Chevrolet Cruze Station Wagon: Avropa üçün amerikan universalı

Просмотров: 1890
Chevrolet Cruze Station Wagon: Avropa üçün amerikan universalı
  • Chevrolet Cruze Station Wagon: Avropa üçün amerikan universalı
  • Chevrolet Cruze Station Wagon: Avropa üçün amerikan universalı
  • Chevrolet Cruze Station Wagon: Avropa üçün amerikan universalı
  • Chevrolet Cruze Station Wagon: Avropa üçün amerikan universalı

Chevrolet özünün populyar modelinin növbəti versiyasını – Chevrolet Cruze Station Wagon universalını Cenevrə avtomobil sərgisində ictimaiyyətə təqdim etdi. Bu, Chevrolet Cruze modeli üçün üçüncü tip kuzovdur. Xatırladaq ki, universaldan əvvəl o, sedan və hetçbek kuzovları ilə buraxılıb.

Universal kuzovlu Chevrolet Cruze ilk növbədə praktikliyi, tutumluluğu, yaraşıqlı dizaynı və əla idarəetməni özündə birləşdirən avtomobil əldə etməyi arzulayan sürücülərə ünvanlanıb. 

Uzunluq ölçüsünə görə Chevrolet Cruze Station Wagon universalı sedan və hetçbek versiyalarından bir qədər böyükdür. Belə  ki, onun uzunluğu 4.678 mm təşkil edir (bu, hetçbekin uzunluğundan 168 mm, sedanın uzunluğundan isə 81 mm çoxdur). Universalın baqaj bölməsinin həcmi sedanınkından böyükdür və pəncərələrin xəttinə qədər 500 litrə, arxa oturacaqların kürək hissəsi qatlandıqda dam örtüyünün səviyyəsinə qədər 1.500 litrə çatır.

Chevrolet Cruze fərqli kuzov tipi ilə yanaşı, həmçinin yeni ön bamper (daha iti əyri xətlərlə və yenilənmiş duman əleyhinə faralarla), habelə tamamilə yeni dizaynlı tökmə yüngül lehimli disklər əldə edib. İnteryerdəki çoxsaylı dəyişikliklər arasında görünüşü bir qədər dəyişmiş mərkəzi konsolu və cihazlar panelini, eləcə də yenidən işlənmiş salondaxili işıqlandırma sistemini qeyd etmək olar. Salonun tərtibatında yeni variantlar tətbiq edilib.
Chevrolet Cruze Station Wagon universalı üçün nəzərdə tutulan mühərriklər sedanla hetçbekə quraşdırılan aqreqatlarla eynidir. Lakin onlardan əlavə, universalın kapotunun altında 1,7 litr həcmli, 130 at güclü yeni VCDi dizel mühərriki peyda olacaq.

Onsuz da qənaətcil olan dizel mühərriki start-stop sistemi ilə təchiz olunub ki, bu da onun yanacaq sərfini daha da azaldır. Bu yeni mühərrik ekoloji göstəricilərinə görə də seçilir. Belə ki, onun atmosferə buraxdığı karbon qazının miqdarı 1 kilometrə 119 qram göstəricisini aşmır.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.