“Car of the Year” (“İlin avtomobili”)

Просмотров: 639
“Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)
  • “Car of the Year” (“İlin avtomobili”)

Nüfuzlu Avropa müsabiqəsi olan “Car of the Year” (“İlin avtomobili”) müsabiqəsinin finalçısı olmuş yeddi model arasında Opel Ampera (o həm də Chevrolet Volt kimi tanınır) rəqiblərini geridə qoydu.

Xatırladaq ki, yeddi finalçı sırasına Opel Ampera ilə yanaşı, bu modellər çıxmışdı: Citroen DS5, Fiat Panda, Ford Focus, Range Rover Evoque, Toyota YarisVolkswagen up! Avropanın 23 ölkəsinin avtomobil nəşrlərini təmsil edən 59 jurnalistin daxil olduğu nüfuzlu münsiflər heyəti yekunda “yaxşıların yaxşısını” müəyyənləşdirdi və Almaniyanın Opel kompaniyasının və Amerikanın General Motors korporasiyasının birgə məhsulu olan hibrid Ampera (Volt) modelini birinciliyə layiq gördü. Qeyd edək ki, ekoloji cəhətdən təmiz avtomobillərə üstünlük verilməsi Avropa qitəsi üçün ənənəyə çevrilir. Belə  ki, ötən il də bu müsabiqədə bütünlüklə elektrik enerjisi ilə işləyən Nissan Leaf qalib gəlmişdi. Atlantik okeanın o tayında da “yaşıl” avtomobillər ilin ən yaxşı avtomobili adı uğrunda müsabiqələrdə getdikcə daha çox mükafata layiq pillələr tuturlar. Bunu belə bir fakt da sübut edir ki, hazırkı avropalı qalibin “əkizi” Chevrolet Volt 2011-ci ildə “Şimali Amerikada ilin ən yaxşı minik avtomobili və ofrouderi” müsabiqəsinin qalibi olub və eyni zamanda, həmin ilin mükafatçısı olmuş avropalı Nissan Leaf elektromobilini geridə qoyaraq “İlin yaşıl avtomobili” müsabiqəsində birinci yeri tutub.

“Car of the Year” müsabiqəsində Volkswagen də uğur qazanıb: up! modelinə “Dünyada ilin ən yaxşı kompakt avtomobili” mükafatı verilib. Volkswagen istehsalı olan bu kompakt şəhər avtomobili finalda iki digər rəqibi üzərində qələbə qazanaraq əsas beynəlxalq mükafata layiq görülüb.

Yeni nəsil Porsche 911 avtomobili “İlin ən yaxşı idman avtomobili” nominasiyasında qalib gəlib. Final mərhələsində onun rəqibləri Lamborghini Aventador LP 700-4 və McLaren MP4-12C idi.

Range Rover Evoque dizayn yarışmasında qalib elan olunub. 46 namizəd arasında birinci üçlükdə Citroen DS5 Volkswagen up! yer alıb.

Mercedes-Benz S 250 CDI BlueEFFICIENCY münsiflər heyəti tərəfindən planetin ən “yaşıl” avtomobili kimi tanınıb. O, bu nominasiyada Ford Focus Electric Peugeot 3008 Hybrid modellərini qabaqlamağa nail olub.

Yuxarıda qeyd edildiyi kimi, 2011-ci ildə Nissan Leaf elektromobili dünyanın ən yaxşı avtomobili elan olunmuşdu. İlin sportkarı adına Ferrari 458 Italia kupesi layiq görülmüşdü. Ən yaxşı dizayna görə mükafat Aston Martin Rapide modelinə qismət olmuşdu. Ən ekoloji avtomobil adını isə Chevrolet Volt hibridi qazanmışdı.
Sonda qeyd edək ki, nüfuzlu mükafat Nyu-Yorkda keçirilmiş beynəlxalq avtosalon çərçivəsində aprelin 5-də sahibinə təqdim edilib.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.