CITY CHALLENGE BAKU YARIŞINA BMW-DƏN DƏSTƏK

Просмотров: 3268
CITY CHALLENGE BAKU YARIŞINA BMW-DƏN DƏSTƏK
  • CITY CHALLENGE BAKU YARIŞINA BMW-DƏN DƏSTƏK
  • CITY CHALLENGE BAKU YARIŞINA BMW-DƏN DƏSTƏK
  • CITY CHALLENGE BAKU YARIŞINA BMW-DƏN DƏSTƏK
  • CITY CHALLENGE BAKU YARIŞINA BMW-DƏN DƏSTƏK
  • CITY CHALLENGE BAKU YARIŞINA BMW-DƏN DƏSTƏK
  • CITY CHALLENGE BAKU YARIŞINA BMW-DƏN DƏSTƏK

Sükan arxasında əsl zövq

Oktyabr ayının 26 və 28 tarixlərində Bakıda tamam fərqli ab-hava yaşanırdı. Belə ki, dünyaca məşhur “City Challenge” yarışları ölkəmizdə təşkil edildi. Bu yarışın yüksək səviyyədə həyata keçirilməsində müxtəlif təşkilatların böyük əməyi vardı. “BMW”-nin Azərbaycanda rəsmi idxalçısı olan “İmprotex Motors” şirkəti də belə tədbirdən kənarda qala bilməzdi. 1998-ci ildən bəri ölkəmizdə fəaliyyət göstərən şirkət artıq kifayət qədər öz sözünü deyən bir idxalçıdır. Bu illər ərzində qazanılan nüfuz özünü yarışlar zamanı da bir daha təsdiq etdi. “City Challenge” mərasiminin təşkilati dəstəkçisi olan “İmprotex Motors”un VİP qonaqlar üçün mövcud olan bölmədə qurmuş olduğu stendlər böyük marağa səbəb oldu. Burada 2 avtomobilin nümayişi həyata keçirildi. Bunlardan biri BMW X5M, digəri isə BMW 640 Gran Coupe idi. Onu da qeyd edək ki, yarış zolağında avtomobilləri müşayiət edən Medical Servis-in (Tibbi Xidmət) maşınlarını da məhz “İmprotex Motors” təmin edirdi. Bunlar ağ və qara rəngdə olan BMW X6MBMW X5 X-Drive 4.8i modelləri idi. Həqiqətən, BMW-nin modelləri yarış bolidlərindən heç də geri qalmır. Nəzərə alsaq ki, yarış avtomobilləri 4 saniyədə 0-dan 100km/saatadək sürətlənməyə malikdirlərsə, bu hal BMW X6 modelində 4,7 saniyə təşkil edir.

Yarışlarda bir çox məşhur brendlərlə yanaşı, BMW-nin üç Z4 GT3 bolidləri də öz məharətini göstərdi. Qulaqbatıran səs maşının mühərrikinin gücündən xəbər verirdi. Bu səbəbdən də təsadüfi deyil ki, BMW-nin 2 modeli yarışda iştirak edirdi.

Neçə illərdir, öz müştərilərinə xidmət göstərən bu şirkət hər zaman alıcılarını bir-birindən gözəl avtomobillərlə sevindirir. Həqiqətən, bu brend böyük rəğbətə sahibdir. 2011-ci ildə dünyada ən bahalı avtomobil brendi olaraq Almaniyaya məxsus BMW şirkətinin məhsulunun seçilməsi bunu bir daha təsdiq edir.  

Alman avtomobil və motosiklet istehsalçısı olan BMW ayrıca, Mini Rolls-Royce, avtomobil şirkətlərinin də sahibidir. Hər 3 markanın ölkəmizdə satışını isə məhz “İmprotex Motors” şirkəti həyata keçirir. “Müştərilərimiz bizim dostumuzdur” devizi ilə fəaliyyət göstərən bu şirkətdə həm avtomobillərin satışı, həm də servis xidmətləri müştərilərə təqdim olunur.

Onu da qeyd edək ki, gələn il 15 illik yubileyini qeyd edəcək “İmprotex Motors” bir sıra layihələrə start verəcək. Buraya müxtəlif aksiyalar, kompaniyalar, xeyriyyə tədbirlərinə dəstək və digər mühüm aspektlər daxil ediləcək.

Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.