Davamlı uğurun sirrləri

Просмотров: 767
Davamlı uğurun sirrləri
  • Davamlı uğurun sirrləri
  • Davamlı uğurun sirrləri

Daha bir ilin sonuna yaxınlaşırıq. 2012-ci il inkişafda olan ölkəmizin avtomobil bazarında çox uğurlu oldu. Son rəqəmlərin açıqlanmasına bir müddət qalmasına baxmayaq, satış həcminin tarixi rekorduna nail olunduğunu qeyd edə bilərik. Azərbaycan avtomobil bazarında satış həcminin payına görə ilk yerlərdə qərarlaşan şirkətlərdən biri də Nurgün Motorsdur. Nissan və İnfiniti avtomobillərinin rəsmi təmsilçinin 2012-ci ildə uğurları və gələcək planları ilə bağlı şirkətin Marketinq Departamentinin müdiri Vasif Əliyevlə müsahibəni sizlərin diqqətinə çatdırırıq.


1. 2012-ci ili Azərbaycan avtomobil bazarında Nissan üçün uğurlu il hesab etmək olarmı?
 
Bu, birmənalı şəkildə belədir. 2012-ci ildə Nissan, Azərbaycan bazarında 2 yeni modelini - Nissan Juke və Tam yenilənmiş Nissan Sunny avtomobillərini təqdim etdi. Hər iki model avtomobilsevərlər arasında böyük rezonansla qarşılandı. Ekstravaqant dizaynı ilə seçilən Nissan JUKE xüsusilə gənclərin sevimlisinə çevrildi. Artıq Bakının küçələrində bu avtomobilə tez-tez rast gəlmək mümkündür. Tam yenilənmiş, praktik və funksional Nissan Sunny isə həmişə olduğu kimi, öz etibarlılığını bir daha nümayiş etdirdi və bazarda əvəzolunmaz təklif olduğunu sübut etdi. Bu avtomobil də çoxsaylı satışları və geniş auditoriyanı özünə cəlb etməklə bu fikri tam doğrultdu. Bu iki yeni modelin uğurlu satışları avtomobil bazarında Nissan-ın mövqeyinin xeyli güclənməsinə gətirib çıxardı. Servis sahəsində də yeniliklərimiz oldu. 2012-ci ilin əvvəlində start verdiyimiz unikal bir proqram Kreditli Servis gerçəkləşdirdiyimiz uğurlu layihələrdən oldu. Rəsmi partnyorumuz olan NBC Bank-la müştərək həyata keçirilən bu proqram müştərilərimizə imkan yaratdı ki, servis xərclərini hissə-hissə ödəsinlər. Nissan Servis zəmanət siyasətində də yeniliklə yadda qaldı. 2012-ci ilin əvvəlindən etibarən Nissan salonlarında satılan hər bir avtomobilə 4 il və ya 100.000 km zəmanət verilir.      
 
2. Azərbaycanda Nissan şəbəkəsinin genişləndirilməsi yönündə hansı yeniliklər oldu?
 
Məlumdur ki, Nissan-ın ölkəmizin müxtəlif regionlarında da satış və servis mərkəzləri fəaliyyət göstərir. 2012-ci ilin əvvəllərinədək bu şəbəkə Gəncə, Şəki və Lənkəran şəhərlərini əhatə edirdisə, artıq bu sıraya Qubanı da aid etmək olar. İndi şimal bölgəsində yaşayan həmvətənlərimiz Quba şəhəri, Heydər Əliyev prospekti, 33 ünvanında yerləşən Nissan salonuna üz tutub sevimli avtomobillərini sərfəli satış şərtləri ilə əldə edə bilərlər.  
 
3. Nissan artıq 2013-cü il üçün yeniləyəcəyi modelləri açıqlayıb. Bəs bu modellərin Azərbaycanda təqdimatı nə zamana planlaşdırılır?
 
Bu yeniliklərlə bağlı Nissan salonlarına çoxsaylı müraciətlər olur. Hər kəs tam yeni Nissan modellərinin (Nissan Altima 2013, Nissan Pathfinder 2013  Nissan Sentra 2013) nə zaman təqdim olunacağı ilə maraqlanır. Qeyd etdiyimiz tam yeni Nissan avtomobillərinin təqdimatına çox az zaman qalır. 2013-cü ilin ilk rübündə hər 3 avtomobilin Azərbaycan bazarında təqdimatı gerçəkləşəcək. Müştərilərimizi Nissan-la bağlı ən yeni xəbərləri rəsmi saytımızda (www.nissan.az) və FB səhifəmizdə (www.facebook.com/NissanAzerbaijan) izləməyi tövsiyə edirəm. 

Müsahibəyə görə təşəkkür edirik.

Zaur Əzizov

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.