Gənc müğənni Günay İbrahimli - Ətrafımda olan insanlar mənə Şumaxer deyirlər...

Просмотров: 6231
Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...
  • Gənc müğənni Günay İbrahimli - Ətrafımda olan insanlar mənə Şumaxer deyirlər...

Avtomobil.az saytının bu səfər ki, qonağı "De onun adı nədir", "Mən sənə inanırdım", "Yad salma" kimi mahnıların ifaçısı, gənc müğənni Günay İbrahimlidir. Avtomobili, başına gələn yol əhvalatları və s. ilə bağlı maraqlı çıxış edən müğənni bəzi məqamlara fərqli yanaşması ilə seçildi. 

Avtomobil mənim üçün çox vacibdir. Bizim elə bir sənətimiz var ki, çəkilişlər, dəvətlər, məclislər bizdən maksimum dərəcədə sürətli hərəkət etməyi tələb edir. Bütün bu işləri isə avtomobilsiz həyata keçirmək çətin olur. Odur ki, avtomobil tək müğənnilərə deyil bütün işgüzar insanlara lazımdır. 

Sürəti çox sevirəm. Ətrafımda olan insanlar mənə Şumaxer deyirlər. Sürətdən əlavə əks istiqamətli yolda sürmək də mənə çox ləzzət verir. Maşınlar üstümə gəldiyi halda onların üzərinə doğru avtomobil idarə etmək böyük həzzdir. Ümumiyyətlə mənim imkanım olsa bütün qaydalara zidd, ən təhlükəli vəziyyətlərdə avtomobil sürərəm. Avtomobilin hər manevrindən, hər imkanından zövq almağı bacarıram və bunu sevirəm. 

Maşın mənim üçün nəqliyyat vasitəsi olmaqla yanaşı bir növü həm də yoldaşdır. Əgər özümü əsəbi hiss edirəmsə, stress atmaq üçün mütləq avtomobil sürürəm. Fərq etməz hara, əsas odur ki, maşın sürüm. Bəzən sakitcə dəniz kənarına gedərək, avtomobilimə söykənib əsəbdən, qüssədən kənar sakit abu-havada oluram. 

Bu yaxınlarda "Avtostop" verilişinin çəkilişləri zamanı ciddi qəza ilə üzləşdim. Beləki, gözlənilməz bir zamanda sol tərəfdən çıxan Opel markalı bir taksi maşınımı yamanca əzdi. Şükürlər olsun öz sağlamlığıma ciddi təsiri olmadı. Yalnız dizim bir balaca zədələnmişdi. Amma həmin anın hiss-həyəcanı hələ də canımdadır. Haradasa 2 ay idi avtomobilim təmirdə idi. Maşını elə dünəncə götürmüşəm. 

"Bu müddətdə sürmədiyim avtomobil qalmadı"-deyən, Günay İbrahimli ürəkdən gülür. "İnandırım sizi bu zaman kəsiyində bəlkə də 10-15 modeldə hətta çox avtomobil sürdüm. Əvvəlcə prodüserim Təranə xanımın Toyota Avalon markalı maşını sürdüm sonra o da təmirə gedəsi oldu. Daha sonralar Range Rover, Kia Sportage və sair modeldə dostlarımın maşınlarını idarə etdim. Lakin insanın öz avtomobilinin yerini heç nə verə bilməz. Başqasının malına həddən ziyadə səliqə və ehtiyatla yanaşdığım üçün nigaran oluram. Amma öz avtomobilim ilə vəziyyət tamam başqadır. Çox rahat oluram, ürəkli sürürəm.

Mənim üçün avtomobilin qiymətinin o qədər də əhəmiyyəti yoxdur. Əgər belə milyonçu olsa idim, sadəcə olaraq ikinci avtomobili almaq barədə düşünərdim. Bəziləri kimi Ferrari, Lanborghini, Bentley həvəskarı deyiləm. Bircə onu deyim ki, Range Rover avtomobili çox komfortludur və Nissan Patrul da sevdiyim avtomobil modelləri arasında birincidir. Pis odur ki, olmasın. Hazırda gördüyünüz kimi Nissan Micra avtomobilini idarə edirəm. İlk avtomobilim işlənmiş BMW idi. Xam olduğum üçün istəmədim ilk avtomobil yeni olsun. 1 il müddətində sürməyi, Bakının yollarını daha yaxşı öyrəndikdən sonra hazırkı Nissanı aldım.

Mən gözə, bəd nəzərə dəhşət inanan insanam. İş orasındadır ki, göz götürənəm xəstələnirəm ya səsim batır. Amma son illər bu göz məndən çox avtomobilimə dəyir.
Başıma gələn ən yadda qalan hadisə kimi onu danışa bilərəm ki, bir dəfə Tərtərə bir tədbirlə bağlı gedirdik. Mən yolun istiqamətini səhv saldığım üçün maşını Tərtərə yox Ağdama sürdüm. Oraları tanımadığımdan şlaqbaunu da keçərək təhlükəli zonaya girdim. Bir də onu gördük ki, polis əməkdaşları təcili şəkildə geri qayıtmağımızı tələb edir. Sən demə bir balaca da irəli getsək minalı əraziyə düşmə ehtimalımız vardı. Mən əslən Füzulidənəm. Və heç zaman o torpaqları görməmişəm. Bilmirəm nədəndir amma həmin hadisə başıma gələndə ata-baba yurdu Füzulini xatırladım. Özümü saxlaya bilməyərək, göz yaşına qərq oldum. İndi Füzuli düşmən tapdağı altındadır, Füzulinin də sinəsi düşmən minaları ilə yaralıdır. 

Bir dəfə də Gəncəyə çəkilişə gedirdik. Axşam olduğundan yol kifayət qədər aydın görsənmirdi. Yanımızda olan bələdçi irəli sürməyimi söylədi. Heç demə qarşıda pilləkənlər var imiş. Amma mənim yerimə kim olsa həmin pilləkəni sezə bilməzdi. Çünki, pilləkənli yol birdən başlayırdı. Beləliklə avtomobilim 2 pilləkən aşağıya getdi. Həmin anda maşının ətrafını 20-yə yaxın insan bürüdü. Tez-bazar maşını qaytarıb yola qoydular. Dərhal da hamı yoxa çıxdı. Sanki, Xızır peyğəmbər idi ki, birdən dadıma yetişmişdi. Çünki, hadisədən öncə o yolda bircə nəfər belə olsun adam yox idi. Hadisədən sonra yığılan insanlarda o qədər tez yoxa çıxdı ki, heç birinə təşəkkür belə edə bilmədim. Hələ də həmin hadisə yadıma düşəndə özümü çox qəribə hiss edirəm. 

Sürücülük məktəbini özüm oxuyub, sürücülük vəsiqəsi aldığım üçün 1-2 nişan istisna qalanlarını bilirəm. Amma açığı qayda-qanunları bilsəm o qədər də riayət etmirəm. Hər ay azı 1-2 məktub gəlir, gedib cərimə ödəyirəm. Bəzi yol polislərimiz müğənni olduğumu bilən də sağ olsunlar hörmət edirlər və bu hörmət qarşılıqlıdır. 

Bakıda avtomobil idarə etmək isə çox çətindir. Xüsusən də tıxaclar adamı lap təngə gətirir. Bütün sürücülərimizə ehtiyatlı və ən əsası səbirli olmağı tövsiyə edərdim.

Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.