Infiniti M35h GT: Infiniti-dən yeni hibrid sedan

Просмотров: 1493
Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan
  • Infiniti M35h GT: Infiniti-dən yeni hibrid sedan

Infiniti M35h GT lüks sinfinə aid olan yeni hibrid sedandır. Alıcılar 2012-ci ilin iyulundan onu əldə etmək imkanına malikdirlər. Bu hibrid model ənənəvi güc aqreqatı quraşdırılmış modellərdən heç də geri qalmır, havaya buraxılan zərərli maddələrin miqdarının azlığı və yanacağa qənaətcillik baxımından isə onları üstələyir. Dəbdəbəli Infiniti avtomobili əla komfortu və yüksək hərəkət xarakteristikaları ilə tanınır, M35h hibrid versiyası isə bu müsbət cəhətlərə daha birisini əlavə edir ki, bu da yanacağın qənaətlə işlədilməsindən ibarətdir.

Infiniti-nin satışlar üzrə meneceri Saymon Lyuisin sözlərinə görə, yeni avtomobil seçərkən ona qulluğun dəyəri olduqca önəmlidir. M35h GT modeli qulluq üçün həddən artıq vəsait tələb etmir və öz sinfində təklif olunan avtomobillər arasında ən cəlbedici variant sayılır.

Infiniti M35h GT-nin hibrid güc qurğusu “V” formasında yerləşən altı silindrli 3,5 litr həcmə malik benzin və 68 at gücünə malik elektrik mühərrikindən ibarətdir. Avtomobilə yalnız 7 pilləli ASC adaptiv avtomat transmissiyası quraşdırılır. Qarışıq hərəkət rejimində yapon sedanı 100 km məsafəyə 8,11 litr benzin sərf edir.

Dəbdəbəli Infiniti M35h GT hibrid sedanı zəngin interyerə malikdir. İnteryerin zənginliyi bu marka üçün istisna hal deyil. Dəri üzlüklü oturacaqlar isidilmə və ventilyasiya ilə təchiz olunub. Bundan əlavə, naviqasiya ilə təchiz olunmuş audiosistemi, 16 dinamiki olan və əla səs ucalığına malik olan Bose surround sound akustikasını, yüksək texnologiyalara əsaslanan Forest Air iqlim qurğusunu da qeyd etmək lazımdır. Yeni M35h GT-nin digər bir özəlliyi ondan ibarətdir ki, iqlim və naviqasiya qurğusunu Bose premium audioqurğularının istehsalından asılı olmadan müstəqil surətdə sifariş etmək olar, halbuki əvvəllər bu mümkün deyildi.

Yeni Infiniti M35h GT-nin təchizatına həmçinin adaptiv işıqlandırma sistemi ilə təchiz olunmuş ksenon faralar, yüngül lehimli disklər daxildir, opsiyaların siyahısında isə arxa təkərlərin aktiv idarəetmə sisteminə (4WAS) rast gəlmək olar. Infiniti M35h GT-nin qiyməti əvvəllər təklif olunan Premium versiyalarının qiymətindən daha az olacağı gözlənilir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.