Cadillac ATS 2013: çoxdan gözlənilən sedan

Просмотров: 1428
Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan
  • Cadillac ATS 2013: çoxdan gözlənilən sedan

General Motors konserninin tərkibinə daxil olan amerikan avtomobil istehsalçısı Cadillac Detroyt-2012 beynəlxalq avtomobil sərgisində 2013-cü model ilinin avtomobili olan orta ölçülü Cadillac ATS sedanının seriya ilə buraxılacaq versiyasını ictimaiyyətə nümayiş etdirdi. Buraxılışı çoxdan gözlənilən sedan öz seqmentində BMW 3-cü Seriya, Audi A4Mercedes-Benz C-Class kimi aparıcı modellərə rəqib olacaq. Artıq yayın əvvəlində Cadillac ATS Şimali Amerika avtomobil bazarında peyda olacaq, bir qədər sonra isə avropalılar da onu əldə edə biləcəklər.

Cadillac ATS sedanı markanın ümumi dizayn üslubunda hazırlanıb və zahirən şirkətin flaqman sedanı XTS-i xatırladır. Hər iki model ön tərəfinin üslubu baxımından bir-birinə bənzəyir, onların hər ikisində radiator barmaqlığı trapesiya formasındadır, əsas faralar yanlara doğru uzanır, arxa fənərlər isə dar vertikal formadadır. Qabaq spoyler və səsboğucu sistemin borularının xromlanmış ucluqları yeni ATS 2013-ə idmansayağı görkəm verir. 18 düymlük yüngül lehimli diskləri avtomobilin iti sürətli və dinamik görünüşünü tamamlayır. Qeyd edək ki, amerikan avtomobili qabaritlərinə görə avropalı rəqiblərinə nisbətən bir qədər böyükdür.

Cadillac ATS-in interyeri xarici görünüşü qədər ekssentrik olmasa da, erqonomika və dizayn işi ən yüksək səviyyədir. Salon iki rəngli keyfiyyətli dəri ilə işlənib, həmçinin dekorativ ağac elementlərindən istifadə edilib. Avtomobilin baza versiyasının təchizatı zəngindir. Belə ki, baza komplektasiyasına bunlar daxildir: ən yeni multimedia sistemi (İnternetə çıxış imkanı və 8 düym diaqonallı sensor ekranla), Bose premium-klass audiosistemi, Bluetooth, görünməyən zonalara nəzarət sistemi və adaptiv baş faralar.
Sedan yeni arxa ötürücülü platformada hazırlanıb və çəkinin oxlar arasındakı bölgüsü ideal nisbətə yaxındır: 51/49. Ön tərəfdə McPherson tipli asqı və arxada beşrıçaqlı müstəqil asqı avtomobilin əla idarə olunmasını təmin edir. Yuxarıda qeyd edilənlərdən əlavə, Cadillac ATS avtomobili Magnetic Ride Control adaptiv idman asqısı ilə, Brembo əyləcləri, yüksək sürtünmə differensialı və tam ötürücü ilə təchiz edilə bilər.
Avtomobil üç benzin mühərriki ilə təklif olunur. Baza versiyasına dörd silindrli, 2,5 litr həcmli, 200 at güclü atmosfer motoru quraşdırılır. Güc aqreqatları sırasında həmçinin 2,0 litr həcmə və 270 at gücünə malik turbinli və 3,6 litr həcmə və 318 at gücünə malik V6 aqreqatlar da var.

Bir müddət sonra mühərriki 450 at gücünə malik olan top-modifikasiya da işıq üzü görəcək. Avtomobil altı pilləli avtomat və ya mexaniki transmissiya ilə təchiz olunur. Onlar yuxarıdakı üç mühərrik versiyasının hər biri ilə tandemdə işləyə bilər.

© 2010 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.