Ən yaxşı satış məsləhətçisi - NISEC 2012

Просмотров: 2386
Ən yaxşı satış məsləhətçisi - NISEC 2012
  • Ən yaxşı satış məsləhətçisi - NISEC 2012
  • Ən yaxşı satış məsləhətçisi - NISEC 2012
  • Ən yaxşı satış məsləhətçisi - NISEC 2012
  • Ən yaxşı satış məsləhətçisi - NISEC 2012

7 oktyabr 2012-ci il tarixində Bakı şəhəri, Salamzadə, 2 ünvanında yerləşən Nissan Satış və Servis Mərkəzində satış məsləhətçilərinin növbəti yarışması – NISEC (Nissan Sales Executive Contest) keçirildi. NİSEC-in mahiyyəti 15 yarışçı arasından biliyi və praktik bacarıqları daha üstün olan ən yaxşı satış məsləhətçisini seçməkdən ibarət idi. Yarışma 5 mərhələdən təşkil olunmuşdu. İlkin mərhələdə salona gələn müştərini salamlama və qarşılama, ikinci mərhələ onun ehtiyaclarını aşkarlama, üçüncü mərhələ avtomobili təqdimetmə, dördüncü mərhələ müştərinin suallarını cavablandırma və nəhayət sonuncu - beşinci mərhələ avtomobili təhvilvermə. Bütün iştirakçılar münsiflər heyətinin qarşısında müştəriləri qarşıladı, daha sonra onun necə bir avtomobil istədiyi ilə maraqlandı, üçüncü mərhələdə müştərilərin istəkləri ilə üst-üstə düşən avtomobili onunla yaxından tanış etdi, müştəridə yaranan suallara aydınlıq gətirməyə çalışdı, son mərhələdə bütün ödəmə işlərini həll edərək, avtomobili sahibinə təqdim etdi. Münsiflər heyəti Nissan servisin təlim mərkəzinin əməkdaşları, satış və servis mərkəzinin menecmentləri və brend menecerlərinin nümayəndələrindən ibarət idi. Onların ortaq qərarı ilə qalib təyin edildi. Sonda qaliblərə “Nurgün Motors”un təsis etdiyi mükafatlar təqdim olundu. Qaydalara görə, birinciliyi qazanan satış məsləhətçisi bu il yarışmanın Yaxın və Orta Şərq üzrə Regional mərhələsində Azərbaycanı təmsil edəcək. Nəzərinizə çatdıraq ki, keçən illərdə Regional mərhələdə iştirak edən satış təmsilçiləri Yaxın və Orta Şərqin 3 ən güclü satış məsləhətçisi sırasına düşməyi bacarmışdı. Bu ilin sonu Azərbaycanı Yaxın və Orta Şərq üzrə Regional mərhələsində Rəcəb Feyzullayev təmsil edəcək. Biz ona uğurlar arzulayırıq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.