City Challenge 2012 Baku

Просмотров: 1300
City Challenge 2012 Baku
  • City Challenge 2012 Baku
  • City Challenge 2012 Baku
  • City Challenge 2012 Baku
  • City Challenge 2012 Baku
  • City Challenge 2012 Baku
  • City Challenge 2012 Baku
  • City Challenge 2012 Baku

Dünyanı izdihama sövq edən “City Challenge” yarışı Bakıda

Sürət, həyəcan, adrenalin – bu  ifadələr hər bir avtomobil heyranlarının ən sevimli sözləridir. Bunların hər birinin reallaşdığı məkan isə “Formula 1” yarışlarıdır.
İnsanlarımız da “City Challenge Baku 2012”də bu enerjini hiss etdilər. Oktyabr ayının 26-da start götürən şou oktyabrın 28-dək davam etdi.

Yarışlarda Porsche 911, Aston Martin Vantage GT3, Audi R8 LMS, BMW Z4 GT3, Ferrari 458 İtalia GT3, Lamborghini Gallardo LP 600+Mercedes Benz SLS AMG GT3 markalı avtomobillər iştirak edirdi. “City Challenge Baku 2012”də 13 komanda olmaqla hər komandanı 2 sürücü-pilot təmsilçisi vardı.

Hökumət Evinin ətrafını əhatə edən yarış zolağının uzunluğu 2,1 kilometr idi. Oktyabr ayının 26 və 27-si tarixlərində City Challenge GT, Classic Qran Pri və GYMKHA şəhər Driftinq yarışlarının məşq sessiyası keçirildi. Əsas yarış günü isə ayın 28-də baş tutdu. Finalda 24 pilot mübarizə aparırdı.

“City Challenge” yarışlarının “Gymkhana city drift” üzrə final mərhələsinin qalibi alman, BMW M5 avtomobilinin pilotu Rohan van Riel oldu. Bu kateqoriyada qalib gəlmək üçün tələb edilən kriteriya isə şəhərin küçələrində müxtəlif manevrləri daha peşəkar və rəngarəng etməkdir.

Yarışın GT3 finalının qalibi də elə həmin gün müəyyənləşdi. GT3 finalının qalibi McLaren MP4 yürüş avtomobilinin pilotları Frederic MakovieskiStef Düsseldorf oldu. Qaliblər HEXIS komandasının üzvləridir. Yarışda ikinci yerə BMW Z4 avtomobilinin pilotları KeçeleLauda, üçüncü yerin sahibi isə daha bir BMW Z4 avtomobilinin pilotları Yelmer Buurman Nikolas Mayer-Melnhoff oldu.

Bakıdan əvvəl Budapeşt və Buxarestdə təşkil edilən “City Challenge” avtomobil yarışları yüksək təhlükəsizlik qaydalarına əməl olunmaqla həyata keçirilir. Yarışda bütün təhlükəsizlik qaydaları beynəlxalq standartlara və yerli Avtoidman Federasiyasının tələblərinə uyğun tətbiq olunmuşdu.

Sözsüz, belə yarışlar qəzasız ötüşmür. Bu yarışda da həmin tendensiya davam etdi. Klassik “Forumla – 1” üzrə Qran-pri yarışlarında idmançılar 2,1 kilometrlik marşrut üzrə 20 dəfə dövrə vurmalı olsalar da, 34 nömrəli bolidin yolun kənarına çırpılaraq sıradan çıxması ilə əlaqədar yürüş vaxtından əvvəl dayandırıldı. Əsas göstəricilərə görə isə almaniyalı Malay Kanthuat qalib gəlib.

Həyəcanlı anlarla müşayiət olunan yarışda hər yaşın nümayəndəsinə rast gəlmək mümkün idi. Lakin əsas üstünlüyü avtomobil həvəskarı olan gənclər təşkil edirdi.
Yarışın izləyicisi 20 yaşlı Hüseyn Cəfərov da öz növbəsində yarışdan böyük zövq aldığını söylədi: “Hər şey əladır. Xüsusilə avtomobillərin mühərrikindən gələn səslər insanı həyəcanlandırır. Favoritim isə BMW markalı avtomobillərdir”.

Həqiqətən, yarış ölkəmizdə böyük maraqla izlənirdi. Bunu yarışa biletlərin qalmaması, insanların izdihamı da sübut edirdi. Nəzərinizə çatdıraq ki, yerindən asılı olaraq biletlərin qiyməti 7 manatla 35 manat civarında dəyişirdi. Dəvətnamə vasitəsilə yarışa qatılan izləyicilər isə “City Challenge”i Abşeron otelinin həyətində hazırlanmış xüsusi məkandan tamaşa edirdilər. Yarışlar səhər saat 10-dan axşam 18-dək davam edirdi.
Dünyanın 120 ölkəsində 300 milyona qədər insanın izlədiyi yarış böyük maraq və uğurla yekunlaşdı.

Əziz avtomobilsevərlər onu da nəzərinizə çatdıraq ki, bu yarışın gələn il də Bakıda təşkil edilmə ehtimalı mövcuddur. Bunu “City Challenge”nin icraçı direktoru Rene de Bur keçirdiyi mətbuat konfransında bildirib: “Hər şey builki yarışlardan asılıdır. Burada insanların münasibətini gördük. Bu bir daha bizə şans verir ki, gələn il bir daha burada yarış keçirə bilək”.

Fəridə Abdıyeva

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.