Chevrolet Camaro Convertible EU Version 2012: müasir kabriolet

Просмотров: 2184
Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet
  • Chevrolet Camaro Convertible EU Version 2012: müasir kabriolet

7 illik sükutdan sonra Chevrolet avtomobil həvəskarlarının könüllərini fəth etmiş Camaro Convertible kabrioletinin Avropa üçün nəzərdə tutulmuş daha güclü versiyasını buraxır. Sələflərinin layiqli əvəzçisi olacağı gözlənilən yeni avtomobil təkmilləşdirilmiş asqı, gücləndirilmiş mühərrik, müasir funksiyalar və mükəmməl təhlükəsizlik imkanları ilə təchiz olunub. Chevrolet-nin məhsuldar işinin simvolu olan, 1966-cı ildə işıq üzü görmüş Camaro Convertible yeni dövrə müasir üslubla gəlib çıxsa da, “burun” hissəsinin “V” formasını və əfsanəvi keçmişinin fərqləndirici cizgilərini qoruyub saxlayır. Avtomobilin ön tərəfi sələflərininkindən ksenon faraları və zəhmli nəzərləri xatırladan işıq-diod dairəcikləri ilə seçilir. 

Chevrolet Camaro Convertible 2012 avtomobilinin interyeri sadədir, amma buraya müasir siferblatlar, habelə müasir və dəyişdirici açarlar işıqlandırma əlavə olunub. 1969-cu ildə buraxılmış versiyada olduğu kimi, müasir kabrioletin salonunda sürət pillələrini dəyişmə rıçaqının ön tərəfində dörd sensor qrupu (müasir diod işıqlandırması ilə) yerləşdirilib.

Salonda yeni cihazlar paneli (stereo və klimat-kontrol ilə) quraşdırılıb, idmansayağı sükan audioqurğulara nəzarət imkanları və Bluetooth-la təchiz olunub ki, bu da sürücünün diqqətinin yoldan yayınmamasına şərait yaradır.

Mühərrik
Chevrolet Camaro Convertible 2012 idman avtomobilinin kapotunun altında 6,2 litr həcmli 8 silindrli V8 mühərriki quraşdırılıb. Mühərrikin qüvvəsi 432 at gücü, maksimal fırlanma momenti 569 Nm təşkil edir. Bu güc qurğusunun sayəsində avtomobil 100 km/saat sürəti 5.4 saniyəyə yığır. Qarışıq hərəkət rejimində yanacaq sərfiyyatı 11,5 litr, atmosferə buraxılan karbon qazının miqdarı 304 q/km təşkil edir.

Avtomobilin effektivliyində avtomat transmissiya və mühərrikin aktiv idarəetmə sistemi xüsusi rol oynayır. Lazımi məqamda bu sistem səkkiz silindrdən dördünün işini avtomatik dayandırır (bu, yanacaq qənaətcilliyini 7,5% artırmağa imkan verir) və sürücü qaz pedalını basdıqda silindrlərin hamısını yenidən işə salır. 

Avtomobil xüsusi olaraq işlənib hazırlanmış asqı (o, optimal sərtliyi və əla manevrliliyi təmin edir), habelə 20 düymlük diskləri olan təkərlər və güclü Brembo əyləc sistemi ilə təchiz olunur.

Baza komplektasiyası və avadanlıqlar
Chevrolet Camaro kabrioletinin Avropa versiyası öz sinfinin yeganə təmsilçisidir ki, sürücüyə şinlərdəki təzyiq və yanacaq sərfiyyatının səviyyəsi barədə məlumat verməklə yanaşı, baza komplektasiyasında Head-Up Display (HUD) displeyi ilə təchiz olunur. HUD displeyi hərəkət zamanı bütün əsas informasiyaları sürücünün gözləri önündə əks etdirməklə onun bütün diqqətini yola yönəltməsinə və fikrinin yoldan yayınmamasına kömək edir.

Avtomobilin salonunda şəxsi əşyaların saxlanılması üçün çoxlu bölmələr nəzərdə tutulub. Burada həmçinin altı dinamiki olan 245 vatt gücündə keyfiyyətli Boston Acoustic Premium audiosisteminə rast gəlmək olar. Yeni kabrioletin baza komplektasiyasına avtomatik tutqunlaşdırma funksiyası ilə təchiz olunmuş yan güzgülər, habelə arxa görüntü kamerası daxildir.

Həmişəki kimi təhlükəsizlik məsələsi istehsalçı üçün önəmli məsələdir. Bu səbəbdən Chevrolet Camaro kabrioleti altı təhlükəsizlik yastığı, habelə başın, döş qəfəsinin və çanaq nahiyəsinin müdafiəsi ilə təchiz olunur. Avtomobilin kuzovu yüksək möhkəmliyə malik tökmə metaldan hazırlanıb və toqquşma enerjisini salon boyunca ətrafa yayaraq zərbənin təsirini azaldır, nəticədə sürücü və sərnişinlər mümkün qədər az xəsarət alır.
Chevrolet Camaro ABŞ-da ən çox satılan avtomobillər sırasındadır. Cari ilin aprel ayından isə satışlarına başlanılıb. İngiltərədə yeni Chevrolet Camaro Convertible EU Version avtomobilinin qiyməti 55.000 ABŞ dollarından başlayır. Müxtəlif avtomobil bazarlarında müəyyən qiymət fərqləri ola bilər.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.