Gülməyib nə edəsən?

Просмотров: 1186
Gülməyib nə edəsən?

İnsanlar və ya digər əşyalar kimi, avtomobillər də çox zaman zarafat və lətifələrin mövzusu olurlar. Bu yazıda lətifələrin əsas “qəhrəmanlarına” çevrilmiş avtomobilləri yada salacağıq.

Zaporojets
Zaporojets avtomobilinin bütün versiyaları lətifələrin əsas qəhrəmanıdır.
Ən bahalı avtomobil hansıdır? – Zaporojets. Onu almaq üçün illər boyu pul yığırsan, sonra isə bütün əmək haqqını onun təmirinə xərcləyirsən.
Ən səssiz avtomobil hansıdır? – Zaporojets. Onun içərisində oturanda dizlərin qulaqlarını qapayır.
Ən erotik avtomobil hansıdır? – Zaporojets. Onun içərisində oturan kimi avtomatik olaraq elə poza alırsan ki, heç bir “Kamasutra”da belə poza yoxdur.
Ən daimi avtomobil hansıdır? – Zaporojets. Bir dəfə alırsan və daha heç vaxt sata bilmirsən. 

Oka
Zaporojets-i əvəz etmiş bu ilk kiçik litrajlı sovet avtomobili çoxlarının gülüş hədəfinə çevrildi. Zaporojets-ə qoşulmuş çoxlu lətifələr öz yerini Oka-ya aid lətifələrə verdi.
Qəzaya düşərək yuxarı uçmuş Oka ağacın üstündə asılı qalır. Ağacın altında dayanan kişi deyir: “Bilirdim ki, onun gücü azdır, bilirdim ki, ləng gedir, bilirdim ki, salonu balacadır, amma itlərdən bu qədər qorxduğunu bilmirdim”.

Trabant
SSRİ üçün Zaporojets nə idisə, keçmiş Almaniya Demokratik Respublikasının avtomobili Trabant da eyni şeydir. Baxmayaraq ki, o, çox aşağı səviyyəli avtomobil idi, çoxları üçün onu almaq əlçatmaz arzu idi. Zaporojets kimi, onun haqqında da xeyli lətifələr qoşulub.
“Nə üçün Trabant-da təhlükəsizlik kəmərləri yoxdur? – Ona görə ki, bu avtomobili bel çantası ilə səhv sala bilərlər!” 

Lada Kalina
Bu Lada avtomobili bir çox lətifələrin qəhrəmanıdır, Rusiyanın o vaxtkı Baş naziri Vladimir Putin onunla Çita-Xabarovsk trası ilə yola çıxdıqdan sonra Lada Kalina lətifələrin qəhrəmanı kimi Zaporojets və Oka qədər məşhurlaşdı.
Bir kişi avtomobil salonuna gəlir:
– İstəyirəm məndə də Baş nazirdəki kimi Lada Kalina Sport olsun!
– Buyurun, qiyməti 1 milyon dollar!
– ...?!
– Xüsusi komplektasiya: xarab olma ehtimalı üçün əlavə avtomobil, ehtiyat hissələrlə dolu olan avtobus və altı müşayiətçi ofrouder.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.