Hyundai Genesis 2013: yenilənmiş sedan

Просмотров: 3107
Hyundai Genesis 2013: yenilənmiş sedan
  • Hyundai Genesis 2013: yenilənmiş sedan
  • Hyundai Genesis 2013: yenilənmiş sedan
  • Hyundai Genesis 2013: yenilənmiş sedan
  • Hyundai Genesis 2013: yenilənmiş sedan
  • Hyundai Genesis 2013: yenilənmiş sedan
  • Hyundai Genesis 2013: yenilənmiş sedan

Cənubi Koreyanın avtomobil istehsalçısı iki yeni mühərrikdən ibarət paket və multimedia imkanları hesabına gücləndirilmiş baza komplektasiyası vasitəsilə Hyundai Genesis sedanını yeniləyir.

Əsas yeniləmə işi, təbii ki, mühərriklə əlaqədardır. Hyundai Genesis 2013-ün 385 at gücündə olan əvvəlki 4,6 litr həcmli V8 motoru öz yerini aşağıdakı iki yeni mühərrikdən birinə verib:
- 3,8 litr həcmə və 333 at gücünə malik 6 silindrli (V6) benzin;
- 5,0 litr həcmə və 429 at gücünə malik 8 silindrli (V8) benzin (R-Spec versiyası).

Hər iki mühərrik ZF firmasının istehsalı olan 8 pilləli avtomat transmissiya ilə tandemdə işləyir. Mühərrikin daha güclü versiyasında (R-Spec) idman rejimi nəzərdə tutulub.
Hyundai Genesis 2013-ün interyeri baza komplektasiyasında yeni multimedia sistemi ilə təchiz olunub. Bu sistem 8 düymlük displeyi, təkmilləşdirilmiş joystiki, səs idarəetməsi və Blue Link platforması ilə, habelə musiqinin, videonun və fotoşəkillərin mühafizəsi üçün 64 GB həcmdə yaddaş qurğusu (SSD) ilə seçilir.

Bir qayda olaraq, avtomobil istehsalçıları öz informasiya-əyləncə sistemlərinin sərt diskinin tipini açıqlayaraq reklam etmirlər. Bununla belə, Hyundai yaddaş qurğusunun möhkəm və uzunömürlü olduğunu və sürətlə işlədiyini elan edib ki, bu da populyarlıq üçün heç də az əhəmiyyətli deyil.

Avtomobilin xarici dizaynı dəyişikliyə məruz qalmayıb. Bu onunla əlaqədardır ki, hazırda kompaniyanın mühəndisləri bütün səylərini Hyundai Genesis modelinin tamamilə yeni nəslinin hazırlanmasına yönəldiblər. Sonda qeyd edək ki, yenilənmiş Hyundai Genesis 2012-ci ilin sonlarında satışa daxil olacaq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.