Caspian Motor-Show 2012

Просмотров: 1234
Caspian Motor-Show 2012
  • Caspian Motor-Show 2012

İyulun 13-dən 15-dək Azərbaycan Avtomobil Dilerləri Assosiasiyası (AADA)“Autograph” teleproqramı (Lider TV) “Caspian Motor-Show 2012” avtomobil sərgisi təşkil edəcəklər. Xatırladaq ki, artıq ənənə halını almış “motor-şou” doqquzuncu dəfə təşkil olunur və “Avtomobil dünyası, avtomobillər aləmi” devizi altında keçirilir. Tədbirin məqsədi dünya avtomobil istehsalı sənayesinin ən yaxşı nümunələrini təqdim etmək, sivil avtomobil bazarının inkişafına, yay dövründə rəsmi dilerlərin satışlarının həcminin artırılmasına yardım etmək, texniki idman növlərini təbliğ etmək, əhalinin asudə vaxtının və istirahətinin mənalı keçirilməsini təşkil etmək, Azərbaycanda avtomobil turizmini inkişaf etdirməkdir.

Sərgi iştirakçıları – avtomobillərin rəsmi dilerləri və idxalçıları sərgidə avtomobillərin alışı ilə bağlı müxtəlif endirim kampaniyaları və xüsusi təkliflərlə çıxış edəcəklər ki, bununla da Caspian Motor-Show 2012 özünəməxsus “avtomobil yarmarkasına” çevriləcək. Sərgidə bir neçə parlaq avtomobil premyeraları gözlənilir. Motor-şouda ehtiyat hissələrin və aksessuarların rəsmi dilerləri və idxalçıları da iştirak edəcəklər.

Caspian Motor-Show çərçivəsində diler şirkətlərin menecerlərinin iştirakı ilə AADA-nın illik konfransının keçirilməsi planlaşdırılır. Gündəlikdəki məsələlər bazarın təhlili və proqnozlaşdırılması məqsədi ilə satışların həcmi barədə informasiya mübadiləsinin aparılması sahəsində avtodilerlərin əməkdaşlığına, reklam etikası ilə bağlı məsələlərə və s.-ə aiddir.

Ənənəyə görə, “motor-şou” çərçivəsində “Qızıl çarx” mükafatının təqdimat mərasimi də keçiriləcək. Bu mükafat 2003-cü ildə təsis edilib və hər il 12 nominasiyada rəsmi avtomobil bazarı təmsilçilərinə təqdim olunur. “Qızıl çarx” özünəməxsus “avtomobil Oskarı”dır, o, bir avtomobil təkəri üzərində iti sürətlə gələcəyə doğru şütüyən işgüzar adamın kiçik heykəlciyidir.

“Qızıl çarx” mükafatı təqdim edilməzdən əvvəl AADA tərəfindən aparılan xüsusi ekspert sorğusu keçiriləcək. Mükafatların yarısı “İlin avtodileri”, “İlin avtoservisi”, “İlin debütü”, “İlin təklifi”, “İlin ən yaxşı marketinq strategiyası” və “İlin tərəqqisi” nominasiyalarında avtodilerlərə təqdim olunur. Qalan mükafatlarla isə bilavasitə avtomobillər mükafatlandırılır, hərçənd ki, həmin mükafatları yerli bazarda yeni avtomobillər təqdim etmiş rəsmi dilerlərin özləri alırlar. Qaliblər bu nominasiyalarda müəyyən olunur: “İlin minik avtomobili”, “İlin ofrouderi”, “İlin kompakt ofrouderi”, “İlin idman kupesi”, “İlin ailə avtomobili”, “İlin kommersiya avtomobili”. Bütün əvvəlki illər ərzində ilin avtomobillərinin müəyyən edilməsi prosesində İnternet istifadəçiləri də iştirak ediblər. Bu il qərara almışıq ki, qalibləri avtomobil jurnalistləri və onların oxucuları seçsinlər. Seçmənin əsaslandığı meyarlar dəyişməz olaraq qalır: dizayn, komfort, təhlükəsizlik, təchizat, innovativlik, dinamika xarakteristikaları, idarə olunma və qiymət-keyfiyyət nisbəti...

Əvvəlki praktikadan fərqli olaraq, “Qızıl çarx” uğrunda marafonda təkcə tamamilə yeni modellər deyil, həm də restaylinq olunmuş və hətta yeni mühərrik əldə etmiş avtomobillər yarışa bilərlər, başlıcası budur ki, onlar bazara rəsmən yerli nümayəndə tərəfindən çıxarılmış olsunlar.
Bu “motor-şou”nun unikallığı ondan ibarətdir ki, o, Xəzər sahilində, əhalinin ən populyar istirahət yerlərində keçirilir.

Bu il Caspian Motor-Show ilk dəfə populyar istirahət və əyləncə mərkəzi “Atlant”da keçiriləcək. Bu mərkəz təbiətin gözəl guşəsində, dənizlə meşə arasında yerləşməsi, dəbdəbəli oteli, rahat kottecləri, çoxsaylı restoran və kafeləri, 100-dən artıq adamı qəbul edən diskotekası və əlbəttə ki, iri “akva-parkı” ilə məşhurdur. Burada sırf avtomobil əyləncələri də var: kartinq və “monstr-trak”larda ötüşmə yarışı. İndi onlara əsl avtomobil bayramı da əlavə olunacaq.

“Caspian Motor-Show 2012”nin təntənəli açılışı iyulun 16-da saat 19.00-da başlayacaq. Həmin vaxtadək bütün avtomobillərin üstü simvolik örtüklə örtüləcək. Proqrama əsasən, forumun hər bir iştirakçına imkan veriləcək ki, öz məhsulunun mini-təqdimatını təşkil etsin və brifinq keçirsin.

“Motor-şou” çərçivəsində “Miss-Avto 2012” gözəllik müsabiqəsi keçiriləcək (çimərlik kostyumlarında). Bundan başqa, cip-trial üzrə nümunəvi idman yarışları, Bakı bayker klublarının “fri-stayl” yarışları, kartinq yarışları və s. keçiriləcək. Sərginin ziyarətçiləri arasında bir saatdan bir avtomobil mövzusunda viktorinalar keçiriləcək, qaliblər sponsorlardan mükafatlar alacaqlar: Eni-dən motor yağları və Turtle Wax-dan avtokosmetika.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.