Jaguar- ilin avtomobil brendi

Просмотров: 1377
Jaguar- ilin avtomobil brendi
  • Jaguar- ilin avtomobil brendi
  • Jaguar- ilin avtomobil brendi
  • Jaguar- ilin avtomobil brendi
  • Jaguar- ilin avtomobil brendi
  • Jaguar- ilin avtomobil brendi

“İlin şirkəti” Milli Mükafatının təqdimetmə mərasimi dekabrın 5-də Jumeirah Bilgah Beach Hotel-də keçirildi. Bu il ölkə biznesinin və iqtisadiyyatının müxtəlif sahələrində çalışan 26 şirkət mükafatın laureatı oldu. Onlar arasında artıq özlərini təsdiq etmiş maliyyə institutları, milli korporasiyalarla yanaşı, bazarda bu il yaranmış yeni oyunçular da yer aldı. Mükafata layiq görülən bütün şirkətlər fərqli olmalarına baxmayaraq, yüksək rentabelli, bazarda sabit mövqeyə malik və intensiv inkişaf edən, maliyyə şəffaflığı və informasiya açıqlığı üzrə beynəlxalq standartları tətbiq edənlərdir.
Bu ilin avtomobil brendi isə “Cristal Motors”un ölkəmizdə rəsmi idxalçısı olduğu Jaguar oldu.

“İlin şirkəti” – şirkətləri ümumilikdə onların fəaliyyəti ərzində qazandığı uğurlara görə deyil, son ildə əldə etdiyi nailiyyətlərə görə qiymətləndirən unikal alətdir. “Biz qaliblərin müəyyən olunmasının seçimi qaydalarına sadiq qalırıq”. Təqdimetmə mərasimində çıxış edən, mükafatın təşkilat komitəsinin rəhbəri İbrahim Baharov qeyd etdi ki, mükafata layiq görülən şirkətlər öz sahələrinin flaqmanları olmaqla yanaşı, xeyli inkişaf edərək digər şirkətlərə nümunə göstəriblər.

Xatırladaq ki, 2010-cu ildən ölkəmizdə fəaliyyət göstərən “Cristal Motors” şirkəti Masaretti, Jaguar, Land Rover, Ducati (motosiklet) satışını və servisini təşkil edir. Bu modellərin Azərbaycanda yeganə və rəsmi idxalçısı olan “Cristal Motors” daim bu tip nailiyyətləri ilə öz müştərilərini sevindirir.

İndi isə ilin avtomobil brendi seçilmiş Jaguar-ın üstünlükləri barədə danışaq. Əvvəlcə onu qeyd etmək lazımdır ki, Jaguar-ın istər ailə, istər biznes, istər kupe, istərsə də kabriolet tipli modelləri alıcıların tələblərinə cavab verir. İstehsalı Böyük Britaniyaya məxsus olan bu avtomobil brendi illərdir öz ingilis keyfiyyətini qoruyub saxlayıb. Baxmayaraq ki, şirkət Hindistanın Tata Motors şirkətinə məxsusdur, lakin avtomobillər tam müdaxiləsiz şəkildə ingilis özəllikləri ilə istehsal olunur. “Cristal Motors”un marketinq meneceri Nigar Kamalın sözlərinə görə, Jaguar-ın modelləri digər rəqib brendlərə nisbətən daha münasib qiymətə alıcılara təqdim olunur. Onu da nəzərinizə çatdıraq ki, Jaguar-ın ən ucuz modelinin qiyməti 63 min manatdan başlayır. Bu XF modelidir.

Hazırda Jaguar-ın ən iddialı modeli kimi isə XJ Super Sport hesab olunur. Qiyməti 142 min manat olan model sürətinə görə ən uğurlu təqdimatlardan biridir.  Bu avtomobilin mühərriki 8 silindrli olmaqla, 5 litr həcmə və 510 at gücünə malikdir. Jaguarın təqdim etdiyi ən mükəmməl texniki vasitələrə malikdir. XJ bütövlüklə alüminiumdan hazırlanıb.
Lakin Jaguar-ın ən sürətli modelləri XKR XKR-S modelləri hesab edilir. 2 nəfərlik kupe şəklində dizayn edilmiş avtomobillər ümumi istismar üçün ən sürətli modellərdir. Özündə həm idman üslubunu, həm də sürəti ifadə edirlər. XKR-S-in 100 km/saat sürət yığmasına 4,4 saniyə tələb olunur.

Ölkəmizdə isə Jaguar-ın ən çox sevilən və üstünlük verilən modeli XJ-dır. 87 min manatdan başlayan qiymətlərlə satılan bu avtomobillər əsasən dövlət məmurlarının seçdiyi modellərdir. Buna səbəb isə avtomobilin geniş salona malik olması və əla komfortunun olmasıdır. Daha çox sürücüsü olan kəslər bu avtomobili seçirlər. Rahat arxa oturacaq, öz sinfinə malik olduğu genişlik, təhlükəsizlik insanları bu modelə üz tutmağa sövq edir.

Ümumiyyətlə, hər yaş qrupu üçün Jaguar-ın universal seçimləri var. 20-30 yaş arasında olan insanlar xüsusən XF-ə üstünlük verirlər. Bu model özündə biznes və idman üslubunu kombinə edib.

Ailə avtomobili kimi XJ modellərini misal göstərmək olar. Əvvəldə qeyd etdiyimiz kimi, geniş salona malik olması onun seçim şansını artırır. 5 nəfərlik sedan əla ailə avtomobilidir.

Jaguar-ın Azərbaycandakı rəsmi  idxalçısı olan “Cristal Motors” hər bir avtomobil üçün 3 il, yaxud 100 min km zəmanət verir. Şirkətin rəsmi servis mərkəzi də var ki, bu da müştərilərə daha uğurlu xidmət etməyə hesablanıb.

Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.