Cadillac Escalade: Ikinci əl (2001-2006)

Просмотров: 5368
Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)
  • Cadillac Escalade: Ikinci əl (2001-2006)

Cadillac Escalade qədər sırf amerikan avtomobilini təsəvvür etmək çətindir. Onu həm repçilər, həm polislər, həm də gözəl əşyalara maraq göstərən güclü cinsin digər nümayəndələri sevirlər...

Escalade modeli Cadillac həvəskarları arasında hələ ikinci versiyadan (2001-2006) başlayaraq populyarlıq qazanmışdı. Bu versiya GMC Yukon Denali-nin tam analoqu olan birinci nəsil Escalade-dən altı silindrli mühərriki və eksteryerinin, həmçinin interyerinin özünəməxsus dizaynı ilə fərqlənirdi. Üçüncü nəsil Cadillac Escalade avtomobillərini 2007-ci ildən (faktiki olaraq 2006-cı ilin sonundan) buraxmağa başladılar. Sələfləri kimi, onun da aqreqatları Chevrolet Tahoe modelinin bazasında hazırlanıb.

Üçüncü nəsil Cadillac Escalade avtomobilinin arsenalında 6,2 litr həcmli modernləşdirilmiş Vortec mühərriki var. Qazbölüşdürmə fazalarının dəyişdirilməsi funksiyası ilə təchiz olunmuş bu mühərrikin qüvvəsi 403 at gücü, fırlanma momenti 565,4 Nm-dir. Bu mühərriklə avtomobil təxminən 8 saniyəyə 100 km/saat sürət yığa bilir. Avtomobil 100 km məsafəyə 20-22 litr yanacaq işlədir. Amma o, silindrlərin bir qisminin işini dayandıran sistemlə təchiz olunub ki, bunun sayəsində avtomobil daimi gərginlik altında bərabər qaydada hərəkət edərkən səkkiz silindrdən yalnız dördü istifadə olunur. Şəhər nəqliyyat axınında bu funksiya mahiyyət etibarilə faydasızdır. Amma trasda o, yanacağa qənaət etməyə imkan verir, xüsusən kruiz-kontrol rejimində yanacağa 9 litrədək qənaət etmək olur.

Kiçik bir problemdən, yəni drossel qapağının bir qədər “ilişməsindən” savayı, mühərrikə hər hansı irad yoxdur. Drosseldəki problem ya ötürücünü təmizləməklə və öyrədici test keçməklə, ya da ən pis halda problemli detalı dəyişdirməklə həll olunur. Kifayət qədər vəsait tələb edən detallar arasında platindən hazırlanan orijinal yandırıcı şamları qeyd etmək olar. Onların əvəzlənmə intervalları yalnız işlədilən yanacağın keyfiyyətindən asılıdır. Hər halda onları orta hesabla 20 min kilometrdən bir dəyişmək lazım gəlir.

Dörd pilləli avtomat transmissiya (4L60-E modeli) zamanın sınağından çıxmış və müxtəlif nasazlıqları çoxdan dəf etmiş aqreqatdır. O, yalnız reqlamentə əməl olunmasını və yağı hər 35-45 min kilometrdən bir dəyişməyi tələb edir. Eyni zamanda, bütün tükənən materiallar da dəyişdirilməlidir: filtr, təmizləyici, Dexron VI və s. Escalade-nin restaylinq olunmuş versiyasına müasir altı pilləli 6L80-Е avtomat transmissiyası quraşdırılıb. Bu transmissiya elektron idarəetmə və qoşqunun yedəyə alınması rejimi ilə təchiz olunub. O, etibarlı aqreqatdır və reqlamentə əməl olunduqda heç bir problem yaratmır. Paylayıcı qutu əvvəlki versiyalarda olduğu kimi saxlanılıb. Adətən o yalnız yağın mütəmadi dəyişdirilməsini tələb edir.

Xoş sürprizlərə gəlincə, köhnəlmiş inteqrallı sükan reduktorunu reykalı sükan idarəetməsi əvəz edib ki, bu da sükanın hərəkətlərinə avtomobilin daha cəld reaksiya verməsinə kömək edir. Ağır ofrouderdə bu əvəzetmənin etibarlılığına tərəddüdlə yanaşanların şübhələri zaman keçdikcə dağıldı. Belə ki, sükan reykası təcrübədə özünü doğrultdu. Onda nasazlıqların baş verməsinə nadir hallarda rast gəlinir. Hətta onu dəyişmək lazım gəlsə belə, onun dəyəri eyni sinfə mənsub olan avtomobillərin sükan reykalarının qiyməti ilə müqayisədə avtomobil sahibini yaxşı mənada təəccübləndirəcək.

Müstəqil çoxrıçaqlı asqı amerikan ofrouderinin havada uçurmuş kimi rəvan hərəkət etməsini təmin edir. Amortizatorların pnevmatik elementlərinin istismar müddəti əvvəlki modellərlə müqayisədə daha çoxdur (ən azı 60 min kilometr). Qeyd etmək lazımdır ki, avtomobilin amortizatorlarını pnevmoelementləri olmayan daha ucuz amortizatorlarla dəyişmək istəsəniz, dinamik stabilləşdirmə sistemi işləməyəcək. 50 min kilometr məsafədən başlayaraq yuxarı və aşağı kürəvi dayaqlarda kənarlaşmalar meydana çıxa bilər.

Diskli əyləc sistemi bütün təkərlər üçün ABS və əyləclərin vakuum gücləndiricisi ilə təchiz olunub. Nə qədər qəribə olsa da, arxa əyləc diskləri qabaqdakılara nisbətən daha tez sıradan çıxır. Şəhər yollarında hərəkət şəraitində bu artıq 40 min km məsafədən sonra, avtomobil əsasən trasda istifadə olunduqda isə 60 min km məsafədən sonra baş verir.
Düzbucaqlı formasında oyuqları olan iri radiator barmaqlığı, kuzovun aydın xətləri və çoxsaylı xromlanmış detallar avtomobilə orijinal və aqressiv görünüş verir. Bununla belə, kandarlar və qabaq bamperin altındakı “önlük” hətta kiçik səkiyə çıxmağa da mane olur və avtomobilin geometrik keçid qabiliyyətini məhdudlaşdırır.

Escalade-nin salonu komfortludur, ön oturacaqlar geniş və rahatdır, çoxsaylı tənzimləmələrlə təchiz olunub. Ürəyəyatımlı xırda detalların çoxluğu və keyfiyyətli müasir multimedia sistemi böyük məsafələri maksimum komfortla dəf etməyə imkan verir. Təəssüf ki, arxa divan kürək hissənin maillik bucağının dəyişdirilməsi funksiyası ilə təchiz olunmayıb. Mühərrik, transmissiya və digər sistemlərin idarəetmə modullarının proqram təminatının mütəmadi təzələnməsi az məsrəf tələb edən, amma önəmli olan məsələlərdəndir. GM konserni yaranan problemləri diqqətlə izləyir və proqram təminatını operativ surətdə korrektə edir ki, bu da istismarın keyfiyyətinə müsbət təsir göstərir. Ümumiyyətlə, qeyd etmək lazımdır ki, Cadillac Escalade (“lüks” sinfinə aid olan bahalı ofrouder) əsl avtomobil həvəskarı üçündür, qiymətinə və istismar baxımından etibarlılığına görə isə eyni sinfə aid olan digər avtomobillərlə müqayisədə xeyli üstünlüklərə malikdir.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.