EuroNCAP: ən yaxşı beşlik

Просмотров: 1426
EuroNCAP: ən yaxşı beşlik
  • EuroNCAP: ən yaxşı beşlik
  • EuroNCAP: ən yaxşı beşlik
  • EuroNCAP: ən yaxşı beşlik
  • EuroNCAP: ən yaxşı beşlik
  • EuroNCAP: ən yaxşı beşlik
  • EuroNCAP: ən yaxşı beşlik

Euro NCAP aktiv və passiv təhlükəsizliyi qiymətləndirməklə avtomobillərin müstəqil kraş-testlərini həyata keçirən Avropa komitəsidir. Aktiv təhlükəsizliyin qiymətləndirilməsi 2009-cu ildən həyata keçirilir.

Euro NCAP 1997-ci ildə qurulub və hazırda Avropa İttifaqında (Aİ) yeddi hökumət tərəfindən, eləcə də bütün Aİ ölkələrində istehlakçı və avtomobil təşkilatları tərəfindən dəstəklənir.

Avtomobillərin təkmilləşdirilmiş metodlarla məhv edilməsi üzrə mütəxəssislər 2011-ci ildə kraş-testdən keçirdikləri əllidən artıq avtomobil arasında beş ən təhlükəsiz avtomobilin adını elan ediblər.

Ümumiyyətlə, ötən il Euro NCAP üçün əsl inqilabi dəyişikliklər ili oldu. İlk dəfə elektromobillərin möhkəmliyi (davamlılığı) yoxlanıldı. Nissan Leaf elektrik mühərrikli avtomobillər arasında beş ulduz qazanmış ilk elektromobil oldu və sübut etdi ki, toqquşma zamanı akkumulyatorlar yaxşı müdafiə olunur.

Çinli istehsalçılar avtomobillərinin təhlükəsizlik səviyyəsini dörd ulduza qədər artırmağa nail oldular. 2011-ci ildə yalnız bir nüsxəsi qəzada dağılmış Ford Ranger pikapı Euro NCAP testləri tarixində ən təhlükəsiz pikap sayıldı. Üstəlik, bu avtomobil piyadaların təhlükəsizliyi reytinqində əla nəticələr göstərdi.

Kompakt krossoverlər və ofrouderlər sinfində ən yaxşı model Audi Q3 oldu. O, yaşlıları və uşaqları təhlükədən yaxşı qoruyur, amma piyadaların müdafiəsi kateqoriyasında onun göstəricisi (52%) ilk beşlikdə ən aşağı göstəricidir. 
Subkompakt modellər sinfində ən təhlükəsiz avtomobil olan Chevrolet Aveo uşaqların müdafiəsi kateqoriyasında ilk beşlikdə ən yaxşı avtomobil sayıldı. Onun elektron təhlükəsizlik vasitələri də yüksək qiymətləndirildi.

Qolf-klass seqmentini təmsil edən üçüncü nəsil Ford Focus modeli isə əksinə, piyadaları beşlikdəki digər avtomobillərdən daha yaxşı müdafiə edir. Təhlükəsizlik vasitələri ilə təchizata gəldikdə, Ford Focus-un ən yüksək qiymət almasına baza komplektasiyasına daxil olan sərnişinin təhlükəsizlik yastığı imkan vermədi.

Mercedes-Benz B-Class kompakt veni yaşlıların müdafiəsində şəriksiz lider oldu. Amma digər nominasiyalarda onun göstəriciləri o qədər də yüksək olmadı. Buna səbəb kimi kapotun ön tərəfinin sərt uc hissəsi, baza komplektasiyasına daxil olan sərnişinin təhlükəsizlik yastığı və sürət məhdudlaşdırıcısının olmaması göstərildi.
D-Class avtomobilləri arasında lider Volvo V60 oldu. Onun təhlükəsizlik vasitələri ilə təchizatının digər avtomobillərdən daha yaxşı olması da təəccüb doğurmur.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.