Ford servisdə qışa hazırlıq

Просмотров: 819
Ford servisdə qışa hazırlıq
  • Ford servisdə qışa hazırlıq
  • Ford servisdə qışa hazırlıq

Qış mövsümünün başlanması ilə avtomobillərə xüsusi diqqət yetirilməlidir. Avtomobilin hər bir hissəsi qışa tam hazır olmalıdır ki, yağışlı, küləkli və qarlı havalarda bizi yolda qoymasın. Bu məsələ ilə bağlı ölkəmizdə rəsmi fəaliyyət göstərən Ford Servis Mərkəzinin direktoru İlqar Axundov ilə söhbətləşdik.

 1. İlqar müəllim, sizin rəhbərlik etdiyiniz servisdə mövsümlərə hazırlıq artıq ənənə halını alıb. Müsahibəmizə Ford Servis-dəki son yeniliklə başlayaq. Keçirilən qışa hazırlıq kampaniyası barəsində ətraflı danışa bilərsinizmi?
Hazırda Ford Servisdə "Qış Kampaniyası" adlı servis kampaniyası keçirilir. Kampaniya Ford sahiblərinin avtomobillərini qış mövsümünə daha yaxşı hazırlamasına xidmət edir. Kampaniya çərçivəsində müştərilərimiz avtomobillərinin hərəkətli hissələrini pulsuz diaqnostika etdirmək imkanı qazanıblar. Bundan əlavə, əlaqədar ehtiyat hissələrinin qiymətinə və işçilik haqqına 20% endirim var.
 
2. Ford Servis-də qiymət və keyfiyyət uyğunluğu necə tənzimlənir?
Ford Servis Mərkəzində qiymət və keyfiyyət uyğunluğu orijinal və zəmanətli ehtiyat hissələrindən istifadə olunması, ən yeni texnologiyalardan istifadə edilməsi, xidmət edən personalın Ford standartları əsasında təlim keçərək sertifikatlaşdırılması əsasında tənzimlənir. 
 
3. Dünya təcrübəsində avtomobil şirkətləri servis personalının fasiləsiz tədrislə əhatə olunmasını vacib bilərək Treninq Mərkəzlərini formalaşdırırlar. Bəs Azərbaycanda Ford Servis-də bu təcrübə necə tətbiq edilir?
Qeyd etdiyim kimi, Ford Servis Mərkəzində xidməti personal texniki və servis idarəçiliyi üzrə fasiləsiz təlimlərlə təmin edilir. Təlimlərdə texniki personal və servis məsləhətçiləri Azərbaycana idxal olunan bütün Ford modellərinin texniki istismar və dövri təmir təlimatları, qəbul prosesi və müştəri məmnunluğunun ən yüksək səviyyədə təmin edilməsi istiqamətində dərinləşdirilmiş biliklərə yiyələnir. Bu biliklər isə öz növbəsində bizə - Ford Servisə etibar edən müştərilərimizə yüksək səviyyəli xidmət göstərməkdə yardımçı olur. 
 
4. Ford Servisdə müştəri xidməti və müştəri məmnuniyyətinin təkmilləşdirilməsi ilə bağlı hansı tədbirlər həyata keçirilir?
Bu gün Ford Servisdə müştəri loyallığına əsaslanan kart sistemi mövcuddur. Bu kartlarda avtomobilin texniki təlimatına uyğun servisi ziyarət edən nümunəvi müştərilər üçün xüsusi şərtlər və endirimlər nəzərdə tutulur. Ford Servisdə kreditli servis proqramı fəaliyyət göstərir. Rəsmi partnyorumuz olan NBC Bank-la müştərək həyata keçirilən bu proqram müştəriyə imkan verir ki, servis xərclərini hissə-hissə ödəsin. Bundan başqa, Ford Servisdə Appointment Sistemi (servisə öncədən qeydiyyat) mövcuddur. Bu sistemin sayəsində müştəri əvvəlcədən qeydiyyata düşməklə vaxtına qənaət etmiş olur. Bütün bunlarla bərabər, Ford Servis müştəri xidmətini ən yüksək səviyyəyə çatdırmaq üçün təkmilləşdirmə işlərini hər zaman davam etdirir.

Müsahibəyə görə təşəkkür edirik.

Zaur Əzizov

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.