Gənc müğənni Günel Ələkbərova

Просмотров: 5940
Gənc müğənni Günel Ələkbərova
  • Gənc müğənni Günel Ələkbərova
  • Gənc müğənni Günel Ələkbərova
  • Gənc müğənni Günel Ələkbərova
  • Gənc müğənni Günel Ələkbərova
  • Gənc müğənni Günel Ələkbərova

Gənc müğənni Günel Ələkbərova avtomobilləri və sürücülüyü ilə bağlı təəssüratlarını bizimlə bölüşdü. Bu xanım ifaçını bir sürücü kimi də tanımaq istəyirsinizsə, buyurub oxuya bilərsiniz.

Sürməyi belə öyrəndi

Çoxdandır ki, avtomobil idarə edirəm. Bağda olanda avtomobil açarı görən kimi dərhal götürüb maşını işə salırdım, sürməyə başlayırdım. Hətta dayımın avtomobilini də əzmişdim. Əzə-əzə, sürə-sürə gəlib oldum peşəkar sürücü!

Bu günə kimi hansı avtomobilləri olub?

Tələbə vaxtı ailəmin avtomobilini sürmüşəm. Amma özümə ilk avtomobili yalnız 2004-cü ildə almışam. Bu da BMW 5-ci Seriya idi. 2008-ci ildən Yeni Toyota Yaris-i idarə edirdim. Bu avtomobil mənə hədiyyə idi. Və bir də indiki avtomobilim – Hyundai Sonata. Bu avtomobili təzə çıxdığı vaxtda kreditlə aldım.

Avtomobil Günel Ələkbərova üçün nədir?

Avtomobil mənim üçün sadəcə bir vasitədir. Arzularımda olan avtomobillər var. Amma hələ ki buna da şükür edirəm.

Son dəfə ictimai nəqliyyatdan nə zaman istifadə edib?

Metroya minməyi tez-tez arzulayıram. Bu, o demək deyil ki, populyaram və ictimai nəqliyyatdan istifadə etmək istəmirəm. Yox, sadəcə, məni tanıyanlar da bilir ki, hələ məktəbə də şəxsi sürücü ilə gedib-gəlmişəm. Odur ki, metroya nə vaxt mindiyim yadımda deyil. Eyni zamanda, motosiklet almaq da başqa bir arzumdur. 

Tıxacdakı məşğuliyyəti

Tıxac hər kəs kimi mənim üçün də ən böyük problemlərdəndir. Tıxac vaxtı yalnız mahnıya qulaq asıram. Allahdan səbir diləyirəm, vəssalam. Avtomobildə heç vaxt özüm-özümə qulaq asmıram. Kimin mahnısını bəyəndim onu da dinləyirəm. Bu xoşuma gəlməyən müğənni də ola bilər.

Keçirdiyi ağır yol qəzası

Çox dəhşətli yol qəzaları keçirmişəm. Bakı-Ələt yolunda 180 km/saat sürəti ilə hərəkət edirdim və bu sürət də qəzaya düşməyimə səbəb oldu. Çox ağır yol qəzası idi. Hətta telekanallar da göstərdi.

Özünü peşəkar sürücü sayan Günel deyir:

“Yol qaydalarını yaxşı bilirəm. Çoxdandır ki, qəza keçirmirəm, yol qaydalarını pozmuram və yolda hər cür çətin şəraitdən çıxa bilirəm. Deməli, peşəkaram”.

Yolda onu nə əsəbiləşdirir?

Əvvəllər insanlar maşınlardan qaçırdı, indi maşınlar insanlardan qaçır. Deyərdim ki, yol qaydalarını ən çox pozanlar piyadalardır. Amma yenə onları başa düşürəm – ola bilsin ki, fikirlidirlər. İmkan daxilində piyadalara yol verirəm və düşünürəm ki, insan vurmaqdansa, cansız avtomobillərin əzilməsi daha yaxşıdır. Qulaqcıqda olan piyadalar da məni narahat edir. Belə vəziyyətdə yol keçmək çox təhlükəlidir.

Günelin şıltaqlıqları

Əvvəllər tez-tez avtoxuliqanlıq edərdim. Əks yola çıxardım, tıxac yaradardım. Amma zaman keçdikcə insan bir az da böyüyür və bunların lazımsız olduğunu anlayır.

Bakıdan Qubaya olan məsafə neçə km-dir? (Cavab: 167 km)

Uzaq yollara çıxıram. Bu yaxınlarda Gəncəyə getdim. Bilirəm ki, burdan Gəncəyə 350 km-lik məsafə var. Amma ən çox Qubaya gedib gəlirəm. Bakıdan Qubaya 160 km-dir?

Pozduğu yol qaydaları

Qırmızı işıqdan keçdiyim üçün cərimə ödəməyə məcbur oldum və icazə olmayan yerdə saxladığım üçün avtomobilim evakuasiya olundu.

Sürücülərə arzusu

Allah hər bir sürücünü qəzalardan qorusun və tıxaclarda səbir versin! Avtomobilləriniz Sizi yolda qoymasın! “Avtomobil.az”ı oxumağa davam edin...

Günel Ələkbərovaya müsahibəsi üçün təşəkkür edirik.

Müsahibəni apardı: Aygün Əliyeva

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.