Hyundai i10 2014 - Frankfurt avtosalonunda

Просмотров: 5092
Hyundai i10 2014 -  Frankfurt avtosalonunda
  • Hyundai i10 2014 -  Frankfurt avtosalonunda
  • Hyundai i10 2014 -  Frankfurt avtosalonunda
  • Hyundai i10 2014 -  Frankfurt avtosalonunda
  • Hyundai i10 2014 -  Frankfurt avtosalonunda
  • Hyundai i10 2014 -  Frankfurt avtosalonunda

Hyundai i10 modelinin yeni nəslinin buraxılışı ilə Hyundai Motor “A” seqmentindəki uğurunu daha da möhkəmləndirməyi planlaşdırır. Bu avtomobil xüsusi olaraq Avropa alıcıları üçün Hyundai Motor-un Rüsselhaymdakı (Almaniya) Avropa texnoloji mərkəzində Tomas Bürkle (Thomas Bürkle) rəhbərlik etdiyi mütəxəssislər qrupu tərəfindən hazırlanıb. Enerji dolu yeni dizayn, keyfiyyətli materiallardan hazırlanmış interyer, müasir təhlükəsizlik vasitələri ilə təchiz olunma səviyyəsi, yeni i10 modelini daha yüksək seqmentli avtomobillərə yaxınlaşdırır.

Alan Roşfor (Allan Rushforth), Hyundai Motor Europe-ın Baş vitse-prezidenti və icraçı direktoru: “i10 modelinin yeni nəslinin işıq üzü görməsi bizim brend üçün mühüm bir hadisədir. Bununla Hyundai Motor öz alıcılarına onların gözlədiklərindən də artıq yüksək keyfiyyət təklif edərək “A” seqmentinin lideri qaldığını sübut edir”.

“A” seqmentinin artan bazarı

2007-ci ildə bu model buraxılmağa başladıqdan Avropada satış həcmi 450 min ədəd təşkil edir. Satışların pik dövrü 107 min i10 satılan 2009-cu ilə təsadüf etdi. 2010-cu ildə i10 modelinin birinci nəsli daha yaxşı Avropada satılırdı, 2012-ci ildə bu model markanın model sırasında ən satılan dördlüyə daxil idi. Hyundai Motor i10 modelinin yeni nəslinə böyük ümidlər bəsləyir. 2014-cü ildən başlayaraq gözlənilən satış həcmi ildə 74 min avtomobil təşkil edir ki, bu da “A” seqmentindəki satışların 6,3% təşkil edir.

Avropasayağı stil

i10 modelinin yeni nəsli əsl Avropa avtomobilinin təcəssümüdür. O, Hyundai Motor-un Rüsselhaymdakı Avropa layihə bürosunda xüsusi olaraq Avropa alıcıları üçün layihələndirilmiş və işlənib hazırlanmışdır. Hyundai Motor i10 modelinin yeni nəslinin dizaynına çox güvənir. İstənilən seqmentdə Avropa alıcılarının Hyundai Motor-un məhsullarına üstünlük vermələrinin ilk səbəbi dizayndır. Hyundai alıcılarının 31% avtomobil seçimi zamanı əsas arqumentin dizayn olduğunu vurğulayıblar (bazar üzrə orta göstərici 29% təşkil edir). i10 modelinin yeni nəsli Avropa müştərilərinə öz dinamik stil fəlsəfəsinin yeni təcəssümünü təklif edir

İtaliya və Böyük Britaniyada keçirilən ilk sorğuların nəticələrinə görə, i10 modelinin yeni nəsli “A” seqmentdəki əsas rəqibləri ilə müqayisədə respondentlərdə ən müsbət təəssürat yaradıb.

Avtomobil böyüdü

Avropa stilinin daha bir fərqləndirici xüsusiyyəti kimi avtomobilin kiçik qabaritli olmasına baxmayaraq praktik olmasıdır. Öz sələfi ilə müqayisədə, yeni i10 böyüyüb. Əvvəlki modeldən 80 mm daha uzun olan yeni i10 uzunluğa görə öz seqmentinin lideridir (3665 mm). Əvvəl öz sinfinin ən dar avtomobili olan i10, indi 65 mm genişlənərək (1660 mm), ən enli nümayəndəsi oldu. Avtomobilin hündürlüyü isə, əksinə, 40 mm azalıb. İndi avtomobilin hündürlüyü 1500 mm təşkil edir ki, bu da ona yolda idmansayağı görünüş bəxş edir. Kuzovun proporsiyaları i10 modelinin iti xəttlər və yan relyeflərlə vurğulanan xarici görünüşünü daha da zərif edir.

Dəyişikliklər həm də daxili məkana toxunub. İnteryerin tərtibatına innovativ yanaşma avtomobili seqmentində ən böyük baqaj bölməsinən təchiz etməyə imkan verib. Baqaj bölməsinin həcmi əvvəlki modeldən 27 litr çox olmaqla 252 litr təşkil edir. Arxa oturacaqlar qatlandıqda, bu göstərici 1046 litrədək artır. Arxa sərnişinlər üçün ayaq yeri 1890 millimetrdir. Ön sərnişinlərin ayaqları üçün yer 40 mm (1070 mm), çiyinlər səviyyəsində en (1306 mm) və oturacaq-tavan məsafəsi (1008 mm) isə 16 mm artırılıb.

Komfort və rahatlıq

Yeni nəslin kuzovunun sərtliyi daha möhkəm poladdan və xüsusi detallardan istifadə edilməsi, qapı rəzələrinin və karkasın əlavə möhkəmləndirilməsi sayəsində daha da sərtləşib. Nəticədə kuzovun burulmağa qarşı sərtliyi əvvəlki nəsil ilə müqayisədə 27% artıb. Yüksək möhkəmliyə malik polad növlərinin payı yeni nəsil i10 modelinin korpusunun strukturunda 29,2% təşkil edir ki, bu da i10 modelinin əvvəlki nəslindən 9% çoxdur. Möhkəm təməl yalnız avtomobilin zərbələrə qarşı davamlılığını artırmır, o, həmçinin səsboğma, vibrasiya səviyyəsi və sərtliyi kimi göstəricilərin yaxşılaşması deməkdir. Belə ki, yeni nəsil modeldə mühərrik boş-boşuna işlədikdə səsin səviyyəsi 38 dB, hərəkətdə isə 65 dB təşkil edir.

Bundan savayı, yeni i10 daha yüksək seqmentli avtomobillərə xas olan sükan çarxından idarə olunan kruiz-kontrol, isidilən ön oturacaqlar və dəri örtüklü sükan çarxı, yoxuşda starta yardımçı sistem, Smart Key adlı açarsız daxilolma və mühərriki Start/Stop düyməsi ilə işəsalma sistemi, LED tipli qabarit işıqlar və tam avtomatik klimat-kontrol kimi opsiyalarla təchiz oluna bilər.

Mühərrik və transmissiya

Hyundai Motor alıcılara seçim üçün “Kappa” ailəsindən olan iki, 1,0 və 1,25 litr həcmə malik yüksək texnoloji benzin mühərriklər təklif edir. Seçim üçün həmçinin 5-pilləli mexaniki və 4-pilləli avtomatik sürət qutuları təklif edir. 

Təhlükəsizlik

Yeni nəsil i10 modeli ən qabaqcıl texnologiyalara malikdir.Çoxsaylı aktiv və passiv təhlükəsizlik sistemləri həm sürücünün, həm sərnişinlərin, həm də ki, piyadaların maksimal müdafiəsini təmin edir. Aktiv təhlükəsizlik “A” seqment avtomobillərində ilk dəfə artıq standart təchizatda olan elektron sabitləşdirmə (ESC) və sabitləşdirmənin idarəolunması (VSM) sistemləri təmin edir.

i10 modelinin passiv təhlükəsizlik avadanlığı komplektinə artıq standart təchizatda iki ön, iki yan və iki tamölçülü pərdə tipli – ümumilikdə altı ədəd təhlükəsizlik hava yastığı daxildir. Mərkəzi kilid və təhlükəsizlik kəmərləri barədə xəbərdarlıq sistemi də standart təchizata daxildir.

Şərhlərin sayı: 0

AVATAR
Hələ heç kim şərh verməyib. Birinci siz olun.