Chevrolet Traverse 2013: effektiv krossover

Просмотров: 1388
Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover
  • Chevrolet Traverse 2013: effektiv krossover

Təkmilləşdirilmiş Chevrolet Traverse 2013 krossoveri öz sahiblərinə müasir üslublu maksimum məkan və yüksək təhlükəsizlik təklif edir. Salonda üç oturacaq cərgəsi quraşdırılıb, eyni zamanda, hamar döşəməli kifayət qədər iri baqaj bölməsini və idmansayağı məhsuldarlıq nümayiş etdirən müasir benzin mühərrikini qeyd etmək lazımdır. Traverse 2013 krossoverinin dilerlərin satış mərkəzlərində 2012-ci ilin sonunda peyda olması nəzərdə tutulur.

Əvvəlcə krossoverin interyerinə nəzər salaq. Burada üç cərgəli oturacaqlar yetkin yaşlı 8 nəfəri rahatca yerləşdirə bilir. Chevrolet Traverse 2013-ün salonunun üzlüyünə gəldikdə, burada kontrastlı tikişlər, xrom və gümüş aksentli taxta detallar diqqəti cəlb edir. Yeni mərkəzi konsolda 6,5 düymlük sensor ekran quraşdırılıb, o, informasiya-əyləncə sistemi və İnternet-radio ilə təchiz olunub smartfonları dəstəkləyir. Bundan başqa, salonda 12 stəkan altlığı, habelə sərnişinlərin ikinci cərgəsində əyləncə sistemi quraşdırılıb, həmçinin oturacaqların üçüncü cərgəsinə maneəsiz keçid funksiyası da (SmartSlide) nəzərdə tutulub.

Krossoverin kapotunun altında təkmilləşdirilmiş 3,5 litr həcmli 6 silindrli motor quraşdırılıb. Bu mühərrik birbaşa yanacaqçiləmə sistemi və qazbölüşdürmə fazalarının dəyişdirilməsi texnologiyası ilə təchiz olunub. Nəticədə mühərrikin qüvvəsi 288 at gücü, maksimal fırlanma momenti isə 270 Nm təşkil edir. Transmissiyaya gəlincə, avtomobilə altı pilləli sürət qutusu quraşdırılıb (bir sürət pilləsindən digərinə keçidi qısa müddətə həyata keçirmək olur).

İntellektual tam ötürücülü sistem (AWD) avtomobilin rəvan hərəkətini təmin edir. Bu sistem yol örtüyünün vəziyyətindən və təkərlərin fırlanma sürətindən asılı olaraq mühərrikin gücünü ön və arxa təkərlər arasında paylaşdırır. AWD sistemi təkərlərin yerlə möhkəm təmasını (yerdən üzülməməsini) və hətta 2358 kiloqramlıq yedəklə hərəkət zamanı belə, hərəkətin rəvanlığını təmin edir.

Chevrolet Traverse 2013 yüksək səviyyəli təhlükəsizlik nümayiş etdirir. O, ön və yan təhlükəsizlik yastıqları və aşağıdakı funksiya, həmçinin sistemlərlə təchiz olunub:

•    görünməyən zonada avtomobil olduğu barədə sürücüyə xəbərdarlıq edən sistem;
•    aşmaya qarşı müdafiə və oturacaqların bütün cərgələrində başın zədələrdən müdafiəsi;
•    dayanıqlığa elektron nəzarət;
•    arxa görüntü kamerası; 
•    disk əyləcləri (ABS) ilə;
•    uşaq oturacaqlarının bərkidilməsi (fiksasiyası) sistemi;
•    şinlərin hər birində təzyiqə nəzarət və təzyiqin monitorinqi;
•    yoxuşa qalxmaq üçün start götürməyə yardım sistemi (bu sistem qısa müddətə əyləc təzyiqini qoruyub saxlayır və bununla da avtomobilin geri yuvarlanmasına mane olur);
•    OnStar sistemi (bu sistemin köməyi ilə toqquşma zamanı zərərçəkənlərə ilk yardım göstərilməsi üçün  avtomobilin coğrafi yeri təcili yardım mərkəzinə çatdırılır, bu sistem həm də oğurlanmış avtomobilin izlənməsi üçün istifadə edilə bilər).

Chevrolet Traverse 2013 krossoveri Lansinq şəhərində (ABŞ-ın Miçiqan ştatı) hazırlanıb. Alıcılar onu 2012-ci ilin sonundan başlayaraq ala biləcəklər. Avtomobil alıcılara iki tərtibat paketi ilə (1LT/2LT) təklif olunacaq, bundan başqa, onlar ön və arxa ötürücü arasında seçim etmək imkanına malik olacaqlar.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.