CHEVROLET

Просмотров: 3413
CHEVROLET

Lui-Jozef Şevrole İsveçrədə anadan olmuş, sonra isə Fransada yaşayıb işləmişdir, onun soyadı “Çevrole” (Chevrolet) kimi deyil, fransız dilli ölkələrdə deyildiyi kimi “Şevrole” kimi tələffüz olunmalıdır. Avtomobil idmanı ilə məşğul olmağa başladıqdan sonra Lui-Jozef Kanadaya, oradan isə ABŞ-a mühacirət etdi. Bu ölkədə o, U. Dyurantla birlikdə 1911-ci ildə “Şevrole” avtomobilqayırma firmasını qurur. Doğrudur, o, həmin firma ilə çox az – cəmi iki il əməkdaşlıq etdi və şamların istehsalı ilə məşğul olan “Çempion” firmasına getdi.

Sonralar 1917-ci ildən başlayaraq “Şevrole” firması “General Motors” korporasiyasının tərkibinə daxil oldu. Onun məhsulları kompaniyanın ən ucuz və ən kütləvi minik avtomobillərindən, habelə ofrouderlərdən, minivenlərdən, mikro-avtobuslardan, yüngül yük maşınlarından və furqonlardan ibarət idi.

“Şevrole” markalı avtomobillər təkcə ABŞ-da deyil (orada ildə 760-800 min “Şevrole” avtomobilləri buraxılır), həm də Kanadada (300 min), Braziliyada (260 min) və Meksikada (80 min) buraxılır.

Firmanın sahibləri firmanın emblemi dəfələrlə dəyişdirmiş, lakin sonda yenə də əvvəlki təsvirə qayıtmışlar. L. Şevrole isveçrəli olduğuna görə bu ölkənin bayrağına xas olan qırmızı fonda ağ xaç firmanın əmtəə nişanının əsasını təşkil edir. Bir qədər forması dəyişdirilmiş ağ xaçın yanında markanın adı daha göstərilmir, çünki məşhurlaşmış “Şevrole” markasının buna ehtiyacı yoxdur.

Şərhlərin sayı: 0

AVATAR
Hələ heç kim şərh verməyib. Birinci siz olun.