Hyundai i20: yeni kompakt hetçbek

Просмотров: 2465
Hyundai i20: yeni kompakt hetçbek
  • Hyundai i20: yeni kompakt hetçbek
  • Hyundai i20: yeni kompakt hetçbek
  • Hyundai i20: yeni kompakt hetçbek
  • Hyundai i20: yeni kompakt hetçbek
  • Hyundai i20: yeni kompakt hetçbek
  • Hyundai i20: yeni kompakt hetçbek

Koreya avtomobil istehsalçısı yeni Hyundai i20 avtomobilinin ilk təsvirlərini nümayiş etdirir. Bu avtomobilin premyerası “Cenevrə-2012” beynəlxalq avtomobil sərgisində baş tutacaq. Yeni kompakt hetçbek Hyundai i20 yeni, “axarlı” dizayn üslubunda hazırlanıb və effektiv güc aqreqatları ilə (onlardan ikisinin atmosferə buraxdığı karbon qazının miqdarı 1 kilometrə 100 qramdan azdır), habelə çoxlu sayda yardım və təhlükəsizlik sistemləri ilə təchiz olunub.

Sələfi ilə müqayisədə yeni Hyundai i20-nin ölçüləri (eni, hündürlüyü və təkər bazası) əvvəlkitək qalıb (müvafiq olaraq 1.710, 1.490 və 2.525 mm), yalnız uzunluğu ön tərəfdə 30 mm, arxa da isə 25 mm artıb. Zahirən avtomobil bu yaxınlarda nümayiş etdirilmiş Hyundai i30-a (bu model Avropadan kənarda Elantra adı ilə tanınır) çox bənzəyir. Sələfi ilə müqayisədə daha kompakt və qənaətcil olan bu avtomobil yeni ön və arxa bamperlərlə və daha müasir, idmansayağı görünüşə malik yeni dizaynlı təkərlərlə təchiz olunub.

2013-cü model ilinin avtomobili Hyundai i20 dörd cür transmissiya dəsti ilə təklif olunur, amma istehsalçı əsasən 1,1 litr həcmli üç silindrli yeni nəsil dizel mühərrikini ön plana çəkir. Onun havaya buraxdığı zərərli tullantıların miqdarı 84 q/km-dən çox deyil ki, bu da hətta kompakt modellər seqmenti üçün çox aşağı kəmiyyətdir. Üç silindrli yeni mühərriklə Hyundai i20 avtomobili kiçik şəhər avtomobili üçün yetərli sayılan 75 at gücünə malikdir.

Hyundai i20-nin 1,4 litr həcmli ikinci mühərriki də havaya buraxdığı zərərli tullantıların miqdarının azlığı ilə (96 q/km) öyünə bilər. Modernləşdirilmiş dizel mühərriki avtomobili 90 at gücü ilə qovur. Yanacaq sərfinin son dərəcə effektiv göstəricisinə görə avtomobil son dövrə adi olan Blue Drive texnologiyasına minnətdar olmalıdır.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.