Hyundai Sonata Hybrid

Просмотров: 11057
Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid
  • Hyundai Sonata Hybrid

Ekoloji avtomobillər bazarında yeni avtomobil peyda olub – Hyundai Sonata Hybrid. İstehsalçının sözlərinə görə, bu avtomobil qənaətcilliyə görə rekord müəyyən etməyə hazırdır, belə ki, təkcə elektrik mühərriki ilə Hyundai Sonata Hybrid 120 km/saatadək sürətlə hərəkət edə bilir və bununla da rəqiblərinin imkanlarını üstələyir. Trasda hibridin yanacaq sərfiyyatı EPA metodikasına görə 5,9 litr/100 km təşkil edir.

Artıq mövcud olan bir çox modellərin hibrid variantlarından fərqli olaraq, alternativ Sonata modelinin xarici görünüşü standart modellərinkindən fərqlənir. Sonata-nın xarici görünüşünün unikal elementləri sırasına ön və arxa işıq texnikasını, bamperləri, radiator barmaqlığını, xüsusi dizaynlı təkər disklərini, havaçəkənləri və kandarları, habelə avtomobilin rəngini aid etmək olar. Doğrudur, bəzi dəyişikliklər kosmetik xarakter daşıyır, amma istehsalçı bəyan edir ki, onların arasında aerodinamikanı yaxşılaşdıran və aerodinamik müqavimət əmsalını 0,25-ə çatdıran çoxlu funksional dəyişikliklər də var.
Sonata Hybrid modeli prototiplərində olduğu kimi Hybrid Blue Drive texnologiyası ilə təchiz olunmuş ilk seriyalı hibrid avtomobildir. Blue Drive texnologiyası 2,4 litr həcmə və 169 at gücünə malik benzin mühərrikini və ya 40 at gücünə malik elektromotoru paralel olaraq işlədə bilir. Beləliklə, hibridin güc aqreqatının ümumi qüvvəsi 209 at gücü, fırlanma momenti isə 264 Nm  təşkil edir.

Elektrik mühərriki lazım gəldikdə (məsələn, əyləclənmə zamanı) generator rejimində işləyə bilir. Akkumulyator batareyası qismində 1,4 vatt gücündə (gərginlik 270 volt) litium-polimer batareyasından istifadə olunur. Bu tip batareyalar enerjini nikel-metal-hidrid batareyalarından 25% artıq müddətdə mühafizə etməyə qadirdir, buna görə də Hyundai Sonata Hybrid bir neçə gün dayandıqdan sonra elektrik motoru ilə rahatca hərəkətə edə bilər. Hyundai Sonata Hybrid-də həmçinin dəyişkən cərəyanlı starter-generatordan istifadə olunur, o, ötürücü kəmər vasitəsilə mühərrikin dirsəkli valı ilə əlaqəlidir. Bu starter-generatorun gücü 8,5 kilovatdır. Hibridin maksimum qənaətcil olması üçün seriyalı Sonata modelinin dizaynı üzərində yenidən işləmək və aerodinamikasını təkmilləşdirmək lazım gəlib. 

Hibrid modellərə pilləsiz variator quraşdıran rəqiblərinin çoxundan fərqli olaraq, Hyundai konserni Sonata Hybrid-ə öz istehsalı olan və elektrik yağ nasosu ilə təchiz olunan altı pilləli avtomat transmissiya quraşdırıb. Onun yanacaq sərfiyyatı göstəricisi pilləsiz variatorla eyni olsa da, Koreya mütəxəssislərinin sözlərinə görə, bu transmissiya sürücünün tələbatlarına daha yaxşı uyğunlaşır.

Hibrid sisteminin daha bir mühüm elementi batareyadır. İstehsalçı şirkət dünyada ilk dəfə seriyalı modeldə digər növ batareyalarla müqayisədə bir çox üstünlüklərə malik olan litium-polimer batareyasının tətbiq edildiyini bildirir. Şirkət təmsilçilərinin sözlərinə görə, bu cür texnologiya litium-ion batareyalarının bütün müsbət cəhətlərini saxlamaqla yanaşı, batareyanı daha möhkəm və daha yüngül edir, batareyanın soyumasını asanlaşdırır və daha nazik profili sayəsində asanlıqla yerləşdirilməsini təmin edir. Nikel-metal-hidrid batareyaları ilə müqayisədə belə batareyalar temperatur dəyişikliklərinə daha yaxşı müqavimət göstərir, enerjisini daha ləng itirir və həcmi 40% azalmaqla 10% artıq effektivliyi təmin edir.

Sonata Hybrid-i mümkün qədər qənaətcil etmək üçün digər üsullardan da istifadə edilib. Theta II ailəsinə mənsub olan benzin mühərrikinin Atkinson rejimi üzrə işləyir və elektromotor işə salınarkən sıxılma dərəcəsini və porşenin hərəkət məsafəsini dəyişir. Bu, enerjinin qorunmasına və yanacaq qənaətcilliyinin artırılmasına şərait yaradır. Hibrid sisteminin proqram təminatında həmçinin start-stop funksiyasından istifadə nəzərdə tutulub ki, bunun da sayəsində avtomobil dayanarkən daxiliyanma mühərriki sönür və sürücü qaz pedalını basarkən avtomatik olaraq yenidən işə düşür.

Mühərrikin ən qənaətcil rejimdə işlədiyinə sürücünün əmin olması üçün cihazlar panelinin (və ya opsional naviqasiya sisteminin) displeyində güc qurğusunun iş rejimi, enerji axınları, daxiliyanma mühərrikinin və elektromotorun işi, yanacağın və batareyanın yükünün səviyyəsi, batareyanın statusu, orta və ani yanacaq sərfiyyatı haqqında məlumatlar əks olunur.

İstehsalçı bildirir ki, benzin mühərriki quraşdırılmış Sonata modelləri kimi hibrid model də öz seqmentində bir çox parametrlərinə görə lider olacaq: ən az kütləyə görə (1570 kq), ən böyük gücə görə, sərnişin bölməsinin ən böyük həcminə görə (2808 litr). Real sınaqlar barədə məlumatlar hələlik olmasa da, hibridin elan olunan yanacaq sərfiyyatı şəhər yollarında 100 km məsafəyə 6,5 litr, trasda isə 6,2 litr təşkil edir. Bu göstəricilərə görə, Koreya hibridi seqmentin liderləri ilə eyni mövqedə qərar tutur. Bu rəqəmlərin praktikada öz təsdiqini tapıb-tapmayacağı yaxın gələcəkdə məlum olacaq. Avtomobilin orta ölçülü hibrid sedanlar arasında satışların həcminə görə lider olub-olmayacağını da gələcək göstərəcək.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.