Dodge Dart: Chrysler Group-dan yeni kompakt sedan

Просмотров: 1437
Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan
  • Dodge Dart: Chrysler Group-dan yeni kompakt sedan

İstehsalatdan çıxarılmış Dodge Caliber modelini yeni Dodge Dart sedanı əvəz etdi. Chrysler Group LLC yeni Dodge Dart kompakt sedanını təqdim etdi. Alfa Romeo Giulietta-nın platformasında hazırlanmış və bu ilin yazında Amerika bazarında peyda olacaq bu yeni avtomobil istehlakçılara beş komplektasiyada və üç güc aqreqatı ilə təklif olunacaq.

Amerikalı istehsalçının indiyədək Fiat Lancia brendləri altında Avropada təqdim etdiyi modellərdən fərqli olaraq, bu dəfə Chrysler Group LLC əks istiqamətdə hərəkət etməyi qərara aldı. Dodge Dart kompakt sedanı Alfa Romeo Giulietta-nın platformasında hazırlanmış modeldir, sonuncunun ölçüləri uzadılaraq və genişləndirilərək modernləşdirilib. Bunun sayəsində Dart, istehsalçının fikrincə, salonun daxili məkanı baxımından az qala ən yaxşı göstəricilərə malikdir. 

Yeni sedanın xarici görünüşü markanın müasir korporativ üslubunda hazırlanıb, arxa fənərlər və aqressiv görkəmli radiator barmaqlığı bunun bariz nümunəsidir. Yeni modelin ehtiraslı xarakterini baqaj bölməsinin damına inteqrasiya olunmuş arxa spoyler və opsional qaydada təklif olunan 18 düymlük yüngül lehimli disklər vurğulayır.
Bundan başqa, yeni avtomobil interyerdə işlənmiş materialların yüksək keyfiyyəti, standart komplektasiyada zəngin təchizatı və yüksək fərdiləşdirmə imkanları ilə fərqlənəcək. Konkret olaraq, sərt plastik panellər keçmişə qovuşacaq, təchizata on təhlükəsizlik yastığı, dinamik stabilləşdirmə sistemi və yoxuşa qalxmağa kömək edən sistem daxil ediləcək. Yeni model 8 düymlük displeyi və digər funksional avadanlıqları olan Connect Touch multimedia sistemi ilə təchiz olunacaq.

Üstəlik, alıcılar kuzovun 12 rəng variantı və interyerin 14 rəng çalarları arasından seçim etməklə avtomobili fərdiləşdirmək imkanına malik olacaqlar. Güc aqreqatlarına gəldikdə, Dodge Dart üç modifikasiyada benzin mühərrikləri ilə təklif olunacaq: MultiAir turbokompressoru ilə təchiz olunmuş 1,4 litr həcmə və 160 at gücünə malik mühərrik, habelə Tigershark mühərrikləri ailəsinə mənsub olan 2,0 və 2,4 litr həcmli (müvafiq olaraq 160 və 184 at gücündə). Transmissiyaya gəldikdə, alıcılara əvvəlcə 6 pilləli mexaniki və 6 pilləli robotlaşdırılmış sürət qutusu təklif olunacaq. 2013-cü ildən başlayaraq alıcılar avtomobili ZF şirkətinin istehsalı olan yeni 9 pilləli avtomat transmissiya ilə sifariş verə biləcəklər. Bu transmissiya yanacağa 15% qənaət etməyə imkan verəcək.

Dodge Dart avtomobilinin istehsalı 2012-ci ilin ikinci rübündə Chrysler Group LLC-nin Belviderdəki (İllinoys ştatı) istehsalat meydançasında start götürəcək. Amerikada alıcılara Dodge Dart avtomobilinin SE, SXT, Rallye versiyaları və məhdud sayda R/T versiyası təklif olunacaq.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.