Hamilə qadınlar yol-nəqliyyat qəzalarına iki dəfə çox düşürlər

Просмотров: 3683
Hamilə qadınlar yol-nəqliyyat qəzalarına iki dəfə çox düşürlər

Kanadanın Klinik tədqiqatlar İnstitutu (ICES) beş il ərzində araşdırma apararaq avtomobil idarə edən yarım milyondan artıq qadın haqqında məlumatları toplayıb. Barəsində məlumatlar toplanılan qadınlar arasında hamiləliyin ikinci rübündə (15-26-cı həftəsində) olan qadınlar da vardı. Tədqiqatçıların gəldiyi nəticələr gələcək analar üçün heç də ürəkaçan deyil, belə ki, onların ciddi avtomobil qəzasına düşməsi ehtimalı daha yüksəkdir.

Hamilə qadınların hər min nəfərindən təxminən 6,47-si belə durumla qarşılaşır ki, bu da hamilə olmayan qadınlarla müqayisədə (hər min nəfərdən 4,55-i) təxminən 42 faiz çoxdur. Alim Donald Redelmayer bu durumu belə izah edib: hamiləliyin ikinci rübündə qadınlar ürəkbulanmasından, həddən artıq yorğunluqdan əziyyət çəkirlər və fikirləri dağınıq olur. Üç ildə Ontarionun 507.262 sakinindən 6.922-si ciddi yol-nəqliyyat qəzasına düşüb. Hamiləliyə qədər qəzaların sayı orta hesabla ayda 177 hal təşkil etdiyi halda, hamiləliyin ikinci rübündə ayda 252 hal təşkil edib. Onu da nəzərə almaq lazımdır ki, doğuşdan sonrakı bir il gənc anaların ən az riskə məruz qaldıqları dövr sayılır, belə ki, həmin dövrdə onlar avtomobilin idarə edilməsinə daha böyük diqqətlə yanaşırlar. 

Amma kanadalı alimlər deyirlər ki, tədqiq edilən qadınlarla eyni yaş qrupuna aid olan kişi sürücülərin törətdiyi qəza halları ilə müqayisədə bunlar boş şeylərdir. Belə ki, sonuncuların hər min nəfərindən səkkizinin qəzaya düşməsi ehtimalı var. Odur ki, qadınlar (istər hamiləlik vəziyyətində olan, istərsə də olmayan) hələ də ən diqqətli və təhlükəsiz sürücülər olaraq qalırlar. 

Şərhlərin sayı: 0

AVATAR
Hələ heç kim şərh verməyib. Birinci siz olun.