BMW İnnovasiya Günləri: Xəyalları reallığa çevirən şüurlu avtomobillər

Просмотров: 2307
BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər
  • BMW İnnovasiya Günləri: Xəyalları reallığa çevirən şüurlu avtomobillər

BMW AG-nin ölkəmizdə rəsmi idxalçısı İmprotex Motors BMW həvəskarlarının qabaqcıl texnologiyalar və yeniliklər ilə əyani tanış olmaları üçün Mərdəkanda Golden Beach istirahət mərkəzində BMW İnnovasiya Günləri keçirdi.

BMW İnnovasiya Günlərində markanın model cərgəsindən 6-sı təmsil olunurdu. Üç gün davam etmiş aksiyada istirahət mərkəzində dincələn markanın həvəskarları və vəfalı müştəriləri şirkətin mütəxəssislərinin izahı ilə onların texniki imkanları barədə geniş məlumat alıblar.

“Həmişə avtomobillər daha çox xarici görünüşü ilə diqqət mərkəzində olur, onların texniki imkanlarına dərindən fikir verilmir. BMW-nin ənənəvi şəkildə innovasiya günlərini təşkil etməkdə əsas məqsədi insanlara ən son texnologiyalar haqqında məlumat verməkdir”, - şirkətin marketinq müdiri Fərid Abdullayev bildirib.

Fərid Abdullayevin sözlərinə görə, BMW patentləşdirdiyi bir sıra innovasiyaları ilə öyünür. Onlardan ən başlıcası “EfficientDynamics” konsepti əsasında hazırlanan yeni nəsil mühərriklərdir.

“BMW EfficientDynamics” zərərli qazların emissiyasını və yanacaq sərfiyyatını böyük həcmdə azaldan, eyni zamanda, performansı artıran ağıllı xüsusiyyətlərə malikdir. Yüksək Həssaslı İnjektor (HPI) və “TwinTurbo” sistemi hava və yanacaq qarışığına nəzarət edir, yanma otağına daha az yanacağın ötürülməsini və buna qarşı daha çox güc əldə olunmasını təmin edir. Həmçinin mühərrik bloku tamamilə alüminiumdan istehsal olunduğundan onun çəkisi azalıb və nəticədə avtomobilin çevikliyi artdığından daha az yanacaqla daha çox güc hasil olunur. “EfficientDynamics” sistemi sürücü ayağını qaz pedalından çəkən zaman enerjinin boşa getməsinin qarşısını alır, enerji elektrik enerjisinə çevrilərək akkumulyatorun yüklənməsinə sərf olunur.

Eyni zamanda, diyirlənməyə qarşı müqaviməti azaldılmış şinlər, radiatordan hava girişinə nəzarət və avtomobilin ağıllı yüngül quruluşu sayəsində daha az yanacaq sərfiyyatına nail olunur.

BMW-nin inkişaf etdirdiyi və yeni nəsil avtomobillərində tətbiq etdiyi “Head-Up Displey” sistemi də ziyarətçilərin böyük marağına səbəb olmuşdu. Bu sistem sürət, yanacaq, naviqasiya və s. barədə məlumatları ön şüşədə əks etdirərək,  daha etibarlı və sürücünün diqqətini pozmayan bir sürüş təmin edir. “Head-Up Displey” sistemi artıq tam rənglidir və sürücünün göz xəttində olduğundan onun diqqəti dağılmır. Gələcəkdə bu sistemin köməyi ilə son model BMW avtomobillərinin sürücüləri yollardakı sıxlıq, təmir işləri barədə məlumatları  ön şüşədə görə biləcəklər.

BMW-nin yeni nəsil avtomobillərində tətbiq edilən texnoloji yenilikləri sayıb qurtarmaq olmur.
Naviqasiya, SD, radio və telefon üzərində tam idarəetməni təmin edən “iDrive” sistemi, qaranlıqda 300 metrə qədər irəlidəki obyektləri göstərərək təhlükə haqqında xəbərdarlıq edən gecə görünüşü sistemi, yol kənarındakı nişanları izləyərək və hava şəraitindən asılı olaraq sürət məhdudiyyətini müəyyənləşdirən sistem, avtomobilin dönməsilə eyni zamanda dönərək daha uyğun görünüş yaradan LED faralar və sürücüyə dəstək verən “BMW ConnectedDrive” texnologiyasının digər funksiyaları bu avtomobili idarə edənlərin sükan arxasında əsl zövq almaları düşünülərək yaradılmışdır.

BMW Qrupu avtomobillərin daha etibarlı və rahat olması üçün fasiləsiz araşdırmalarını davam etdirir. “İmprotex Motors” şirkəti gələcəkdə də markanın yeniliklərini alıcılara çatdırmaq üçün bu cür tədbirləri davam etdirəcək.

Seymur Yunusov

© 2012 Bütün hüquqlar qorunur. Məqalələrdən və şəkillərdən istifadə edərkən “avtomobil.az”a istinad zəruridir.

Şərhlərin sayı: 0

AVATAR
Hələ heç kim şərh verməyib. Birinci siz olun.