Kia Ceed Avropanı fəth edəcək

Просмотров: 4261
Kia Ceed Avropanı fəth edəcək

KİA Motors Azərbaycan şirkəti dekabrın 10-da Ceed modelinin təqdimatını keçirdi.
 
Mərasimdən öncə şirkət təmsilçiləri media nümayəndələri üçün konfrans təşkil etdilər.

Mətbuat konfransını giriş sözü ilə açan KİA Motors Azərbaycan şirkətinin prezidenti Faiq Səfərov jurnalistlərə şirkət haqqında ümumi məlumat verdi. O, Kia Motorsun tarixi, ümumi fəaliyyəti, dünyadakı zavod, distribütorları, onların fəaliyyəti, yeniliklər və əldə olunan uğurlar barədə geniş danışdı.  

 
KİA Motors Azərbaycanın marketinq və reklam departamentinin direktoru İlahə Tağıyeva isə jurnalistlərə şirkətin Azərbaycandakı fəaliyyəti ilə bağlı məlumat verdi.

KİA Motors-un Bakı və digər regionlardakı avtosalonları, servisi, habelə satışdan sonrakı xidmətlər, hazırkı kredit təkliflərindən danışan İlahə Tağıyeva bildirdi ki, bu yaxınlarda Bakı, Şəki və Sumqayıtda daha bir neçə salon açılacaq.

“Daim müştərilərini
düşünən KİA növbəti illərdə isə Azərbaycanın bütün bölgələrində salonlar açmağı planlaşdırır”.
 

İlahə Tağıyeva bildirdi ki, şirkət 1944-cü ildə Seulun ərazisindəki Yanqdeunqpoda fəaliyyətə başlayıb. O zaman şirkətin ilk məhsulları velosipedlər üçün ehtiyat hissələri olub.

1957-ci ildə şirkət ilk Koreya avtomobilini yığıb və bundan sonra onun adı Kia  Industry Company olub.

Hazırda Koreya avtomobil şirkətləri arasında yeganə şirkətdir ki, yalnız avtomobil istehsalı ilə məşğul olur.

Bu gün dünya avtomobil istehsalı sahəsində öncüllərdən sayılan Kia Motorsun dünyanın 172 ölkəsində 3300 dileri, 179 distributoru var. KİA Motors-un dünya üzrə 40.000-dən çox əməkdaşı var.

Şirkətin dünyada 14 zavodu var və hazırda Hyundai-Kia korporasiyası dünyada avtomobil satışına görə 5-ci yerdədir.

KİA Motors-un istehsal etdiyi modellərin dizayn və texniki göstəriciləri, əsasən, idman üslubundadır və bu modellərdə xüsusi gənclik ruhu hiss olunur. Məhz bu səbəbdən Kia daim idmana xüsusi önəm verib.

Hazırda KİA Motors Tennis üzrə Açıq Avstraliya turnirinin baş sponsoru, “Davis Cup”-ın rəsmi ümum dünya sponsorudur. KİA FİFA-nın rəsmi avtomobil partnyorudur.

Mətbuat konfransında icraçı direktor Yalçın Cavadov Kia Motors, şirkətin Slovakia zavodu və Ceed  haqqında 2 video materialı, o cümlədən KİA Motors Azərbaycan haqda video materialı jurnalistlərə təqdim etdi.

Tədbirin ikinci hissəsi şirkətin satış salonunda Ceed-in təqdimatı ilə davam etdi. Burada 3 Ceed modeli – Ceed, pro-Ceed, Ceed – sport vagon jurnalistlərə təqdim olundu.

Əvvəlcə KİA Motorsun avtomobil mütəxəssisləri jurnalistlərə Ceed haqqında – onun texniki göstəriciləri, yeni texnologiyaları, qazandığı mükafatlar, Avropa və MDB ölkələrində avtomobil bazarlarındakı yeri barədə məlumat verdi.

Daha sonra ilk olaraq 5 qapılı  hetçbek Ceed, ardınca Ceed sport vagon və pro-Ceed təqdim olundu. Qara rəngli Ceed mərkəzdə jurnalistlər tərəfindən test-drive olundu.
 
Yeri gəlmişkən növbəti buraxılışlarımızda Ceed modelinin geniş test-drive yazısı ilə tanış olacaqsınız.

 
 
   


 


© 2009 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.