Gələcəyin Şumaxeri Azərbaycanda yetişir

Просмотров: 1164
Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir
  • Gələcəyin Şumaxeri Azərbaycanda yetişir

Yürüş, seriya və idman avtomobillərində müxtəlif yarışların daxil olduğu avtomobil idmanı əsrlərdir insanların adrenalin mənbəyidir. Xüsusəndə gənclərin maraq dairəsinin məhsulu olan bu idman növünün maraqlı tarixi var. Belə ki, ilk avtomobil yarışları 1894-cü il 18 noyabr tarixində Fransada Paris-Ruan-Paris marşrutu üzrə 1200 km məsafəyə keçirilib. Hərəkətin sürəti (12,5 km/s) qaydaları ilə məhdudlaşdırılırdı. Keçmiş SSRİ-də avtomobil idmanı üzrə ilk yarışlar isə 1924-ci ildə Moskva yaxınlığında Serpuxovski şosesində keçirilib. Lakin müntəzəm olaraq yarışların keçirilmə tarixi 1948-ci ilin fevralına aiddir.

Daim öz aktuallığı və qabiliyyətli insanalrı ilə seçilən Azərbaycan idmançıları SSRi dönəmində sözügedən yarışlarda da  müvəffəqiyyətlə çıxış ediblər.
Orduya, Donanmaya və Aviasiyaya Könüllü Yardım Cəmiyyəti (ODAKYC) Avtomobil Nəqliyyatı Nazirliyi ilə birlikdə avtomobil idmanı üzrə SSRİ çempionatlarında avtoralli və dairəvi yarışlarda idmançılarımızın iştirakını təmin edirdi. Belə yarışlar Estoniya, Latviya, Ukrayna, Belarusiya və digər respublikalarda keçirilirdi.
1974-cü ildə Riqa şəhərində keçirilən SSRİ çempionatı və “Tруд” qəzetinin mükafatı uğrunda Azərbaycan komandası çempion adına layiq gələrək beş kubokun sahibi olub.
Bu yarışlarda uğurla çıxış edən “1 saylı Taksomotor” parkının sürücüləri Mikayıl-Qafar, Ələkbər Məmmədov, Yuriy Yazef, Mixayıl Ulanov  2 dəfə Rusiyanın Yaroslavl şəhərində “Русская зима” turnirlərində avtorallidə uğurla iştirak ediblər.
Təqdim etdiyimiz qısa tarixçədən sonra avtomobil idmanının bu günü barədə ətraflı məlumat əldə etmək üçün Azərbaycan Avtomobil İdmanı Federasiyasının vitse prezidenti Rauf Orucovla görüşdük.
"Müstəqillik illərində Azərbaycanda “Kartinq”, “Kross” “Avtoralli” “Dairəvi yürüş” üzrə çempionatlar təşkil olunmuş və keçirilib"-deyən, R.Orucov prezidentimizin idmana göstərdiyi qayğı sayəsində bu gün avtomobil idmanı sahəsində inkişafın müntəzəm həyata keçirildiyini bildirdi.
"Gələcəyin “Şumaxeri” Azərbaycanda yetişir"-deyən, vitse prezident gənc potensialların yüksək bacarıqlarından və əldə etmiş olduqları uğurlardan da söz açdı: "Gülhüseyn Abdullayevin 15 yaşı olmağına baxmayaraq, 2005-2006-cı illərdə Türkiyə çempionatında uğurlu nəticələr qazanaraq və  4-cü yeri tutub. Avropa çempionatında da yarışmaq hüququ qazanan Gülhüseyn, həmin çempionatı 7-ci yerdə bitirib. 2011-ci ildə  Türkiyə çempionatına 5-ci, 2012-ci ildə isə 2-ci yeri tutan Gülhüseyn  Avro-pada qatıldığı bəzi yarışlarda ilk 5-ə daxil olub. Onu da qeyd edim ki, Red Bull Kart Fight – artıq 5 ildir ki, bütün dünyada keçirilən həvəskar kartinq üzrə beynəlxalq çempionatdır. 2012-ci ildə yarışma ilk dəfə olaraq Azərbaycanda keçirilib. Red Bull Kart Fight-ı qazanan Gülhüseyn, birincilik mükafatını köhnə Formula 1 pilotu David Coultharddan alıb. G.Abdullayevdən başqa Fəxrəddin Mirzəyev adlı idmançımız “Porsche Sports Cup” turnirində ikinci yeri tutaraq, yüksək nəticə sərgiləyib".
Günümüzdə avtomobil idmanının problemlərindən də söz açan R.Orucov maddi texniki bazanın zəifliyi, bu tip avtomobillərin idarəsi üçün lazımı şosse yolun olmamasını,  stadion yoxluğunu və digər məqamları nümunə gətirdi: "Digər vacib problemlərimizidən biri bu avtomobillərin çox bahalı olmasıdır. Sponsorların azlığı səbəbilə bu maşınları əldə etməyimizdə ciddi problemlər var. Belə avtomobillərin dəyəri aid olduğu kateqoriyadan asılı olaraq 10 minlərlə dollar həcmində hesablanır".
Mövcud maneələrə baxmayaraq müsbət irəliləyişə doğru addımlar da atılır. R.Orucovun sözlərinə görə, artıq xüsusi stadionun tikintisi üçün yerin ayrılması məsələsi həll edilib: "Ölkədə, demək olar  ki, yalnız Bakı şəhərində avtoidman klubları mövcuddur. Hazırda, regionlarda da avtoidman klublarının yaradılması məsələsi müzakirə olunur. Federasiyanın prezidenti Çingiz Baxışevin rəhbərliyi və şəxsi əzimkarlığı nəticəsində federasiyanın fəaliyyəti köklü surətdə dəyişilib. O cümlədən, idmançılarımızın respublika çempionatına və beynəlxalq turnirlərə hazırlığı davam etdirilir. Məlumdur ki, avtomobil idmanının inkişafına başlıca təkan maliyyə durumun yüksəlişidir. Bunun üçün federasiyaya sponsorların cəlb edilməsi istiqamətində işlər aparılır. Artıq müəyyən sayda sponsorlar cəlb olunub. Amma hazırkı durumda avtomobil idmanının inkişafı, istedadlı gənclərimizin yarışlara hazırlanması və qatılması üçün Azərbaycanda şirkətlərin, kommersiya təşkilatlarının, imkanlı şəxslərin köməyinə, yardımına ehtiyac duyulur".
Maraqlıdır, görəsən avtomobil yarışlarında iştirak etmək üçün idmançıdan hansı keyfiyyətlər tələb olunur?
Bu sualı cavablandıran R.Orucov əsas həlledici məqamın həvəs olduğunu dedi. Onun sözlərinə görə, sağlamlığında ciddi qüsur olmayan və bu idmana qəlbən sevgi duyan hər gənc labüd məşqlərdən sonra yarışlarda iştirak edə bilər: "Bunlardan əlavə avtomobil idmanı ilə məşğul olan gənc qorxu hissindən uzaq olmalıdır. Çünki, bu yarışlar insandan risk tələb edir. Bunlarla paralel dəqiqlik, tənzimləmə qabiliyyəti vacib şərtlərdəndir. Həmçinin cəsarətli və reaksiyası güclü olmalıdır ki, qəza baş verdiyi təqdirdə dərhal qərar qəbul edərək, tələb olunan addımı atsın. Yalnız ayıq-sayıq insan lazımı addımı ataraq, qəza vəziyyətlərində özünü qoruya bilər".
"Gəncləri avtomobil idmanına yönəltməklə avtomobil xuliqanlarının da sayını azalda bilərik"-deyən, R,Orucov beləliklə, qəzaların sayının da azala biləcəyini söylədi. Onun fikrincə, "avtoş" kimi tanınan gənclərin həqiqətən böyük potensialı var, sadəcə onları daha faydalı ola biləcək istiqamətə səsləmək lazımdır. Beləliklə, həm öz karyeralarını qura bilər, həm də insanlara narahatlıq törətməzlər.
Qeyd etmək lazımdır ki, federasiyanın yeni tərkibi formalaşandan sonra artıq ilk qələbələrimiz də olub. Belə ki, cari ilin mart ayında Gülhüseyn Abdullayev kartinq üzrə Türkiyə Çempionatının I turunda 2-ci, 11 yaşlı, çox bacarıqlı və perspektivli idmançımız Xədicə Quluzadə isə 3-cü yeri tutub. Bu bir daha əsas verir ki, biz avtomobil idmanı sahəsində idmançılarımızın gələcəyinə inanmalı və qısa müddətdə onların sədalarının dünyanın möhtəşəm arenalarından eşidilməsini gözləməliyik.
Fəridə Abdıyeva
 

Şərhlərin sayı: 0

AVATAR
Hələ heç kim şərh verməyib. Birinci siz olun.