Cadillac Escalade: ƏSL AMERİKAN ARZUSU

Просмотров: 3157
Cadillac Escalade: ƏSL AMERİKAN ARZUSU

Xromlanmış iri disklər üzərində şütüyən, günəş şüaları altında bərq vuran qara Escalade avtomobili Amerikanın sənətə yeni başlayan reperlərinin, gələcək idman ulduzlarının və Amerika əhalisinin hələ dünyaya bütün imkanlarını sübut etməmiş digər sosial qruplarının arzusudur...

Escalade modelinin pərəstişkarları Azərbaycanda da var: ölkəmizdə Escalade rəsmən satılana qədər artıq məşhur idi. Özü də Escalade barəsindəki müsbət fikirlər heç də reklam xarakteri daşımır və onun xoşbəxt
sahiblərinin səmimi duyğularını əks etdirir.
Avtomobilin ölçüləri istər Amerikada, istərsə də Azərbaycanda əhəmiyyət kəsb edir. Azərbaycanda iri ölçülər digər çatışmazlıqları kompensasiya etmək üçün ən yaxşı amildir. Avropada isə əksinə, iri sedanlara və ofrouderlərə sürücülər arasında tələbat daha azdır.

Onlar qənaətcil olmadıqlarına görə çoxlu avro “yeyirlər”, üstəlik ətraf mühitə çoxlu zərərli tullantılar buraxırlar. Bundan başqa, qarşı-qarşıya gələn iki Escalade avtomobilinin Avropanın dar küçələrinə yerləşməsi heç də həmişə mümkün olmur. Avtomobilin səkiyə və ya digər kiçik maneələrin üzərinə asanlıqla çıxmaq baca
rığı isə Qərb üçün maraqlı deyil.
  Avropada belə məqamlara görə sürücünü cərimələyirlər və ümumiyyətlə, bu cür hallara orada rast gəlməzsən.  
Bizim küçələrdə Escalade modelinin gerbli məğrur radiator barmaqlıqlarını və bir cüt trapesiya formalı sərt ksenon lampalarını öz avtomobillərinin güzgüsündən görən sürücülərin çoxu sağa meyillənərək ona yol verməyə tələsirlər.

Bəlkə də məhz elə buna görə Escalade almaq istəyənlərin sayı çoxdur... Ofrouderlər arasında daha iti sürətlə hərəkət edənlər də var, amma əvəzində 6,2 litr həcmli V8 mühərriki xeyli yanacaq “yeyir”. Özü də bu cür mühərrik quraşdırılmış avtomobilin iştahası böyükdür. Belə ki, mühərrik işə salınandan 10 dəqiqə sonra avtomobilin bort kompüterinin göstəricisi belə idi: 100 kilometrə 45 litr yanacaq! Amma bu sözlər tamamilə yeni nüsxələrə aiddir, belə ki, avtomobili bir müddət sürdükdən sonra yanacaq sərfinin göstəricisi ağlabatan həddə qədər enir.
 
Escalade üçün bu hədd 100 kilometrə 20-25 litr təşkil edir. Alüminium xəlitəsindən hazırlanmış 403 at gücünə malik mühərrik təkcə sürətlə boşalan 100 litrlik çənlə deyil, həm də qazbölüşdürmə fazalarını idarə edən sistemlə təchiz olunub. Bu mühərrik çəkisi təxminən 3 ton olan bu azmanın 7,5 saniyəyə 100 km/saat sürət yığmasını təmin edir. Həqiqətən bu nəhəngin belə cəld olmasına adam inana bilmir...

Doğrudur, avtomobilin sürət yığması üçün sağ pedalı kifayət qədər bərk basmaq lazım gəlir. Qaz pedalını tədricən basdıqda mühərrikin sərf etdiyi güc sürücünü qane etmir, ötmə manevri isə arzu ediləndən daha artıq vaxt aparır. Bu, təbii haldır, axı ofrouderin çəkisi 2.600 kiloqramdır! 
Yeri gəlmişkən, avtomobilin artıq çəkisindən təkcə sürətyığma dinamikası deyil, əyləcin dinamikası da əziyyət çəkir.     Sağ pedalla da sol pedal kimi sərt davranmaq lazımdır, əks halda dayanmaq istədiyiniz yeri ötüb keçə bilərsiniz.

Yeni altıpilləli Hydra-Matic avtomat transmissiyası 6,2 litr həcmli yeni mühərriklə tandemdə işləyir. Transmissiyanın işinə söz ola bilməz: bir sürətdən digərinə keçid rəvan şəkildə, hiss olunmadan və pauzasız baş verir.  

Driver Shift Control sisteminin sükan sütununda yerləşən düymələrinin köməyi ilə transmissiyanı yarımavtomat rejimində idarə edərək sürətləri müstəqil surətdə dəyişmək mümkündür. Amma bəzi sürücülərin fikrincə Escalade-də bu cür sistemə ehtiyac yoxdur... 

Cadillac Escalade avtomobilində aktiv təhlükəsizliyə görə aşağıdakı sistemlər cavabdehdir: təkərin hərəkətsiz fırlanması əleyhinə sistem, StabiliTrak dinamik stabilizasiya sistemi və elektron idarəetmə ilə təchiz olunmuş Road Sensing Suspension
sistemi.

Bu avtomobilə qarşı iradlar yalnız yol şəraiti pis olan sürüşkən yerlərlə bağlıdır: belə yollarda şinlərin kooperasiyasının və stabilizasiya sisteminin qaneedici səviyyədə olmaması döngələrdə avtomobilin sürüşərək hərəkət istiqamətindən kənarlaşmasına səbəb ola bilər.
Əvəzində asfalt yolda təcili əyləcləmə rejimində ABS sistemi supportların effektiv səylərini son dərəcə dəqiq seçə bilir. Hamar və rəvan yolda avtomobil stabil və inamla hərəkət edir. Yol örtüyündən xeyli hündürdə əyləşmiş sürücü və ya sərnişin özünü rahat hiss edir.

Yolda Cadillac-ın yanınca kiçik avtomobillərlə yanaşı kifayət qədər iri avtomobillər də hərəkət edir, amma Cadillac-ın salonundan onlar çox kiçik görünür... Qeyd edək ki, Cadillac-ın içərisində arxa divan ən optimal yerdir. 

Salonun arxa hissəsinin (arxa divanın) əsas üstünlüyü isə arxa asqıdadır.

amortizatorların yol profilindəki dəyişikliklərə dərhal reaksiya verməsinə imkan yaradır, nəticədə yoldakı istənilən nahamarlıqlar avtomobilin ön hissəsinə nisbətən arxa hissəsində daha az hiss olunur.   

Arxa tərəfdə yetkin yaşlı üç sərnişin rahatca yerləşə bilər. Səfər zamanı onların darıxmaması üçün tavanda displey quraşdırılıb. DVD-pleyerin və ya televizorun siqnalı vasitəsilə bu displeyə çıxarılan görüntülər sərnişinləri darıxmağa qoymaz.

Amerikada Escalade bir növ milli avtomobil sənayesinin rəmzidir, “Amerikan arzusu”nun ölməzliyinin sübutudur. Avropada bu cür Cadillac-ı əldə etmək başqalarından fərqlənməyin yaxşı üsuludur: yolda ikinci belə avtomobilə nadir hallarda rast gəlmək olar.

Avtomobil General Motors-un rəsmi dileri olan Performance Centre şirkəti tərəfindən təqdim olunub. İri avtomobil almaq üçün səbəblər həmişə mövcuddur.
 

© 2008 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.