Elektrik velosipedi Audi e-bike Wörthersee

Просмотров: 3659
Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee
  • Elektrik velosipedi Audi e-bike Wörthersee

Çox güman ki, biz sizinlə nəqliyyat sənayesində yeni tendensiyanın yaranmasının şahidi oluruq. Tamamilə mümkündür ki, yaxın vaxtlarda avtomobil istehsalçıları avtomobillərlə yanaşı, elektrik velosipedləri də satacaqlar. Bir müddət öncə Daimler konserni Smart elektrik velosipedini təqdim etdi. İndi isə digər alman avtomobil istehsalçısı Audi e-bike Wörthersee elektrik velosipedini nümayiş etdirdi.

Prototip həm elektrik motorunun, həm də insan əzələlərinin gücü hesabına hərəkətə gəlir. Hazırlanmasında yüksək texnologiyaların istifadə edildiyi velosiped Audi-nin zəngin təcrübəyə malik olduğu aşağıdakı komponentləri özündə birləşdirir: dizayn, e-tron (elektrik nəqliyyat vasitələrinin bütöv konsepsiyası), ultra (avtomobillərin hazırlanmasında yüngül çəkili materiallardan istifadə edilməsi) və connect (sürücünü, nəqliyyat vasitəsini, infrastrukturu və İnternet məlumatlarını birləşdirən texnologiyalar).
Audi e-bike Wörthersee velosipedi hazırlanarkən avtomobil idmanında tətbiq edilən layihələşdirmə prinsiplərindən istifadə edilib. Elektrik velosipedi inanılmaz dərəcədə dəqiqliyə, yüksək emosionallığa və ciddi funksionallığa malik nəqliyyat vasitəsi təəssüratı yaradır. Şübhəsiz ki, dizaynerlərin səyləri ilk növbədə onun idman funksionallığına yönəlib. Dizaynın bütün elementləri velosipedin funksionallığı və texniki xarakteristikaları ilə bilavasitə əlaqələndirilib.

Velosipedin ramasının ağırlıq mərkəzi aşağıda yerləşir və ümumən çox kompaktdır ki, bunun da sayəsində elektrik velosipedi əla idarə olunur və əsl idmansayağı keyfiyyətlər nümayiş etdirir. Litium-ion batareyası korpusa inteqrasiya olunub və onun tam dolması üçün 2,5 saat tələb olunur. Uzaq səfərlər zamanı bir neçə sadə əməliyyatı həyata keçirməklə onu asanlıqla əvəzləmək olar.

Rama və təkər “çəngəlləri” karbon lifləri vasitəsilə möhkəmləndirilmiş polimerdən hazırlanıb (carbon fiber-reinforced polymer – CFRP). Bu materialdan həmçinin 26 düymlük təkərlərin hazırlanmasında istifadə olunub. Yeri gəlmişkən, pedalların enerjisinin ötürülməsini optimallaşdırmaq üçün geniş millərə malik olan bu təkərlər Audi-nin “ultra blade” innovativ konsepsiyasının tətbiqi nəticəsində ərsəyə gəlib.

Velosipedçi bir neçə hərəkət rejimi arasında seçim etmək imkanına malikdir: o, bilavasitə əzələ qüvvəsindən istifadə edə bilər, yalnız elektrik mühərrikinin gücündən istifadə edə bilər, ya da elektrik mühərrikinin dəstəyi ilə pedalları fırlada bilər. Sırf “əzələ” rejimində velosipedçi yalnız ayaqlarının qüvvəsindən istifadə edir, yarı elektrik rejimdə isə ona elektromotor kömək edir ki, bu da 80 km/saat sürətlə irəliləməyə və bu rejimdə 50-70 km məsafə qət etməyə imkan verir. Yalnız elektrik mühərrikinin gücündən istifadə edildikdə maksimal sürət 50 km/saat təşkil edir. Velosipedçi kompüterin köməyi ilə sürət qutusundan və mühərrikin gücündən istifadə etməklə sürəti tənzimləyə bilər.

Elektromotor ramanın aşağı nöqtəsində yerləşir və elektrik “zənciri” vasitəsilə bilavasitə aparıcı təkərlə birləşdirilib. Mühərrikin yaratdığı maksimal fırlanma momenti 250 Nm təşkil edir. Onun hasil etdiyi maksimal güc 2,3 kVt təşkil edir ki, bu da elektrik velosipedləri üçün ən yaxşı göstərici sayılır. Velosipedin tam çəkisi 11 kiloqramdır ki, bu da praktiki olaraq güc/çəki nisbətinin inanılmaz göstəricisinə nail olmağa imkan yaradıb: 9 kq/kVt və ya 7 kq/at gücü. 

Elektrik velosipedi intellektual idarəetmə sisteminə malikdir. Velosipedi bilavasitə bu sistem vasitəsilə, yaxud da smartfondan istifadə etməklə idarə etmək olar.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir. 

Şərhlərin sayı: 0

AVATAR
Hələ heç kim şərh verməyib. Birinci siz olun.