Komfortlu və qənaətcil yeni BMW 7-ci Seriya sedanı

Просмотров: 2100
Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı
  • Komfortlu və  qənaətcil yeni BMW 7-ci Seriya sedanı

Dörd ildən sonra Bavariya avtomobil istehsalçısı 7-ci Seriyanın avtomobillərini yeniləyərək modernləşdirilmiş 2013 BMW 7-ci Seriya modelini təqdim etdi. 7-ci Seriya avtomobilləri təkmilləşdirilmiş və daha effektiv güc aqreqatı əldə ediblər, eyni zamanda, istehsalçının sözlərinə görə, komfortluluqları və təhlükəsizlikləri ilə seçilirlər.

Bavariya şirkəti yenilənmiş 2013 BMW 7-ci Seriya avtomobillərinin istehsalını elan edib. Bu avtomobildə edilmiş yeniliklər sadəcə iki nəslə mənsub modellər arasındakı növbəti yeniliklər deyil, onlardan da artıqdır.

2013 BMW 7-ci Seriya

Yeni dizel motoru və modernləşdirilmiş benzin mühərrikləri, təkmilləşdirilmiş asqı və çoxsaylı komfort və əyləncə sistemləri – bütün bunlar təmtəraqlı sedanda edilmiş yeniliklərin heç də tam siyahısı deyil. Yenilənmiş premium-klass sedanının xarici dəyişikliklərinə bunlar daxildir:
•    Dəyişikliyə uğramış ön bamper;
•    Yüksək texnologiyalı yeni faralar;
•    Dəyişikliyə məruz qalmış arxa bamper;
•    Yenilənmiş radiator barmaqlığı;
•    İşıq-diod lampaları ilə təchiz olunmuş əsas işıqları.
Sələfi ilə müqayisədə avtomobilin hündürlüyü 8 sm azalıb. İstehsalçının fikrincə, bu, yeni BMW 7-ci Seriya sedanına dinamik görünüş verir. Qalan ölçülərdə dəyişiklik edilməyib.
Yeni premium-klass sedanının intellektual və komfortlu interyeri keyfiyyətli musiqi həvəskarlarını Bang and Olufsen istehsalı olan 120 vatt gücündə audiosistemlə sevindirəcək. Qeyd edək ki, bu audiosistem 16 dinamiklə, o cümlədən işıq-diod lampaları ilə təchiz olunub. Arxa sərnişinlər üçün isə informasiya-əyləncə sisteminin 9,2 düymlük monitoru nəzərdə tutulub. Daha bir yenilik bu yaxınlarda 5-ci Seriya üçün təqdimatı keçirilmiş 10,25 düym diaqonallı çoxfunksiyalı displeydir. O, cihazlar panelinə çox rahat şəkildə inteqrasiya olunub və sürücünün informasiyalara baxmaq üçün ən rahat rejimi seçməsinə imkan verir. 

2013 BMW 7-ci Seriya üçün mühərriklər
Yenilənmiş 7-ci Seriya avtomobilinin kapotunun altında üç turbinli, 3,0 litr həcmli, silindrləri altı cərgədə yerləşdirilmiş BMW mühərriki debüt edir. Bu, konsernin modernləşdirilmiş güc aqreqatları sırasına əlavə olunan yeni mühərrikdir. İlk dəfə bu aqreqat 5-ci Seriyanın tam ötürücülü M550d modelində nümayiş etdirilib. O, 750d versiyasında intellektual tam ötürücü ilə tandemdə işləyərək avtomobili 380-dən artıq at gücü ilə qovur, fırlanma momenti isə 740 Nm təşkil edir.

Təmtəraqlı 7-ci Seriya sedanının 100 km/saat sürət yığmasına 4,9 saniyə tələb olunur, onun maksimal sürəti isə 250 km/saat təşkil edir (maksimal sürət həddi mühərrikin elektron idarəetmə sistemi vasitəsilə məhdudlaşdırılıb). Xüsusi olaraq qeyd etmək lazındır ki, bu cür layiqli məhsuldarlıq xarakteristikalarına malik sedan 100 km məsafəyə cəmi 6,4 litr yanacaq işlədir, havaya buraxılan zərərli karbon qazı tullantıları isə hər kilometrə 169 qram təşkil edir. 

Yeni BMW 7-ci Seriya sedanının benzin mühərrikləri də dəyişikliyə uğrayıb və onların effektivliyi artıb. Yeganə istisna 6,0 litr həcmli aqreqatdır (760i versiyasında). V12 mühərrik əvvəlkitək təxminən 550 at gücünə malikdir. 750i versiyasına indi 450 at gücünə malik mühərrik quraşdırılır ki, bu da onun sələfinin göstəricisini 10 faiz üstələyir. Bu göstərici həmçinin 740i versiyasının göstəricisini də üstələyir. Qeyd  edək ki, sonuncuya 3,0 litr həcmə və 320 at gücünə malik (fırlanma momenti 450 Nm) N55 mühərriki quraşdırılır.

ActiveHybrid 7 versiyası da yenilənmiş göstəriciləri ilə öyünə bilər. Onun sələfinə quraşdırılan, 7-ci Seriya avtomobillərinə sədaqətlə xidmət etmiş 4,4 litr həcmli mühərrik 3,0 litr həcmli motorla əvəz olunur ki, bu da ilk növbədə yanacaq sərfiyyatı baxımından əlverişlidir. Daxiliyanma mühərriki elektromotorla qoşa işləyir.

Yeni 8 pilləli transmissiya
Yeni BMW 7-ci Seriya avtomobillərinə quraşdırılan bütün mühərriklər 8 pilləli avtomat transmissiya ilə tandemdə işləyir. İstehsalçının bildirdiyinə görə, bu sürət qutusu yanacağa qənaət olunmasına əhəmiyyətli töhfə verir. Yeni sürət qutusunun optimal şəkildə seçilmiş sürət pillələri rəvan və komfortlu hərəkəti birləşdirməyə, yanacaqdan səmərəli istifadə etməyə imkan verir və əlbəttə ki, bu markanın avtomobillərinə xas olan idman dinamikasını təmin edir.

Əlavə avadanlıqlar
Yenilənmiş BMW 7-ci Seriya sedanı üçün əlavə avadanlıqlar qismində çoxsaylı yardım sistemləri, habelə təhlükəsizlik və komfort sistemləri təklif olunur. Komfortluluğu və təhlükəsizliyi təmin edən avadanlıqların siyahısına aşağıdakılar daxildir (qeyd edək ki, bu, tam siyahı deyil):
•    Döngələri işıqlandıran adaptiv faralar;
•    Uzaq məsafə işıqlarının avtomatik idarə olunması;
•    Parklama zamanı maneə ilə toqquşma təhlükəsi barədə xəbərdarlıq;
•    Arxa görünüş kamerası (“yuxarıdan” və “yandan” seyr etmə imkanı ilə);
•    Parklamaya yardım edən BMW Park Assistent;
•    Piyadaları müəyyənləşdirə bilən gecəgörmə sistemi;
•    Aktiv kruiz-kontrol (hərəkətin dayandırılması və bərpası funksiyası ilə);
•    Ekstremal əyləcləməyə və yerdəyişməyə yardım sistemi;
•    Avtomobilin öz hərəkət zolağı ilə hərəkət etməsinə nəzarət edən sistem;
•    Avtomobilin təyin olunmuş sürət həddini aşdığı barədə xəbərdarlıq edən sistem;
•    Sürücünün vəziyyətinə nəzarət edən sistem;
•    Təxirəsalınmaz situasiyada avtomatik yardım çağırılması.

Yeni avtomobilin asqısı da bavariyalı mütəxəssislərin diqqətindən kənarda qalmayıb. İndi bütün BMW 7-ci Seriya modelləri standart komplektasiyada arxa ox üçün pnevmatik asqı ilə təchiz olunurlar. Qeyd edək ki, bu asqı klirensi tənzimləmə funksiyası və ikiqat səs izolyasiyası ilə təchiz olunub. Ön ox üçün əyləcləmə zamanı avtomobilin uzununa yırğalanmasını kompensasiya edən sistem nəzərdə tutulub. Arxa ox nəinki əyləcləmə zamanı, həm də yenilənmiş sedanın sürəti artırılan zaman yırğalanmanı kompensasiya edir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.