Ducati-dən yeni motosiklet: Ducati Hyperstrada

Просмотров: 1248
Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada
  • Ducati-dən yeni motosiklet: Ducati Hyperstrada

İtaliyanın Milan şəhərində keçirilmiş "EICMA-2012" 70-ci yubiley motosalonunda Bolonyadan (İtaliya) olan istehsalçı şirkət yeni Hyperstrada motosikletini nümayiş etdirdi. Bu markaya qarşı biganə olmayanlar üçün bu ad bir qədər qəribə görünə bilər, çünki onlar müxtəlif siniflərə mənsub olan Hypermotard Multistrada modelləri ilə tanışdırlar və ya bu modellər barəsində eşidiblər.

Adı bu iki modelin adlarının hissələrindən götürülmüş yeni motosikletə nəzər salaq. Məlumdur ki, Ducati Multistrada 1,2 litr həcmli mühərriklə təchiz olunur, Ducati Multistrada-nın mühərrikinin (Testastretta) həcmi isə bundan azdır – 821 kub santimetr. Maye vasitəsilə soyudulan bu dörd klapanlı mühərrikin qüvvəsi 110 at gücünə, fırlanma momenti isə 89 Nm-ə bərabərdir. Bu baxımdan, yeni modellə Ducati Hypermotard 2013 modeli arasında yaxınlıq var (qeyd edək ki, sonuncu da Milan motosalonunda təqdim edilib).

Ducati Hyperstrada motosikleti Motard və Touring kimi, iki müxtəlif sinfi bir-birinə yaxınlaşdırmaq məqsədi ilə hazırlanıb. Bu motosikletlə rahatca uzun yola çıxmaq olar. İstehsalçı bu baykın komfortluluğunun qayğısına qalaraq onu böyüdülmüş yumşaq oturacaqla, uzaq səfər üçün rahat olsun deyə, Hypermotard ilə müqayisədə 20 mm yuxarı qaldırılmış sükanla və ön şüşə ilə təchiz edib.

Arxada 50 litr həcmli iki yan kofr baqaj üçün nəzərdə tutulub. Həmçinin sərnişin üçün tutqac və 12 volt gərginlikli iki rozetka var (məsələn, ona naviqator qoşmaq olar). 31 litr tutumu olan əlavə arxa keys opsiya qismində təklif olunur. Gördüyümüz kimi, yeni bayk Multistrada motosikletinin bütün imkanları ilə təchiz olunub və ola bilsin ki, 1200 kub santimetr həcmli mühərrikə ehtiyacı olmayan və ya yanacağa qənaət etmək istəyən potensial alıcılar üçün uğurlu seçim olacaq.

Sözün əsl mənasında, universal motosiklet olan Ducati Hyperstrada 43 millimetrlik Kayaba USD "çəngəli" ilə təchiz olunub. Arxada tənzimlənən Sachs monoamortizatoru quraşdırılıb. Dartıcıya nəzarət sistemi, habelə Bosch firmasından ABS və Brembo əyləcləri təhlükəsiz səfəri təmin edir. Təchizatlı halda motosikletin kütləsi 204 kq təşkil edir. Bayk qırmızı (Ducati Red) və ağ (Arctic White) rəngdə təklif olunur.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.