Citroen rəsmən Azərbaycanda

Просмотров: 770
Citroen rəsmən Azərbaycanda
  • Citroen rəsmən Azərbaycanda
  • Citroen rəsmən Azərbaycanda
  • Citroen rəsmən Azərbaycanda
  • Citroen rəsmən Azərbaycanda
  • Citroen rəsmən Azərbaycanda
  • Citroen rəsmən Azərbaycanda

Ötən ay avtomobil aləmində ən yaddaqalan hadisələrdən biri də məşhur fransız brendi – Citroen-in Azərbaycanda nümayəndəliyinin təntənəli açılması oldu.

Bununla bağlı şirkətin Badamdar şosesi, 1 ünvanında yerləşən salonunda möhtəşəm ziyafət təşkil olunmuşdu. Tədbirə dəvət olunan qonaqlar Citroen markasının bütün model sırası ilə yaxından tanış oldular. Yeni salon Azərbaycanda Citroen markasının yeni standartlarına cavab verən avtomobil mərkəzidir.

Ən yüksək tələblərə və standartlara cavab verən Bakı Motors şirkəti öz müştərilərinə bu iri Fransa konserninin avtomobillərinin satışı, xidməti və təmiri üzrə tam çeşiddə xidmətlər təklif edir.

Avtomobil mərkəzinin hər bir detalı burada keçirilən hər anı maksimum komfortlu və xoş etmək niyyəti ilə hazırlanıb.
Fransız markası üçün ənənəvi olan nəfis üslubda tərtib olunmuş "Citroen Bakı Mərkəzi"ni çəkinmədən Azərbaycanda ən iri ticarət-servis komplekslərindən biri adlandırmaq olar. 
Şou-rumda Citroen avtomobillərinin bütün model sırası, o cümlədən bütün Citroen DS modelləri təmsil olunub.

Şirkətin marketinq və satış müdiri Aqil Quliyev “Avtomobil.az”a müsahibəsində bildirdi ki, avtomobil arzusundasansa, gərək mükəmməlini arzulayasan, elə deyilmi? Texniki işlərin bir əsrlik təcrübəsini, lakonik dizaynı və cəsarətli yeni həll variantlarını özündə cəmləşdirən Citroen avtomobilləri məhz bu cür arzulanan avtomobillərdir. Onlar idarəetmənin sevincini bəxş edir və təhlükəsizliyi təmin edir. Onlar dünyanı daha sadə, yolları daha qısa edir. Ən əsası, onların qiyməti elədir ki, hər kəs yeni Citroen almağı özünə rəva görə bilər.

Hansı avtomobili almaq istəməyinizdən asılı olmayaraq (istər güclü ofrouder olsun, istər komfortlu miniven, istərsə də şəhər ritmində hərəkət üçün səliqəli sedan), onu bizim Bakı Motors salonumuzda tapa bilərsiniz. Biz Citroen-in Azərbaycandakı rəsmi nümayəndəsiyik və bunun sayəsində Citroen-in bestsellerlərindən tutmuş yeni Citroen modellərinə qədər bu markanın avtomobillərinin bütün model sırasını təklif edə bilərik.
Biz Sizi avtomobil mərkəzimizdə görməyə şad olarıq, burada Citroen konserninin ən yaxşı ənənələrinə uyğun gülərüz və keyfiyyətli xidmət həmişə Sizin üçün təmin olunur!

Tədbirdə həmçinin Citroenin MDB üzrə direktoru cənab Pyer Delarbre də iştirak edirdi. Cənab Delabre çıxışı zamanı Azərbaycan bazarının açıq olduğunu və çoxsaylı avtomobil brendlərinin təmsil olunduğunu qeyd etdi. Citroen-in Azərbaycanda uğur qazanacağına inandığını bildirdi.

Sonda onu da qeyd etmək istərdik ki, şirkətdən alınan bütün Citroen modellərinə yürüşündən asılı olmayaraq 2 il zəmanət verilir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.