Infiniti FX 2012: Yüngül makiyaj

Просмотров: 1968
Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj
  • Infiniti FX 2012: Yüngül makiyaj

Bu avtomobilin eksteryeri ya böyük narazılıq, ya da səmimi heyranlıq doğurur.

Bəziləri onda dizayner düşüncəsinin yüksək təzahürünü görür, digərləri isə  zövqsüz və qorxuducu xarici görünüşdən şikayət edir. Həqiqətən də, tam ötürücülü Infiniti FX çox ziddiyyətli krossoverdir, o, ya ürəyə yata bilər, ya da yox! Hər şey zövqdən asılıdır! Hazırkı nəsil bizdə artıq dördüncü ildir ki, satılır.  Bu, çox böyük bir müddət olmasa da, hər halda az da deyil. Azərbaycanda da restaylinq həyata keçirmək yerinə düşərdi, axı Şimali Amerika bazarında bu maşın hələ keçən il yenilənmişdir. Arzularımız çin oldu və artıq 2012-ci model ilinin azacıq dəyişdirilmiş variantı bizim üçün də əlçatandır.

Dəyişikliklər daha çox ön hissəyə toxunmuşdur. İlk növbədə yenilənmiş radiator toruna rast gəlirsən. O daha “işartılı” olmuşdur. Öz dizaynına görə o, uzaqdan hardasa qum saatını xatırladır, ancaq təbii ki, digər proporsiyalara ayrılmışdır. Buna bənzər qərardan, amma daha qızğın formada, ən yeni Lexus GS sedanında da istifadə olunmuşdu. Düzdür, çətin ki, Infiniti plagiata əl atmışdır, çünki torun stilistikası FX modelinə birbaşa olaraq ötənilki Ethera ideyasından keçmişdir. Duman əleyhinə işıqlara toxunan daha bir dəyişiklik də vardır: indi onlar günəş işığında bərq vuran haşiyə ilə diqqətcilliklə bəzədilmişdir. Mənim fikrimcə, bu xırda dəyişikliklər qabaqdan görünüşü daha qeyri-adi və sərt edərək, həqiqətən də, avtomobilin xeyrinə işləmişdir.

Profilə nəzər saldıqda aydın olur ki, dəyişiklik, ümumiyyətlə, yoxdur. Deyək ki, bircə yeni 20 düymlük disklər peyda olub. Ancaq belə baxanda, köhnə görünüşün nəyi pisdir ki?  Kapotun meydan oxuyan dalğavari xətti, “yüngül” aşağı ön dayaq, o, rəvan şəkildə qövsvarı dama axıb keçir ki, bu da yavaş-yavaş arxa dirəyə çevrilir – bütün bunlar hər kəsi valeh edər! Ya da az qala hər kəsi desək, yəqin ki, daha düz olar, axı bu, kiminsə ürəyincə olmaya da bilər.

Restaylinq arxa tərəfə də toxunmamışdır, bütün elementlər ilkin formada saxlanmışdır. Bir qədər maşının korpusuna salınmış yırtıcı arxa işıqlar qapının relyefli dabanı ilə birlikdə harmoniyanın hüdudlarında tarazlanır. İkirəngli bamper səsboğucu sistemin borusunu özündə sığındırmışdır. Bütövlükdə, feysliftinq azacıq da olsa, mükəmməl alınmışdır, bu, yüngül müdaxilənin korlamadığı, əksinə, yaxşılaşdırdığı az hallardan biridir.

Ölçüləri: Uzunluq – 486.5 sm; En – 192.5 sm; Hündürlük – 165 sm. Baza – 288.5 sm.
İnteryerdə, demək olar ki, nəzərə çarpacaq dəyişikliklər yoxdur. Elə həmin xoş xarici görkəmli torpedodur. Xüsusən də, eksteryeri uzun müddət seyr etdikdən sonra o elə də hədsiz coşqu yaratmır. Alüminium haşiyəli mərkəzi konsol kifayət qədər genişdir və nə desən hər şeylə lap ağzına kimi doldurulmuşdur. Ən yuxarıda iri sensorolu displey yerləşir, burada müxtəlif qrafika, eləcə də idarəetmə joystiki və çoxlu sayda bütün mümkün klavişlər əks olunur. Artıq bu gün stilin atributu olan əqrəbli analoq saatı düz ortada yerləşir. İqlimi idarəetmə bloku daha aşağıda, demək olar ki, əlinin altındadır. Mərkəzi tunel və qapı panelləri bolluca olaraq ağcaqayınla işlənmişdir, bu təmtəraq artıq standart təchizata daxildir. Bütün yeniliklər cihaz panelində büruzə verib: spidometrin, taxometrin, yanacaq və temperatur göstəricilərinin əqrəbi indi ağ rəngdədir. Marşrut kompüteri də yeni displey almışdır. Infiniti-nin özünəməxsus ön oturacaqları olduqca keyfiyyətli dəri ilə üzlənmiş və münasib yan söykənəcəklə, eləcə də 8 istiqamətli elektrik tənzimləyiciləri ilə təchiz edilmişdir. Onların rahatlığı sözsüzdür. Sürücü oturacağı, arxa görüntü güzgüləri və sükanla yanaşı, iki vəziyyətli yaddaşla təchiz olunmuşdur. Alüminium örtük taxılmış pedallar təmtəraqlı görsənir ki, bu da drayver tərzi əhval-ruhiyyəsi yaradır.

Damın mailliyinə baxmayaraq, ikinci cərgədə kifayət qədər yer vardır. Ən azından iki sərnişinin dizləri və başları məkan çatışmamazlığından əziyyət çəkməyəcəkdir. Avtomobilin yük yeri 367 litrlik kifayət qədər kiçik tutuma malikdir, lakin onun girişi qınaq yaratmır.
FX37 baza modeli 303 at gücünə malik 24 klapanlı 3.7 litrlik güc aqreqatı ilə təchiz olunub. Onun heç də az olmayan 366 Nm fırlanma anı bugünkü avtomobillər üçün son dərəcə yüksək olan 5200 dövr/dəq.-də həyata keçirilir. Mühərrik 7 pilləli ötürücü qutusu ilə tandem təşkil edir. İlk 100 km/saata qədər sürət yığma 6,8 saniyəyə başa gəlir. Maksimum sürət 233 km/saata bərabərdir.

Hazırda bu modifikasiyanı əldə etmək üçün ən aşağı qiymət 55 600 manat təşkil edir. Komplektasiya Premium adını daşıyır və yuxarıda təsvir olunanlardan başqa ona daxildir: 20 düymlük yüngül xəlitəli disklər, parkovka, işıq və yağış cihazları, məlumatları displeydə əks olunan arxa görünüş kamerası, ABS, stabilizasiya sistemi, TCS yerində fırlanma əleyhinə sistem, dinamik stabilizasiya və ani əyləcləmə zamanı kömək sistemi, çoxsaylı qabaq və yan təhlükəsizlik yastıqları, ikizonalı iqlim nəzarəti, tam elektropaket, Hi-Fi 08IT Bose 2,0 sərt diskli ikikanallı audiosistem və bir sıra digər şeylər.

Ən yüksək səviyyədə duran FX50 əvvəlki kimi 390 at gücünə malik VVEL qazpaylaşdırıcı mexanizmi olan beş litrlik 8 silindrli 32 klapanlı mühərriklə təchiz olunur. Bu mühərriklə krossoverin dinamikası ən tərifli sözlərə layiqdir. Avtomobil yerindən götürüldükdə sürücünü oturacağa sıxması heç vaxt bezdirən deyil! V-şəkilli səkkizliyin cuşa gəldiyi an necə “çığırdığını” isə heç bir sözlə ifadə ediləsi deyil. Bundan sonra hətta iki tondan artıq krossoverin 100 km/saata 5,8 saniyəyə yığdığına inanmaq da olur. Avtomobilə quraşdırılan 7 pilləli avtomatik hidrotransformatorlu ötürücü qutusu əl rejiminə də malikdir, bu da idarəetmədən həzz almağa imkan verir.

Avtomobilin asqısı, demək olar ki, yarış maşını kimidir: qabaqda elektron idarəetmə amartizatorlarına malik ikilingli, arxada isə stabilizatorlu çoxlingli. Lakin bu idarəetmədə özünü o qədər də göstərmir, iti reaksiya çatmır. Orta ölçülü çala-çuxurlar bütün gövdə ilə əla hiss olunur, xırda kələ-kötürləri isə maşın çox gözəl keçir.

FX 50 hər şeyi özündə birləşdirən Hi-tech komplektasiyası ilə təchiz olunub. Bu “hər şeyə” daxildir: dəyişkən sərtliyə və arxa təkərlərin aktiv sürülməsinə malik idman yayı, HDD daxil rus dilinə çevrilmiş 08IT naviqasiya sistemi, uyğunlaşan kruiz-nəzarət, informasiya-əyləncə sisteminin tərkibinə daxil olan 9 düymlük açılıb-qatlanan displey, AVM dairəvi görünüş sistemi, 265/45 ölçülü şinləri olan 21 düymlük yüngül lehimli disklər və daha sadə komplektasiyalarda görmək mümkün olan qalan hər şey. Hazırda bu avtomobilin qiyməti – 3 milyon 589 min rubldur.

Bircə onu əlavə etmək qalır ki, öz bütün dörd ilə yaxın istehsalı ərzində Infiniti bir çoxları üçün əvvəlki tək sevimli olaraq qalmaqdadır, ona görə də, təqaüdə çıxmaq hələ tezdir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.