilə müqayisədə Largus 200 mm uzun (4.450 mm), 102 mm (1.636 mm, reylinqlərlə birlikdə isə 1.670 mm) hündürdür, təkər bazası isə 270 mm (2.900 mm) böyükdür. Bu iki avtomobilin yalnız eninin (1.740 mm) və klirensinin (155 mm) ölçüsü eynidir. Beş yerlik versiyada baqaj bölməsinin həcmi 560 litr, yanacaq çəninin həcmi isə 50 litrdir. Furqonun baqaj bölməsinin həcmi isə 2.540 litrdir. Largus-un tam ötürücülü versiyasının buraxılması nəzərdə tutulmur.Alıcıların seçiminə 1,6 litr həcmli iki mühərrik təklif olunacaq: 8 klapanlı versiya avtomobili 167 km/saat sürətlə qovacaq, 100 km/saat sürət yığmağa isə 13,4 saniyə tələb olunacaq. 16 klapanlı güc aqreqatı isə avtomobili 183 km/saat sürətlə qovacaq, 100 km/saat sürət yığmağa isə 11,8 saniyə tələb olunacaq. Beş yerlik versiyada benzin sərfi 100 km məsafəyə 10,4 litr təşkil edəcək. Trasda bu göstərici 6,3 litr, qarışıq rejimdə isə 7,8 litr olacaq. Yeddi yerlik versiya şəhər yollarında 100 km məsafəyə 9,8 litr yanacaq sərf edəcək. Şəhərdən kənarda bu göstərici 6,3 litr, qarışıq rejimdə isə 7,5 litr təşkil edəcək.

 © 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.   

Şərhlərin sayı: 0

AVATAR
Hələ heç kim şərh verməyib. Birinci siz olun.