Gömrük rüsumu artmayacaq ?

Просмотров: 3558
Gömrük rüsumu artmayacaq ?

Son günlərin əsas müzakirə mövzusu Azərbaycanda “Avro” standartlarının tətbiqi və bununla bağlı yarana biləcək vəziyyətdir. Vətəndaşlarımız narahatlıq içindədirlər. Bu qanunun tətbiqi hansı qadağaları gətirəcək, hansı imkanları açacaq, qiymətlərə necə təsir edəcək və s. bu kimi suallar beyinləri xeyli yorur...  

Yaşadığımız informasiyalı cəmiyyətdə informasiya ən bahalı məhsuldur. Çox çətin ki, bu faktla razılaşmayanlar tapılsın. Əlində dəqiq və təsdiqlənmiş informasiyası olan şəxs vəziyyəti hər cür idarə edər və gələcək strategiyasında bundan maksimum yararlana bilər. Yüksək templə irəliləyən iqtisadi məkanda informasiya daha qiymətli olur. 

Gömrük rüsumunun artırılması ilə bağlı aldığım son məlumat məni xeyli düşündürdü. Xəbərdə deyilir ki, Azərbaycanda “Avro-2” standartlarına uyğun gəlməyən minik avtomobillərinin idxalına gömrük rüsumunun artırılması gözlənilmir. Bunu Dövlət Gömrük Komitəsinin rəhbəri Aydın Əliyev deyib.

Onun sözlərinə görə, hazırda "Avro-2" standartlarına uyğun gəlməyən minik avtomobillərinin idxalına gömrük rüsumunun artırılması məsələsi gündəlikdə deyil. Bundan əvvəl isə Dövlət Gömrük Komitəsi ölkəyə ümumi idxal həcminin azalması nəticəsində daxilolmaların azaldığını bildirmiş və bunun nəticəsində avtomobillərin gətirilməsi üçün gömrük dərəcələrinin artırılmasını təklif etmişdi.

Burada 2007-ci ildə baş verən bir hadisəni xatırlamamaq mümkün deyil! Dövlət rəsmilərinin benzinin qiymətinin qalxmayacağı ilə bağlı xəbəri israrla təkrar etdiyi bir zamanda yanacağın qiyməti bir gecədə kəskin artırıldı. Bu faktı bilənlər və xatırlayanlar indi avtomobillərinin idxalına gömrük rüsumunun artırılmaması xəbərinə necə inansınlar?


Vasif Xəliloğlu,
Baş redaktor


© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.


Şərhlərin sayı: 0

AVATAR
Hələ heç kim şərh verməyib. Birinci siz olun.