BMW M6 Gran Coupe: tezliklə satışda

Просмотров: 2758
BMW M6 Gran Coupe: tezliklə satışda
  • BMW M6 Gran Coupe: tezliklə satışda
  • BMW M6 Gran Coupe: tezliklə satışda
  • BMW M6 Gran Coupe: tezliklə satışda
  • BMW M6 Gran Coupe: tezliklə satışda
  • BMW M6 Gran Coupe: tezliklə satışda
  • BMW M6 Gran Coupe: tezliklə satışda

Bu yaxınlarda mətbuatda gələcək BMW 4-er Gran Coupe modeli barədə məlumatlar getmişdi, bu yaxınlarda isə almanlar dördqapılı M6 modelinin rəsmi təsvirlərini nümayiş etdirdilər.

Beləliklə, artıq yanvar ayından BMW 6-cı Seriya bütün modifikasiyalarla təmsil olunacaq. Bu modifikasiyalar sırasında məhz gücləndirilmiş Gran Coupe versiyası çatışmırdı. Bu avtomobil BMW-nin tarixində ən sürətli sedandır. Texniki cəhətdən o, ikiqapılı versiyalardan heç nə ilə fərqlənmir. Burada da kapotun altında 560 at gücünə malik (fırlanma momenti 680 Nm) səkkiz silindrli iki turbinli mühərrik quraşdırılıb. Mühərriklə cütlük təşkil edən iki bəndləyicili yeddipilləli robotlaşdırılmış transmissiya mühərrikin dartı qüvvəsini arxa təkərlərə ötürür. Yeni modelin dinamika xarakteristikaları ikiqapılı versiyalarda olduğu kimidir, yəni Gran Coupe-nin 100 km/saat sürət yığmasına 4,2 saniyə tələb olunur. Maksimal sürət həddi elektronika ilə məhdudlaşdırılıb və 250 km/saat təşkil edir. Lakin opsional M Driver’s Package paketi sayəsində bu məhdudiyyəti bir qədər götürərək maksimal sürət həddini 305 km/saata çatdırmaq olar.

Almanlar vəd edirlər ki, qarışıq hərəkət rejimində hər 100 km məsafəyə yanacaq sərfiyyatı 9,9 litr təşkil edəcək. Əvvəllər məlumat verilirdi ki, М6 Gran Coupe modeli М Sport avtomobilləri arasında ən güclü model olacaq. Güman edilirdi ki, iki turbokompressorun sayəsində 4,4 litr həcmli V8 mühərrikinin potensialını 600 at gücünədək artırmaq mümkün olacaq. Amma görünür, şirkət bu artımın gerçəkləşdirilməsini tüninq atelyelərinin öhdəsinə buraxmağı qərara alıb. Belə ki, sonuncular bu güc göstəricisini daha da artıra bilərlər.

Avtomobilin xarici görünüşünə gəlincə, dördqapılı М6 Gran Coupe modeli üç iri havaçəkəni olan fərqli bamperlə, karboplastikadan hazırlanmış "ətəklərlə" və diffuzorla, habelə tullantı sisteminin dörd borusu və 20 düymlük М Sport təkər diskləri ilə təchiz olunub. Bütün bu mənzərəni isə əlavə ödəniş müqabilində təklif olunan və qızılı supportlarla təchiz olunan qızılı rəngli karbokeramik əyləc diskləri tamamlayır. Yeni avtomobilin ilk nüsxələri yayda satışa daxil olacaq.

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.